Уледе содавиксэкс, те шумбра цёрась, кикбоксерось Владимир Минеев.
Сон спортонь раськеютконь мастер, WAKO ды PRO версиятнесэ масторлангонь чемпион, тайской бокссо Россиянь чемпион, Россиянь ды масторлангонь турниртнэсэ ламоксть изниця. Владимир Минеевень ундоксонзо эрзянь. Спортсменэсь теде а сёпи ды ашти покш мельспаросо. Тетязо – Константин Петрович Минеев – чачсь 1950 иестэ Ицялонь райононь Вечкусы велесэ. Тесэ човор эрясть эрзят ды рузт. Владимир Минеевень раськензэ эрзят. 1978 иестэ тетязо прядызе С.М.Киров лемсэ Санкт-Петербургонь Военно-медицинской академиянть. 1985 иестэ тонавтнесь Н.П.Огарёв лемсэ МГУ-нь общей хирургиянь ды анатомиянь кафедрань аспирантурасо. 1991 иестэ идизе докторонь диссертациянть. Роботась Свердловск (ней Екатеринбург) ошонть маласо. Тесэ теевськак содавиксэкс сы шкань нинзэ марто. Сонгак врач. Зярыя шкань ютазь чачсь Владимир цёрынест. Колмошка иень ютазь Минеевтнень семияст велявтсь Саранскоев. Тесэ савсь эрямс аволь кувать. Семиясь таго тусь. Ней – Ульяновскоев.
Кикбоксингень секцияв Владимир Минеев сась, зярдо тензэ ульнесть вейксэ иеть. Тов ветякшнызе тетязо. Меельценть ульнесь покш мелезэ, штобу цёразо маштоволь аштеме эсь прянть кис. Истя мольсь шкаськак. Школадо мейле – спортонь секцияв, кизэнь каникулатнестэ – бабанстэнь Вечкусы велев. Аламонь-аламонь кассь спортивной мастерстваськак. Тренерэзэ-педагогось Е.В.Головкин марясь эсь спортсменэнть кеме обуцянть ды ёвтась мель варчамс эсь вийтнень бокссояк. Тренерэсь эзь кавтолдо, те цёранть эйстэ лиси паро мастер. Тень арсезь, теевтизе содавиксэкс Владимир Мерчин марто. Меельцесь истя жо покш опыт марто тренер, ансяк бокссо.
Эряви меремс, кикбоксингсэ улема боксёрокскак, каратистэкскак ды бороцицякскак. Боксонь техниканть Владимир Минеев тонавтнизе иень перть ды уш иень ютазь изнясь кикбоксингень весероссиянь турнирсэ.
Спортсменэнтень ульнесть кемнилее иеть, зярдо эрямосто тусь тетязо. Пек а шождаль. Те шкастонть спортсо тренерэнзэ ульнесть сонзэ туртов тетянь таркакс. Седе мейлень иетнестэ ульнесь эштё мезе ламо. Зярдо тензэ топодекшнесть кемготово иеть, варчакшнызе виензэ тайской бокссо. Ламоксть изнякшнось ютавтовиця первенстватнесэ. Тренерэзэ чарькодсь, Минеевнень Ульяновскойсэ теемс а мезе. Мастерстванзо кастызе, эряви варчамс вийтнень Московсо. Тренерэнзэ ульнесть прявт ошсо ламо содавикс тренерт. Минеевень тонавтыцякс кармась боксонь содавикс мастерэсь М.Ю.Зиновьев, мейле – В.В.Сафонин. Меельцесь лездась поступамс тензэ тонавтнеме Московонь университетс.
Эряви меремс, Владимир Минеевень спортсо покш изнявкстнэ ушодовсть 2008 иестэ. Самай те иестэнть кикбоксингсэ покштнень ютксо добовакшнызе Россиянь чемпиононь лементь. Теке жо иестэ сайнесь сырнень медаль Европань чемпионатсо, кона ютась Португалиясо, топавтокшнызе спортонь мастерэнь лементь.
2009 иесь ловови сонзэ туртов профессиональной карьерань ушодксокс. Владимир колмоксть изнясь ниле вастовоматнесэ покш сталмонь спортсментнэнь ютксо WAKO PRO версиясонть. 2011 иестэ тайской бокссо лиссь Европань чемпионокс. Эштё 2012 иестэ кармась масторлангонь чемпионокс. 2013 иестэ WAKO PRO чемпионатсо сон кучокшнызе нокаутс Голландиясто боксёронть Реванхо Блокландонь, мейле истят жо тевть Редуан Кайронь марто. Меельцесь истя жо Голландиястоль.
2014 иестэ Владимир Минеев сась ММА-нь единоборствань спортов. Васенце бороцямозо ютась Бразилиясто Фернандо Альмейда марто. Владимир Минеев шождасто изнизе. 84 килограммань категориясо земляконок ютавтсь кемень бороцямот. Эйстэст ансяк вейкесэнть изнязель.
Сехте содавикс вастовоманть Владимир Минеев ютавтызе ютазь иестэ. Сась шка, зярдо сталмонь эсь категориясонть эсь каршо виев бороцицят Владимир эзь нее. Самай сестэ тердекшнизе лисемс каршонзо Дагестансто Магомет Исмаиловонь. Кармасть анокстамо, мейле ульнесть шкат, зярдо Исмаилов кармакшнось кавтолдомо, снартнесь муемс кодаткак тувталт, штобу а лисемс. Кода илязо уле, вастовомась ютась, ды Минеев невтизе прянзо кода паро, кеме обуця спортсмен. Судицятне изнявксонть эзизь максо киненьгак, ваныцятне жо несть, Минеев седе виев ды ёроков.
Сонсь Владимир Минеев эсь ундокстнэде зярдояк эзь виздекшне. Теде кортыть газетатнесэ журналисттнэнень интервьютне ды телевидениянь передачатне. Зярдо сонзэ кевкстилизь, покш мельсэ ёвтнесь Мордовиядонть. Тесэ ламо оянзо. Раськетнестэ ламот эрить Ицялсо. Ояксчинь паро сюлмонзо «Мордовия» спорткомплексэнь директоронть Валерий Крутов марто. Спортсменэнть покш мелезэ лисемс октагонс Мордовиясо, ансяк те мелесь а курок топавтови. Мастерстванть кепедемга ламо шка сави ютавтомс границянь томбале ды лия республикатнесэ. Кие соды, паряк, шкань ютазь истяяк карми.
Николай ЕВДОКИМОВ
Кикбоксингень секцияв Владимир Минеев сась, зярдо тензэ ульнесть вейксэ иеть. Тов ветякшнызе тетязо. Меельценть ульнесь покш мелезэ, штобу цёразо маштоволь аштеме эсь прянть кис. Истя мольсь шкаськак. Школадо мейле – спортонь секцияв, кизэнь каникулатнестэ – бабанстэнь Вечкусы велев. Аламонь-аламонь кассь спортивной мастерстваськак. Тренерэзэ-педагогось Е.В.Головкин марясь эсь спортсменэнть кеме обуцянть ды ёвтась мель варчамс эсь вийтнень бокссояк. Тренерэсь эзь кавтолдо, те цёранть эйстэ лиси паро мастер. Тень арсезь, теевтизе содавиксэкс Владимир Мерчин марто. Меельцесь истя жо покш опыт марто тренер, ансяк бокссо.
Эряви меремс, кикбоксингсэ улема боксёрокскак, каратистэкскак ды бороцицякскак. Боксонь техниканть Владимир Минеев тонавтнизе иень перть ды уш иень ютазь изнясь кикбоксингень весероссиянь турнирсэ.
Спортсменэнтень ульнесть кемнилее иеть, зярдо эрямосто тусь тетязо. Пек а шождаль. Те шкастонть спортсо тренерэнзэ ульнесть сонзэ туртов тетянь таркакс. Седе мейлень иетнестэ ульнесь эштё мезе ламо. Зярдо тензэ топодекшнесть кемготово иеть, варчакшнызе виензэ тайской бокссо. Ламоксть изнякшнось ютавтовиця первенстватнесэ. Тренерэзэ чарькодсь, Минеевнень Ульяновскойсэ теемс а мезе. Мастерстванзо кастызе, эряви варчамс вийтнень Московсо. Тренерэнзэ ульнесть прявт ошсо ламо содавикс тренерт. Минеевень тонавтыцякс кармась боксонь содавикс мастерэсь М.Ю.Зиновьев, мейле – В.В.Сафонин. Меельцесь лездась поступамс тензэ тонавтнеме Московонь университетс.
Эряви меремс, Владимир Минеевень спортсо покш изнявкстнэ ушодовсть 2008 иестэ. Самай те иестэнть кикбоксингсэ покштнень ютксо добовакшнызе Россиянь чемпиононь лементь. Теке жо иестэ сайнесь сырнень медаль Европань чемпионатсо, кона ютась Португалиясо, топавтокшнызе спортонь мастерэнь лементь.
2009 иесь ловови сонзэ туртов профессиональной карьерань ушодксокс. Владимир колмоксть изнясь ниле вастовоматнесэ покш сталмонь спортсментнэнь ютксо WAKO PRO версиясонть. 2011 иестэ тайской бокссо лиссь Европань чемпионокс. Эштё 2012 иестэ кармась масторлангонь чемпионокс. 2013 иестэ WAKO PRO чемпионатсо сон кучокшнызе нокаутс Голландиясто боксёронть Реванхо Блокландонь, мейле истят жо тевть Редуан Кайронь марто. Меельцесь истя жо Голландиястоль.
2014 иестэ Владимир Минеев сась ММА-нь единоборствань спортов. Васенце бороцямозо ютась Бразилиясто Фернандо Альмейда марто. Владимир Минеев шождасто изнизе. 84 килограммань категориясо земляконок ютавтсь кемень бороцямот. Эйстэст ансяк вейкесэнть изнязель.
Сехте содавикс вастовоманть Владимир Минеев ютавтызе ютазь иестэ. Сась шка, зярдо сталмонь эсь категориясонть эсь каршо виев бороцицят Владимир эзь нее. Самай сестэ тердекшнизе лисемс каршонзо Дагестансто Магомет Исмаиловонь. Кармасть анокстамо, мейле ульнесть шкат, зярдо Исмаилов кармакшнось кавтолдомо, снартнесь муемс кодаткак тувталт, штобу а лисемс. Кода илязо уле, вастовомась ютась, ды Минеев невтизе прянзо кода паро, кеме обуця спортсмен. Судицятне изнявксонть эзизь максо киненьгак, ваныцятне жо несть, Минеев седе виев ды ёроков.
Сонсь Владимир Минеев эсь ундокстнэде зярдояк эзь виздекшне. Теде кортыть газетатнесэ журналисттнэнень интервьютне ды телевидениянь передачатне. Зярдо сонзэ кевкстилизь, покш мельсэ ёвтнесь Мордовиядонть. Тесэ ламо оянзо. Раськетнестэ ламот эрить Ицялсо. Ояксчинь паро сюлмонзо «Мордовия» спорткомплексэнь директоронть Валерий Крутов марто. Спортсменэнть покш мелезэ лисемс октагонс Мордовиясо, ансяк те мелесь а курок топавтови. Мастерстванть кепедемга ламо шка сави ютавтомс границянь томбале ды лия республикатнесэ. Кие соды, паряк, шкань ютазь истяяк карми.
Николай ЕВДОКИМОВ