Апрелень меельце читнестэ специальной военной операциянь участниктнень туртов невтезель концерт, конань арсицякс-ютавтыцякс кармась «Торама» государственной фольклорной ансамблясь. Мероприятиянть содавтызь Южной военной округонь нилесядто ламо военнослужащейть.
Концертэнь программань ниле частнэнь перть творческой коллективесь морась рузонь, эрзянь ды мокшонь кельтнесэ морот. Истя жо гайгсть советской ды российской автортнэнь содавикс произведениятне.
Специальной военной операциянть ушодовомсто саезь ансамблясь свал невтни эсь шкинеманть воинской часттнесэ.
«Торама» государственной фольклорной ансамблянь прявтось Андрей Николаев тешксты: «Минек прявт тевенек течи – лездамс солдаттнэнень кирдемс боевой ёжонть ды ёвтамс сыненст эсь сюкпрянть. Секскак минь тагояк анокт невтемс сыненст эсь шкинеманть. Ансамблясь ней уш арси од гастрольть специальной военной операциянь участниктнень туртов».