Саранскойга Россиянь УМВД-нь 3 № полициянь отделэсь ванкшны манчемань коряс тевенть, конась лиссь 68 иесэ пенсионерэнть марто. Полицияв сон пшкадсь июленть ушодовомсто.

Пенсионерэсь пачтясь, июньстэ сонензэ гайневтсь а содавикс ломань, конась прянзо ёвтызе аналитикекс ды мерсь, келя, лезды саемс ламо ярмакт валютань биржасо. Теде мейле асодавиксэнть кармавтоманзо коряс цёрась сёрмадстызе прянзо сынст сайтонтень ды личной кабинетэзэнзэ путсь аламошка ярмакт. Мейле те счётонтень сыре ломанесь путнесь ярмакт эрьва чистэ. Ковонть прядовомсто пенсионерэсь сась мельс саемс таштавозь ярмактнень. Ансяк сайтонь администрациясь ёмась. А сон кадовсь 180 тёжат целковойтеме. Савсь тензэ пшкадемс полицияв.
МР-ва МВД-сь кармавты, брокерской компаниянь кочкамсто ванома сень лангс, мезе алты компаниясь-мошенникесь: алты покш процентт, арась регистрациязо, лезды од трейдертнэнень.