Течи Н. П. Огарёв лемсэ МГУ-со ульнесь пресс-конференция, конась алтавсь 2023 иень примамонь кампаниянь кевкстематненень. Кодат полавтомат учить университетэв тонавтнеме сыцятнень журналисттнэнень ёвтнесь ректорось Дмитрий Глушко.

Васняяк тешкстама, тедеде ули башка квота СВО-нь участниктнень ды сынст эйкакштнень туртов. Сыфнст документтнэнь кармить ваномо лия лувсо. 
Теке марто тедеде седе ламолгавтовсть бюджетэнь таркатне.

Истя жо иестэ иес ламолгадыть лия регионтнэстэ сыцятне, конатне кочкить минек университетэнть. Те ёнкссонть важодемась ветяви домка. Университетэнть кочкить седе ламо студентт Индиясто, Китайстэ, Египетстэ ды лия мастортнэстэ.
Дмитрий Евгеньевич тешкстызе, важодемасо башка мель карми явовомо тонавтницятнень содамочист кепетемантень ды тонавтнемань лувонть вадрялгавтомантень.
Примамонь кампаниясь ушодовсь июнень 20-це чистэ. Максозельть 16 яволявтомат. Течи эйстэдест уш 66. Ды, нама, седе ламот эсь яволявтоматнень максыть электронной сервистнэнь вельде.
Кочкамс мереви факультет куш кодамо, ансяк кода мерсь ректорось, сы шкань студентэнтень кочкавт тевесь улезэ мелень коряс. Лиякс а кода.