Ютазь недлясто Мордовиянь Прокуратурасо ютась республикань од прокуроронть Сергей Лапинэнь журналисттнэнь марто пресс-конференция. Те ульнесь васенце вастовома СМИ-тнень представительтнень марто, конанть шкасто тензэ максозельть ламо талновтыця кевкстемат.
Истя жо од прокурорось тешкстызе, прокуратурась панжадо журналисттнэнь туртов, сон карми бажамо сеедьстэ макснемс интервьют ды ёвтамс каршо валт мелявтовтыця кевкстематнень лангс.
Республикадонть ды семиядонзо
Сергей Лапин лови Мордовияв ладямонзо эсь карьеранть кепедемакс. Икелень роботамо тарказо – Ямало-Ненецкой автономной округось. Чачсь жо Камчаткасо. Мартонзо Мордовияв састь низэ ды веженсь цёразо. Низэ истя жо прокуратурань сотрудник. Васенце цёразо поладызе тетянзо-аванзо кинть ды тонавтнесь юристэкс. Ней роботы Санкт-Петербургонь прокуратурасо. Лапинэнь роднянзо-раськензэ аволь юристт. Эйкакшпорасто саезь, конатне савсть ютазь пингень 90-це иетнес, сон арсесь тонавтнемс юрфаксо, седе тов бажась молемс важодеме следователекс.
Республиканть сон эштё пек эзизе ванкшно, Саранскойденть жо мельспаросо. Од иенть самс Лапин арси ардтнемс весе районтнэнь ды вастовомс седе ламо сотрудниктнень марто. Санкт-Петербургсо тонавтнемадонть ды роботамодонть мейле тесэ сонзэ кенярдовтыть валске рана ардомсто чаво китне, арасть пробкат. Роботамонь кабинетсэнзэ зярс сон мезеяк эзь полавто, ансяк путызе рамкас Россиянь Президентэнть Указонзо Мордовиянь прокуророкс ладямодонзо ды столь лангсо ашти Мордовиядо книга. Эрьва чись прокуроронть туртов – те певтеме од информация, конанть сон бажи саемс мельс-превс ды примамс виде решеният.
Мордовиянь прокурорось васенцекс явсь мель улемс МР-нь Правительствань промкстнэсэ ды Госсобраниянь сессиятнесэ, конатнесэ аштемс сонзэ ули правазо, ды арси те лувонть поладомс седе товгак. Истя жо од прокурорось тешкстызе, прокуратурань сотрудниктнень пельде сон учи профессионализма ды видечи.
Васенце тевтнеде
Прокуратурань органтнэ кармить седе пштистэ ваномо тетявтомо-ававтомо эйкакштнень туртов эрямо таркатнень явоманть мельга. Сонзэ вановт ало эштё вейке мелявтовтыця тевесь – те Инерка эрькенть коряс талновтыця кевкстемась. Прокуроронть сехте пек ризнэвтить эйкакштнень ютксо преступностенть касомась, коррупционной тевтне, льготниктненень эрявикс надобиятнень пачтямось, республикань ули-паронть казнас велявтомась ды ламось лиясь.
Оймсема шкадо
Сергей Лапин тешксты, оймсема шказо прокуроронть пек аламо. Ялатеке, бути сон лиси, сестэ налкси футболсо, хоккейсэ. Вечки пандопрясто кирякстнеме сокссо, яксеме калонь кундсеме. Ансяк сеедьстэ сон ашти кудосо семиянзо марто ды лови тень сехте оймсевтиця ды кенярдовтыця шкакс.
Марина Девятова
Республикадонть ды семиядонзо
Сергей Лапин лови Мордовияв ладямонзо эсь карьеранть кепедемакс. Икелень роботамо тарказо – Ямало-Ненецкой автономной округось. Чачсь жо Камчаткасо. Мартонзо Мордовияв састь низэ ды веженсь цёразо. Низэ истя жо прокуратурань сотрудник. Васенце цёразо поладызе тетянзо-аванзо кинть ды тонавтнесь юристэкс. Ней роботы Санкт-Петербургонь прокуратурасо. Лапинэнь роднянзо-раськензэ аволь юристт. Эйкакшпорасто саезь, конатне савсть ютазь пингень 90-це иетнес, сон арсесь тонавтнемс юрфаксо, седе тов бажась молемс важодеме следователекс.
Республиканть сон эштё пек эзизе ванкшно, Саранскойденть жо мельспаросо. Од иенть самс Лапин арси ардтнемс весе районтнэнь ды вастовомс седе ламо сотрудниктнень марто. Санкт-Петербургсо тонавтнемадонть ды роботамодонть мейле тесэ сонзэ кенярдовтыть валске рана ардомсто чаво китне, арасть пробкат. Роботамонь кабинетсэнзэ зярс сон мезеяк эзь полавто, ансяк путызе рамкас Россиянь Президентэнть Указонзо Мордовиянь прокуророкс ладямодонзо ды столь лангсо ашти Мордовиядо книга. Эрьва чись прокуроронть туртов – те певтеме од информация, конанть сон бажи саемс мельс-превс ды примамс виде решеният.
Мордовиянь прокурорось васенцекс явсь мель улемс МР-нь Правительствань промкстнэсэ ды Госсобраниянь сессиятнесэ, конатнесэ аштемс сонзэ ули правазо, ды арси те лувонть поладомс седе товгак. Истя жо од прокурорось тешкстызе, прокуратурань сотрудниктнень пельде сон учи профессионализма ды видечи.
Васенце тевтнеде
Прокуратурань органтнэ кармить седе пштистэ ваномо тетявтомо-ававтомо эйкакштнень туртов эрямо таркатнень явоманть мельга. Сонзэ вановт ало эштё вейке мелявтовтыця тевесь – те Инерка эрькенть коряс талновтыця кевкстемась. Прокуроронть сехте пек ризнэвтить эйкакштнень ютксо преступностенть касомась, коррупционной тевтне, льготниктненень эрявикс надобиятнень пачтямось, республикань ули-паронть казнас велявтомась ды ламось лиясь.
Оймсема шкадо
Сергей Лапин тешксты, оймсема шказо прокуроронть пек аламо. Ялатеке, бути сон лиси, сестэ налкси футболсо, хоккейсэ. Вечки пандопрясто кирякстнеме сокссо, яксеме калонь кундсеме. Ансяк сеедьстэ сон ашти кудосо семиянзо марто ды лови тень сехте оймсевтиця ды кенярдовтыця шкакс.
Марина Девятова