«Народный участковый» Весероссиянь пелькстамось ютавтневи уш зярыя иень перть ды свалшкане изницятне ёвтавить полициянь участковоень уполномоченноень чинтень, кона эрьва ие тешкстави сундерьковонь 17-це чистэ. Ансяк финалс лисицятненень васняяк эряви невтемс ёрокчинть эсь участкатнесэ важодемасо.
Эдь сехте вадря участковоенть васняяк кочки прявт жюрись – эрицятне. Истя, Покш Игнатовань буесэ пелькстамонь васенце этапонь финалс лиссь Россиянь МВД-нь «Ичалковский» ММО-нь полициянь 7-це номер пунктонь старшей участковой уполномоченноесь Валерий Николаевич Левщанов. Кодамо сон, неень шкань алкуксонь участковоесь, ёвтнетяно эсь материалсонть.
Валерий Левщановонь полициясо (а сестэ эштё милициясо) службазо ушодовсь 25 иеде икеле, зярдо од цёрась сась армиясто ды икелензэ стясь кевкстема эстензэ важодема таркань кочкамодо.
– Те ульнесь 1996 иестэ. Монень сестэ ульнесть 25 иеть, эрямонть уш содынь-чарькодинь, – ёвтни Валерий Левщанов. – Лелям роботась участковоекс ды тердимим варчамс вийтнень милициясо. Сестэ самай ульнесть таркат. Васня арсемась ульнесь варчамс следователекс. Мейле, прявтонть марто кортазь, саимизь участковоекс. Ды вана уш 25 иеть мон те тевсэнть.
Нама, од цёранть туртов важодемань васень кото ковтне ульнесть стажировкакс. Тонавтнесь административной протоколтнэнь видестэ тешкстамо, важодсь аволь стака тевтнень лангсо, ваннось апак панжо тевтнень. Мейле, зярдо ютазель аттестациясь, тосо уш саламот, тюремат ды лия уголовной тевть макссть ванномс.
– Важодемань васенце кавто иетнень перть тон ансяк тонавтнят: важодема лувонть, системанть. Лиякс меремс, тееват содавиксэкс профессиянть марто. А тонавтнесак весементь тень, эйстэть мезеяк а лиси. Ансяк истя. Штобу кармамс чарькодиця участковоекс, эряви важодемс, сехте аламось, колмо иеть, – тешксты Валерий Левщанов.
Россиянь МВД-нь «Ичалковский» ММО-нь полициянь 7-це № пунктонь участковойтнень туртов важодемань чись ушодови валскень 7 чассто. Сынь ардыть Ицялов, эдь сынст прявт отделэсь тосо, максови тенст оружия, велявтыть Игнатовав ды тесэ уш пурнави планёрка, косо толковави важодемань чись ды ушодови материалтнэнь, пшкадематнень, яволявтоматнень лангсо важодемась. Чокшне вете часто мейле таго сави ардомс Ицялов, велявтомс оружиянть. Теде мейле участковоенть важодемазо ладяви тевтнень коряс. Материалт улить, важодить сынст лангсо, бути мезеяк а лиси, сыргить кудов.
– Седе ламо минь важодтяно эрицятнень яволявтомаст, пшкадемаст ды пачтямост коряс. Кортатано сеть эрицятнень марто, кить пряст ветить а видестэ. Эрьва чистэ содавттано сетнень, кить аштить минек учётсо. Лиякс меремс, важодтяно сень коряс, мезе мелявтовты минек эрицятнень, – корты участковоесь.
Кода тешксты Валерий Николаевич, важодемань иетнень перть ульнесь эрьва мезе, ламо тевть савсь ванномс. Истя, ве иестэ Левщановонь участкасо аштиця колхозстонть саласть лишме. Ульнесь теле, салыцятне лишменть ферманть вакссо кильдизь нурдос ды истя оргодсть. Оперативной важодицянть марто сынь малав недля мольсть те салазь лишменть следга, ансяк кодаяк эзть кенере, салыцятне седе эрязальть. Мейле ёвтасть тенст, истямо лишме несть шабра Нижегородской областень вейке велесэ. Сынь – тов. Истя салазь лишмесь велявтозель колхозонтень. Салыцятнень лангсо жо ульнесь суд.
Участковоесь корты, важодемань иетнень перть тевтнеде ваннозельть ламо, ды эрьвась эйстэст кады тешкс превс, эрьвась юты седеенть пачк.
– Сехте пек седеезэнь кадовсь аволь умок лисезь зыянов тевесь – шабра велесэ чавсть колмо ломанть. Зярдо минь совинек кудонтень, неезесь ацирьгавтымизь – комнатасонть колмо ломанть, конатнень рунгова ульнесть ламо ранат. Кода-бути сеске а ён кармась. Чавицянть минь кундынек малав сеске, теке жо чистэнть, – ёвтни Валерий Левщанов.
Весе парсте содыть, полициясо важодицятнестэ участковоесь сехте малавикс эрицятненень. Секскак сонзэ малав овсе а эрсить оймсема чинзэ – роботамс савкшны ветькак. Лиясто туят кудов, сы пачтямо, лиссь кодамояк тев. Седе сеедьстэ неть бытовой тевтне. Невтемга, мирдесь веть сась иредьстэ, кармась нинть марто сёвномо-тюреме. Нама, тердить участковой, кона аламодо оймавтсы.
– Истя весть монськак ранявкшнынь, – тешксты Валерий Николаевич. – Сась пачтямо, конанень явинь мель, ды ардынь тов. Тевесь ульнесь Андреевка велесэ, а те монь тиринь велем. Ломанесь ульнесь аволь шумбра, аштесь учётсо психиатрической больницясо ды эштё иредьстэль. Сон тюрьгадсь од цёрынька марто. Мон сынь, кортынь мартонзо, ансяк сон эзь оймавтово. Тердинь наряд ды молинек тензэ кудос, саемензэ. Ушосонть уш ве, чопода. Сон минек машинанть, паряк, вальмава неизе ды уш учось эйсэнек кенкш удало. Мон совилинь васенцекс, сон каявсь лангозон пеель марто ды мештес лазымим. Те ульнесь 2000 иестэ.
Мезеяк лангс апак вано, Валерий Николаевич эзизе кадо участковоень тевенть. Ды эсь кочкавт профессиянть коряс зярдояк эзь янксекшне.
– Важодемась тукшны мелезэнь. Эрьва чись а моли ютазенть ёнов, эрьвась канды мезе-бути од. Тень коряс пек паро, – корты участковоесь. – Лия ёндо, участковоень тевесь пек а шожда. Минь роботатано чинек-венек, оймсема чинек малав арасть. Неть важодемань 25 иетнень перть панжозь ламодояк ламо тевть, эрьва чистэ ваннозь кавто-колмо материалт. Бути вана саемс икелень шкатнень, пек ламо ули мезе ледстнемс. Минек районось седе покшоль, важодсть колхозт ды минек отделэськак ков седе покш ульнесь. Веенст шкатнестэ тесэ малав ведьгемень ломанть важодсть. Эрямось лаказь лакась. Ней ансяк сисем ломанть кадовсть. Сестэ эрьва чистэ ковгак ардылинек тевс. Кода уш меринь, колхозтнэде ламольть, саламонь тевтнедеяк ульнесть ламо. Тень коряс пек важодинек. Ней весемесь полавтовсь.
Течи Валерий Левщановонь участкасонть лововить вейксэ велеть. Эрицятнеде весемезэ 2100 ломанть. Участкась аволь вишкине, эрьва чистэ сынст ардомс-ютамс эряви аволь аламо шка. А эдь эштё эряви эрицятнень мартояк кортнемс, кевкстнемс тевтнеде.
– Участковоентень васняяк эряви улемс коммуникабельноекс. Седе сеедьстэ вастневемс, кортнемс эрицятнень марто. Кунсоломс сынст энялдомаст. Те эстеть важодемасо пек лезды – ломантне седе кемеме кармить. А тентеме течинь чине ковгак, – кемексты Валерий Николаевич.
Эсь важодеманть кисэ Валерий Левщанов тешкстазь ламодояк ламо грамотасо ды шнамонь конёвсо, ули «За боевое содружество» медалезэ, сон – МР-ва МВД-нь заслуженной важодиця. Тень весементь стяконь кисэ а максыть. Секскак «Народный участковый» пелькстамосонть Валерий Николаевичень кисэ эсь вайгелест максызь райононь ламот эрицятне.
Юлия Еремина
Валерий Левщановонь полициясо (а сестэ эштё милициясо) службазо ушодовсь 25 иеде икеле, зярдо од цёрась сась армиясто ды икелензэ стясь кевкстема эстензэ важодема таркань кочкамодо.
– Те ульнесь 1996 иестэ. Монень сестэ ульнесть 25 иеть, эрямонть уш содынь-чарькодинь, – ёвтни Валерий Левщанов. – Лелям роботась участковоекс ды тердимим варчамс вийтнень милициясо. Сестэ самай ульнесть таркат. Васня арсемась ульнесь варчамс следователекс. Мейле, прявтонть марто кортазь, саимизь участковоекс. Ды вана уш 25 иеть мон те тевсэнть.
Нама, од цёранть туртов важодемань васень кото ковтне ульнесть стажировкакс. Тонавтнесь административной протоколтнэнь видестэ тешкстамо, важодсь аволь стака тевтнень лангсо, ваннось апак панжо тевтнень. Мейле, зярдо ютазель аттестациясь, тосо уш саламот, тюремат ды лия уголовной тевть макссть ванномс.
– Важодемань васенце кавто иетнень перть тон ансяк тонавтнят: важодема лувонть, системанть. Лиякс меремс, тееват содавиксэкс профессиянть марто. А тонавтнесак весементь тень, эйстэть мезеяк а лиси. Ансяк истя. Штобу кармамс чарькодиця участковоекс, эряви важодемс, сехте аламось, колмо иеть, – тешксты Валерий Левщанов.
Россиянь МВД-нь «Ичалковский» ММО-нь полициянь 7-це № пунктонь участковойтнень туртов важодемань чись ушодови валскень 7 чассто. Сынь ардыть Ицялов, эдь сынст прявт отделэсь тосо, максови тенст оружия, велявтыть Игнатовав ды тесэ уш пурнави планёрка, косо толковави важодемань чись ды ушодови материалтнэнь, пшкадематнень, яволявтоматнень лангсо важодемась. Чокшне вете часто мейле таго сави ардомс Ицялов, велявтомс оружиянть. Теде мейле участковоенть важодемазо ладяви тевтнень коряс. Материалт улить, важодить сынст лангсо, бути мезеяк а лиси, сыргить кудов.
– Седе ламо минь важодтяно эрицятнень яволявтомаст, пшкадемаст ды пачтямост коряс. Кортатано сеть эрицятнень марто, кить пряст ветить а видестэ. Эрьва чистэ содавттано сетнень, кить аштить минек учётсо. Лиякс меремс, важодтяно сень коряс, мезе мелявтовты минек эрицятнень, – корты участковоесь.
Кода тешксты Валерий Николаевич, важодемань иетнень перть ульнесь эрьва мезе, ламо тевть савсь ванномс. Истя, ве иестэ Левщановонь участкасо аштиця колхозстонть саласть лишме. Ульнесь теле, салыцятне лишменть ферманть вакссо кильдизь нурдос ды истя оргодсть. Оперативной важодицянть марто сынь малав недля мольсть те салазь лишменть следга, ансяк кодаяк эзть кенере, салыцятне седе эрязальть. Мейле ёвтасть тенст, истямо лишме несть шабра Нижегородской областень вейке велесэ. Сынь – тов. Истя салазь лишмесь велявтозель колхозонтень. Салыцятнень лангсо жо ульнесь суд.
Участковоесь корты, важодемань иетнень перть тевтнеде ваннозельть ламо, ды эрьвась эйстэст кады тешкс превс, эрьвась юты седеенть пачк.
– Сехте пек седеезэнь кадовсь аволь умок лисезь зыянов тевесь – шабра велесэ чавсть колмо ломанть. Зярдо минь совинек кудонтень, неезесь ацирьгавтымизь – комнатасонть колмо ломанть, конатнень рунгова ульнесть ламо ранат. Кода-бути сеске а ён кармась. Чавицянть минь кундынек малав сеске, теке жо чистэнть, – ёвтни Валерий Левщанов.
Весе парсте содыть, полициясо важодицятнестэ участковоесь сехте малавикс эрицятненень. Секскак сонзэ малав овсе а эрсить оймсема чинзэ – роботамс савкшны ветькак. Лиясто туят кудов, сы пачтямо, лиссь кодамояк тев. Седе сеедьстэ неть бытовой тевтне. Невтемга, мирдесь веть сась иредьстэ, кармась нинть марто сёвномо-тюреме. Нама, тердить участковой, кона аламодо оймавтсы.
– Истя весть монськак ранявкшнынь, – тешксты Валерий Николаевич. – Сась пачтямо, конанень явинь мель, ды ардынь тов. Тевесь ульнесь Андреевка велесэ, а те монь тиринь велем. Ломанесь ульнесь аволь шумбра, аштесь учётсо психиатрической больницясо ды эштё иредьстэль. Сон тюрьгадсь од цёрынька марто. Мон сынь, кортынь мартонзо, ансяк сон эзь оймавтово. Тердинь наряд ды молинек тензэ кудос, саемензэ. Ушосонть уш ве, чопода. Сон минек машинанть, паряк, вальмава неизе ды уш учось эйсэнек кенкш удало. Мон совилинь васенцекс, сон каявсь лангозон пеель марто ды мештес лазымим. Те ульнесь 2000 иестэ.
Мезеяк лангс апак вано, Валерий Николаевич эзизе кадо участковоень тевенть. Ды эсь кочкавт профессиянть коряс зярдояк эзь янксекшне.
– Важодемась тукшны мелезэнь. Эрьва чись а моли ютазенть ёнов, эрьвась канды мезе-бути од. Тень коряс пек паро, – корты участковоесь. – Лия ёндо, участковоень тевесь пек а шожда. Минь роботатано чинек-венек, оймсема чинек малав арасть. Неть важодемань 25 иетнень перть панжозь ламодояк ламо тевть, эрьва чистэ ваннозь кавто-колмо материалт. Бути вана саемс икелень шкатнень, пек ламо ули мезе ледстнемс. Минек районось седе покшоль, важодсть колхозт ды минек отделэськак ков седе покш ульнесь. Веенст шкатнестэ тесэ малав ведьгемень ломанть важодсть. Эрямось лаказь лакась. Ней ансяк сисем ломанть кадовсть. Сестэ эрьва чистэ ковгак ардылинек тевс. Кода уш меринь, колхозтнэде ламольть, саламонь тевтнедеяк ульнесть ламо. Тень коряс пек важодинек. Ней весемесь полавтовсь.
Течи Валерий Левщановонь участкасонть лововить вейксэ велеть. Эрицятнеде весемезэ 2100 ломанть. Участкась аволь вишкине, эрьва чистэ сынст ардомс-ютамс эряви аволь аламо шка. А эдь эштё эряви эрицятнень мартояк кортнемс, кевкстнемс тевтнеде.
– Участковоентень васняяк эряви улемс коммуникабельноекс. Седе сеедьстэ вастневемс, кортнемс эрицятнень марто. Кунсоломс сынст энялдомаст. Те эстеть важодемасо пек лезды – ломантне седе кемеме кармить. А тентеме течинь чине ковгак, – кемексты Валерий Николаевич.
Эсь важодеманть кисэ Валерий Левщанов тешкстазь ламодояк ламо грамотасо ды шнамонь конёвсо, ули «За боевое содружество» медалезэ, сон – МР-ва МВД-нь заслуженной важодиця. Тень весементь стяконь кисэ а максыть. Секскак «Народный участковый» пелькстамосонть Валерий Николаевичень кисэ эсь вайгелест максызь райононь ламот эрицятне.
Юлия Еремина