Саранск ошка Россиянь УМВД-нь 3 № ОП-нь следственной отделэсь сыргавтсь уголовной тев 73 иесэ пенсионерканть манямонзо коряс.
Кода ёвтнесь авась, сонензэ гайневтсь а содавикс ломань, конась ёвтызе прянзо банконь важодицякс ды пачтясь, келя, мошенниктне бажить счётстонзо саемс ярмактнень, зыянов тевенть а нолдамга шкань апак таргсе сынст путомат резервной счётс. Сыре ломанесь топавтынзе весе кармавтоматнень ды 820 тёжат целковойтне тусть манчицятнень зепес.
Аванть валонзо коряс, зярыя часто теде икеле сон ульнесь полициянь участковоенть марто вастовомасонть, конась ёвтнесь телефон вельде манчицятнеде. Ансяк сонзэ превс путоматнень пенсионеркась мельс эзинзе сае.