Колмоце эйкакшонть кис республикань авань капиталонь ярмактнень мереви тевс нолдамс эрямо таркань строямсто, эйкакштнень тонавтомсто ды аванть трудовой пенсиянь таштамонь пельксэнть теемстэ.
Отяжбуень Покш Манадыши велень Лазаревтнень семиясь ламо эйкакшонь триця. Покшонтень 13 иеть, омбоцентень 10 иеть, вишкинентень сисем ковт. Аваст Татьяна Ивановна важоди Отяжбуень ветеринарной службасо. Ней – декретсэ колмоце эйденть марто. Алексей мирдезэ роботы велень хозяйствасо. Лазаревтненень уш макссть колмоце эйкакшонь чачоманть кисэ республикань авань капиталонь сертификат. Зярс семиясь а арси ютавтомс сонзэ. Истя жо вишка эйденть кис колмо иень топодемас эрьва ковсто пандовить ярмакт.
Отяжелень районсо «Демография» нацпроектэнть коряс республиканской авань капиталонть лангс весемезэ максозельть 210 сертификатт, юткстост кементне тедеде.