Саранск ошка Россиянь УМВД-нь 1 № ОП-нь дежурной частев пшкадсь колледжень 18 иесэ студентка, конась пачтясь седе, што понгсь манчицятненень.
Пшкадицянть валонзо коряс, июнень 28-це чистэ сонензэ гайневтсь а содавикс ломань, конась ёвтызе прянзо правоохранительной органтнэсэ важодицякс ды кевкстсь, киненьгак пачтякшнынзе-арась эсь персональной данноензэ, мезенть каршо тейтересь мерсь, што эзинзе. Теде мейле гайневтицясь пачтясь, келя, тейтеренть лангс манчицятне снартнить саемс кредит. Седе тов кортамось поладовсь «банконь важодицянть» марто, конась студенткантень мерсь, финансовой операциянть лоткавтомга саемс банксто заём ды путомс неть ярмактнень резервной счёттнэс.
Весементь топавтозь, тейтересь сайсь кредит онлайн приложениясонть. Неть 100 тёжань покшолмасо ярмактнень сон путынзе ёвтазь счёттнэс.
Манявомантень чарькодезь, тейтересь пшкадсь полицияв.
Ней полицейскойтне тевенть коряс ютавтыть ванномат.
Мордовия Республикава МВД-сь эштёяк ледсти: банконь картатнень эли счёттнэнь коряс пачтямотнень самга, эряви эстенк гайневтемс эли пшкадемс кредитно-финансовой учрежденияв.