Октябрянь 29-це чистэ тешкстави Автомобилистэнь чись. Те кенярксчи алкуксонь водительтнень-профессионалтнэнь, конатнень туртов эрямось – а прядовикс ки ды ланганзо ардозь сядот тёжат вайгельбеть. Миллионт фурат, трейлерт, автобуст ды эрьва кодамо спецтранспорт, чинек-венек, пертьпельксэнь куш кодамо шкасто, ардыть минек масторонь трассатнева.
Ды эрьва истямо транспортонть руль экшсэ – ломань, кинь туртов водителень профессиясь – эрямонь смусть. Истят профессионалт неень шкане важодить «СпецСервис» Саранск ошонь муниципальной предприятиясонть, конань прявтсо Михаил Владимирович Струёнков. Самай сынст вановтост ало аштияк минек ошонть ваньксчизэ ды мазычизэ.
Кода тешкстызе Михаил Струёнков, течи «СпецСервис» МП-сь – те покш предприятия, конанть юрс совавтозельть ошонь коммунальной хозяйствань зярыя организациятне. Муниципальной предприятиянть васень тевезэ – ошонь вадрялгавтомась. Весе тевтне, конатне сюлмавозь китнень, ютамо таркатнень, пиже зонатнень, фонтантнэнь ванськавтомаст, чувтотнень керямонть, турникеттнэнь, килангонь знактнень, шукшонь туртов урнатнень ладямонть марто – весе тень топавтыть «СпецСервис» предприятиянь важодицятне.
– Се шкастонть саезь, кода ошонь коммунальной хозяйствань весе предприятиятне вейсэндявсть ды теезель «СпецСервис» МП-сь, рамазельть 17 единицат коммунальной од техника, эштё 58 единицат рамазельть предприятиятнень-банкроттнэнь кедьстэ, – корты Михаил Владимирович. – Нама, ошонь благоустройствань ды вадрялгавтомань ёнкссонть свал улить пеняцямот, ансяк меельце шкастонть важодемась ветяви алкукс покш – полавтневить общественной транспортонь лоткамо таркатнесэ павильонтнэ, ладсевить шукшонь туртов од урнат, весемесь одкстомтови. Ней, весе пеняцямотне, конатне сыть социальной сеттнень содавикс пабликтнес, домкасто ванкшновить. Сынст вельде эрицятне миненек пачтить зыянов тевтнеде. Косо-бути общественной транспортонь лотксема таркасо павильонось колавсь, косо-бути урна арась, килангонь знакось прась. Весементь куроксто витнетяно. Эрицятнень марто вейсэнь важодемась пек лезды вадрялгавтомс минек роботанок.
Кода мерсь Михаил Струёнков, неень шкане предприятиясонть важодить пек ламо эсь тевень содыця од специалистт, конатне содасызь эсь тевенть ды топавтыть сонзэ кода эряви. Истят специалисттнэнь ютксо покш пельксэнть саить водительтне, конатне важодить эрьва кодамо машинасо ды спецтехникасо.
Вейкесь эйстэст – трактористэсь Павел Александрович Гордеев. Предприятиясонть роботы малав кемень иеть, машинань ды лия техникань руль экшс жо озась сеске школанть прядомадо мейле.
Эрзянь цёранть (чачсь-кассь Кочкуровань райононь Од Мурза велесэ) прявт тевезэ – кирдемс ваньксчисэ ошонь китнень ды ютамо таркатнень. Кизэнек-теленек сон роботы МТЗ-82 тракторсонть. Кизна ванськавтыть китнень рудазонть ды шукшонть эйстэ, тельня жо весе вийтне максозь ловонть урядамонтень.
Водитель, шофёр… Маряви, лиятнень эйстэ мейсэяк а явовиця профессия. Алкукс те истя? «ГАЗель» автомашинань водителенть Александр Николаевич Аверьянов лангс ванозь, арсезеват овсе лиякс. Профессиясонть сон весе эрямонзо перть. Ютыть иетне, автомобилень вальманть лия ёно полавтневи пертьпельксэсь, одкстомтови транспортось, аполавтовиксэкс кадови вейкесь – водителень креслась.
– Зярдояк эзинь нее эсь прям лия профессиясо, – ёвтни Александр Николаевич, – кода весе цёрынькатне, эйкакш шкасто пек вечкилинь эрьва кодамо транспорт. Тетям весе эрямонзо перть ульнесь водителекс. Моньгак яла озавтылимим мартонзо руль экшс, ёвтниль эрьва кнопканть, эрьва рычагонть эрявиксчидензэ. Секскак эсь техниканть ней содаса педе-пес.
Александр Аверьяновонь важодемань чизэ ушодови валскень 4 чассто. Сон участкатнева ускси дворниктнень, слесартнень ды лия важодицятнень. Теде башка, участкатнень прявттнэнь марто ардтни ванкшномо топавтозь роботанть. Эсь тевенть вечксы, роботы покш мельсэ.
Истя жо трактористэкс «СпецСервис» МП-сонть важодить Владимир Викторович Лепкин ды Александр Николаевич Чигаев. Кавонест цёратне Кочкуровань райононь Сурвелестэ. Водителень профессиясонть истя жо уш аволь вейке кемень иеть. Эсь тевенть цёратне снартнить теемс ансяк парсте, секскак вадря важодеманть кисэ аволь весть тешкстазь Шнамонь конёвсо ды грамотасо.
– Эряви вечкемс сень, мезе теят, сестэ а кармить кодаткак стакачить ды эрицятнень пельде аволь весть марят сюкпрянь валт, – тешксты Владимир Лепкин.
– Мон кода школадо мейле тонавтнинь трактористэнь-водителень профессиянтень, истя свалшкане те тевенть топавтангак, – корты Александр Чигаев. – Армиясо ульнинь водителекс, мейле водителекс-трактористэкс роботынь кирьпецень теема заводсо, истя жо тракторонь руль экшсэ важодян тесэяк. Те профессиясь монь туртов кармась эрямонь тевекс ды полавтомс сонзэ лия лангс овсе а бажан.
Предприятиянь эштё вейке трактористэсь-водителесь – Игорь Фёдорович Бакаев. Роботы тесэ аволь умок, весемезэ омбоце ие, ансяк вана руль экшсэ 14 иестэ саезь.
– Водителень тевенть кочкия тетянь лангс ванозь. Сон весе эрямонзо перть роботась колхозсо водителекс. А мон овсе эйкакшокс весе кизэнь каникулатнень яла ютавтылинь сонзэ марто машинасо ды тракторсо. Истя аламонь-аламонь тонавтния техниканть, снартнинь чарькодемс сонзэ машинань ветямонь ёрокчинть, – ёвтни Игорь Фёдорович. – Зярдо тень топодсть 14 иеть, молинь комбайнёрнэнь лездыцякс. А уш зярдо тонавтнинь ДОСААФ-со ды получинь водителень-трактористэнь прават, карминь официальна важодеме колхозсо. Эрямонь перть варчнинь эрьва кодат тракторт, машинат, комбайнат. Тонадынь чарькодеме эрьва гайтенть, эрьва чикордоманть. Секскак, бути мезеяк калады, шкань апак таргсе куроксто витнеса.
Ниле иеде икеле «СпецСервис» Саранск ошонь МП-нь трактористтнэнь-водительтнень коллективентень сась Пётр Владимирович Молодочкин. Од цёрась сась сеске школанть прядомадо мейле.
– Тесэ важодемадонть монень ёвтнесь ялгам. Ды ёвтнесь истя, монь сеске чачсь мелем самс. Вана уш ниле иеть роботан, эзинь янксе ве чияк, – тешксты од трактористэсь. – Коллективесь минек пек вадря, весе техникас чарькодицят, секскак, бути мезеяк лиси, лездыть теть ды толковасызь, кода улемс те эли тона тевсэнть.
Цёратне-водительтне коллективсэнть весе ответственнойть. Сынь теить покш ды эрявикс тев ошонть ды минек эрицятнень лезэс. Ды теить сонзэ вейке-вейкенень лездазь ды парсте.
Юлия Еремина
Фотось
Эдуард РЕТУНСКИЕНЬ
Мельвановикс ялгат! Ёвтан тенк седейшкавань поздоровт тынк профессиональной кенярксчинк коряс – Автомобилистэнь чинть кувалма!
Тынк эйстэ ламосто ашти минек республиканть ды целанек масторонть вандынь чизэ. Тынь тейтядо покш ды эрявикс тев. Арсян тыненк ды тынк малавиксэнк туртов кеме шумбрачи, уцяска, вадря тевть ды покш изнявкст! Уледе кемевикст эсь кочкавт тевентень!
М. В. СТРУЁНКОВ,
«СпецСервис» Саранск ошонь МП-нь прявтось.
Кода тешкстызе Михаил Струёнков, течи «СпецСервис» МП-сь – те покш предприятия, конанть юрс совавтозельть ошонь коммунальной хозяйствань зярыя организациятне. Муниципальной предприятиянть васень тевезэ – ошонь вадрялгавтомась. Весе тевтне, конатне сюлмавозь китнень, ютамо таркатнень, пиже зонатнень, фонтантнэнь ванськавтомаст, чувтотнень керямонть, турникеттнэнь, килангонь знактнень, шукшонь туртов урнатнень ладямонть марто – весе тень топавтыть «СпецСервис» предприятиянь важодицятне.
– Се шкастонть саезь, кода ошонь коммунальной хозяйствань весе предприятиятне вейсэндявсть ды теезель «СпецСервис» МП-сь, рамазельть 17 единицат коммунальной од техника, эштё 58 единицат рамазельть предприятиятнень-банкроттнэнь кедьстэ, – корты Михаил Владимирович. – Нама, ошонь благоустройствань ды вадрялгавтомань ёнкссонть свал улить пеняцямот, ансяк меельце шкастонть важодемась ветяви алкукс покш – полавтневить общественной транспортонь лоткамо таркатнесэ павильонтнэ, ладсевить шукшонь туртов од урнат, весемесь одкстомтови. Ней, весе пеняцямотне, конатне сыть социальной сеттнень содавикс пабликтнес, домкасто ванкшновить. Сынст вельде эрицятне миненек пачтить зыянов тевтнеде. Косо-бути общественной транспортонь лотксема таркасо павильонось колавсь, косо-бути урна арась, килангонь знакось прась. Весементь куроксто витнетяно. Эрицятнень марто вейсэнь важодемась пек лезды вадрялгавтомс минек роботанок.
Кода мерсь Михаил Струёнков, неень шкане предприятиясонть важодить пек ламо эсь тевень содыця од специалистт, конатне содасызь эсь тевенть ды топавтыть сонзэ кода эряви. Истят специалисттнэнь ютксо покш пельксэнть саить водительтне, конатне важодить эрьва кодамо машинасо ды спецтехникасо.
Вейкесь эйстэст – трактористэсь Павел Александрович Гордеев. Предприятиясонть роботы малав кемень иеть, машинань ды лия техникань руль экшс жо озась сеске школанть прядомадо мейле.
Эрзянь цёранть (чачсь-кассь Кочкуровань райононь Од Мурза велесэ) прявт тевезэ – кирдемс ваньксчисэ ошонь китнень ды ютамо таркатнень. Кизэнек-теленек сон роботы МТЗ-82 тракторсонть. Кизна ванськавтыть китнень рудазонть ды шукшонть эйстэ, тельня жо весе вийтне максозь ловонть урядамонтень.
Водитель, шофёр… Маряви, лиятнень эйстэ мейсэяк а явовиця профессия. Алкукс те истя? «ГАЗель» автомашинань водителенть Александр Николаевич Аверьянов лангс ванозь, арсезеват овсе лиякс. Профессиясонть сон весе эрямонзо перть. Ютыть иетне, автомобилень вальманть лия ёно полавтневи пертьпельксэсь, одкстомтови транспортось, аполавтовиксэкс кадови вейкесь – водителень креслась.
– Зярдояк эзинь нее эсь прям лия профессиясо, – ёвтни Александр Николаевич, – кода весе цёрынькатне, эйкакш шкасто пек вечкилинь эрьва кодамо транспорт. Тетям весе эрямонзо перть ульнесь водителекс. Моньгак яла озавтылимим мартонзо руль экшс, ёвтниль эрьва кнопканть, эрьва рычагонть эрявиксчидензэ. Секскак эсь техниканть ней содаса педе-пес.
Александр Аверьяновонь важодемань чизэ ушодови валскень 4 чассто. Сон участкатнева ускси дворниктнень, слесартнень ды лия важодицятнень. Теде башка, участкатнень прявттнэнь марто ардтни ванкшномо топавтозь роботанть. Эсь тевенть вечксы, роботы покш мельсэ.
Истя жо трактористэкс «СпецСервис» МП-сонть важодить Владимир Викторович Лепкин ды Александр Николаевич Чигаев. Кавонест цёратне Кочкуровань райононь Сурвелестэ. Водителень профессиясонть истя жо уш аволь вейке кемень иеть. Эсь тевенть цёратне снартнить теемс ансяк парсте, секскак вадря важодеманть кисэ аволь весть тешкстазь Шнамонь конёвсо ды грамотасо.
– Эряви вечкемс сень, мезе теят, сестэ а кармить кодаткак стакачить ды эрицятнень пельде аволь весть марят сюкпрянь валт, – тешксты Владимир Лепкин.
– Мон кода школадо мейле тонавтнинь трактористэнь-водителень профессиянтень, истя свалшкане те тевенть топавтангак, – корты Александр Чигаев. – Армиясо ульнинь водителекс, мейле водителекс-трактористэкс роботынь кирьпецень теема заводсо, истя жо тракторонь руль экшсэ важодян тесэяк. Те профессиясь монь туртов кармась эрямонь тевекс ды полавтомс сонзэ лия лангс овсе а бажан.
Предприятиянь эштё вейке трактористэсь-водителесь – Игорь Фёдорович Бакаев. Роботы тесэ аволь умок, весемезэ омбоце ие, ансяк вана руль экшсэ 14 иестэ саезь.
– Водителень тевенть кочкия тетянь лангс ванозь. Сон весе эрямонзо перть роботась колхозсо водителекс. А мон овсе эйкакшокс весе кизэнь каникулатнень яла ютавтылинь сонзэ марто машинасо ды тракторсо. Истя аламонь-аламонь тонавтния техниканть, снартнинь чарькодемс сонзэ машинань ветямонь ёрокчинть, – ёвтни Игорь Фёдорович. – Зярдо тень топодсть 14 иеть, молинь комбайнёрнэнь лездыцякс. А уш зярдо тонавтнинь ДОСААФ-со ды получинь водителень-трактористэнь прават, карминь официальна важодеме колхозсо. Эрямонь перть варчнинь эрьва кодат тракторт, машинат, комбайнат. Тонадынь чарькодеме эрьва гайтенть, эрьва чикордоманть. Секскак, бути мезеяк калады, шкань апак таргсе куроксто витнеса.
Ниле иеде икеле «СпецСервис» Саранск ошонь МП-нь трактористтнэнь-водительтнень коллективентень сась Пётр Владимирович Молодочкин. Од цёрась сась сеске школанть прядомадо мейле.
– Тесэ важодемадонть монень ёвтнесь ялгам. Ды ёвтнесь истя, монь сеске чачсь мелем самс. Вана уш ниле иеть роботан, эзинь янксе ве чияк, – тешксты од трактористэсь. – Коллективесь минек пек вадря, весе техникас чарькодицят, секскак, бути мезеяк лиси, лездыть теть ды толковасызь, кода улемс те эли тона тевсэнть.
Цёратне-водительтне коллективсэнть весе ответственнойть. Сынь теить покш ды эрявикс тев ошонть ды минек эрицятнень лезэс. Ды теить сонзэ вейке-вейкенень лездазь ды парсте.
Юлия Еремина
Фотось
Эдуард РЕТУНСКИЕНЬ
Мельвановикс ялгат! Ёвтан тенк седейшкавань поздоровт тынк профессиональной кенярксчинк коряс – Автомобилистэнь чинть кувалма!
Тынк эйстэ ламосто ашти минек республиканть ды целанек масторонть вандынь чизэ. Тынь тейтядо покш ды эрявикс тев. Арсян тыненк ды тынк малавиксэнк туртов кеме шумбрачи, уцяска, вадря тевть ды покш изнявкст! Уледе кемевикст эсь кочкавт тевентень!
М. В. СТРУЁНКОВ,
«СпецСервис» Саранск ошонь МП-нь прявтось.