Масторонь келес течи а муят истямо семия, конань бу а токавлизе Ине Отечественной войнань сэредьксэсь. Неень шкане тиринь ёнксонь идицятнень (1941-1945 иеть) эйкакштнень ды нуцькатнень ютксто ламот лездыть СВО-нь участниктненень. Те важодемась ютавтови кода Саранскойсэ, истя республикань весе районтнэсэ.
Невтемакс, Покш Березникень муниципальной райононь Парынзэле велень аватне телень перть кодасть понань носкат. Теке ёнксонь Марьяновка велень волонтёртнэ мейсэ ансяк а лездыть масторонь идицятненень. Сынь стасть ламо оршамопельть, ютксост улить эрямонь ванстыця жилетт. Те велень ломантне пурнасть гуманитарной лезкс, ансяк тушёнкадонть ильтясть колмосядто ламо банкат.
Покш Березникень районсонть сынь васенцекс ушодсть минек боецтнэнь туртов кекшемань сетень кодамо. Марьяновка велень эрицятне, кода республикань весе ломантнеяк, чарькодить, кодашка лезкс сеттнень вельде максови СВО-нь участниктненень, сынст орудияст, окопост, блиндажост ды лиясто мик эрямост ванстомсто.
Те тевсэнть сехте покш важодеманть эсензэ лангс саизе Татьяна Калинина предпринимателесь-волонтёрось. Сеттнень ды коцтонь рамамс ярмаконь лезкс макссть Парынзэле велесэ чачозтне-касозтне – лелят-ялакст Виктор Александрович ды Сергей Александрович Косынкинтнэ.
Марьяновка велень эрицятне, вейке-омбоце лангс ванозь, ушодсть сыненст лездамо. Те паро тевенть топавтомо кармасть Покш Березникень райононь лия велетнесэяк. Виде, ней сыненст эряви рамамс аволь вейке рулон сетка, конань покшолмазо 50 метрат. Эрьва маскировочной сеткантень туить 4 метрадо а седе аламо.
Сеттнень, носкань кодамо ды лия гуманитарной лезксэнь пурнамо ломантне седе эрязасто кармасть сестэ, зярдо волонтёртнэ кучизь казнетнень специальной военной операциянь ютавтома таркантень. Мобилизованной боецтнэнь эйстэ вейкесь пачтясь малавиксэнзэ туртов пачтямотнеде, башка сюкпря ёвтась Парынзэлень аватнень кедьсэ кодазь носкатнень кисэ. Кодыцятне эсь ёндо мерсть сюкпрянь валт Покш Березникень Депутатонь райсоветэнь прявтонтень А. Н. Топоркованень, кие питневтеме тенст макссь суреть носкань кодамс.
Вана истя, вейке-вейкенень лездазь, малавгавтови Изнямонь чись.
Валентина Юдина
Покш Березникень районсонть сынь васенцекс ушодсть минек боецтнэнь туртов кекшемань сетень кодамо. Марьяновка велень эрицятне, кода республикань весе ломантнеяк, чарькодить, кодашка лезкс сеттнень вельде максови СВО-нь участниктненень, сынст орудияст, окопост, блиндажост ды лиясто мик эрямост ванстомсто.
Те тевсэнть сехте покш важодеманть эсензэ лангс саизе Татьяна Калинина предпринимателесь-волонтёрось. Сеттнень ды коцтонь рамамс ярмаконь лезкс макссть Парынзэле велесэ чачозтне-касозтне – лелят-ялакст Виктор Александрович ды Сергей Александрович Косынкинтнэ.
Марьяновка велень эрицятне, вейке-омбоце лангс ванозь, ушодсть сыненст лездамо. Те паро тевенть топавтомо кармасть Покш Березникень райононь лия велетнесэяк. Виде, ней сыненст эряви рамамс аволь вейке рулон сетка, конань покшолмазо 50 метрат. Эрьва маскировочной сеткантень туить 4 метрадо а седе аламо.
Сеттнень, носкань кодамо ды лия гуманитарной лезксэнь пурнамо ломантне седе эрязасто кармасть сестэ, зярдо волонтёртнэ кучизь казнетнень специальной военной операциянь ютавтома таркантень. Мобилизованной боецтнэнь эйстэ вейкесь пачтясь малавиксэнзэ туртов пачтямотнеде, башка сюкпря ёвтась Парынзэлень аватнень кедьсэ кодазь носкатнень кисэ. Кодыцятне эсь ёндо мерсть сюкпрянь валт Покш Березникень Депутатонь райсоветэнь прявтонтень А. Н. Топоркованень, кие питневтеме тенст макссь суреть носкань кодамс.
Вана истя, вейке-вейкенень лездазь, малавгавтови Изнямонь чись.
Валентина Юдина