Течи, октябрянь 26-це чистэ, чачома чинзэ тешксты Отяжелень райононь Сабанцеле велень эрзянь авась, минек свалшкань ловныцянок, сёрмадстыцянок Нина Евгеньевна Тикшайкина.

Седейшкавань поздоровт тензэ ёвтыть тейтерензэ Марина ды Татьяна, Александр цёразо, урьвазо, содамонзо, нуцьканзо Вадим, Максим, Алена, Никита ды София.

«Вечкевикс авай ды бабай! Минек трицянок-кастыцянок, седейлембесэ эждицянок! Тон свал чарькодьсамизь ды оймавтсамизь, тантей каймаксо вастсамизь, лембе ямдо каванясамизь. Течи ёвтатано теть поздоровт, арсетяно кеме шумбрачи, кадык сон саты сядо иес. Тон минек тонавтымизь эрямс ломанекс, эждят весень семиянок эсь вечкемасот. Весе масторлангсонть а вастат истямо ава ды баба, кодамат тон.
Тон минек васенце лездыцянок, превс путыцянок. Ульть свал истямокс, минь свал содатано – минек ули лембе кудонок, косо тон вастсамизь читькак-ветькак ды кекшсамизь весе эрямонь мелявкстнэде. Кадык истя карми свал, кадык сатыть виеть, кадык эрямот ули кенярксов ды тиринь кудонть велькссэ свал улезэ маней менель!»