Пятница, марта 29, 2024
Важное
 
Саранскоень «Старт» стадиононть вакссо эрькесэнть те недлячистэнть ульнесть «Личное первенство по гребле на лодках среди граждан пожилого возраста Республики Мордовия на призы регионального отделения партии «Единая Россия» пелькстамотне.
«КЛАД» ассоциациянтень совицятне те мероприятиянть ютавтнить эрьва иестэ. Сон алтавкшны Иван Купалань чинтень.

ВОСВОД-нь Мордовиянь отделениясь, председателесь – Валерий Павлович Евдокимов, те мельстуиця пелькстамонть ютавтомс макссь венчть. Кенярксчинтень аволь весе сыцятнень ульнесь мелест саемс кедезэст милёт ды шкань коряс самс финишентень. Эдь милёсо важодеманть туртов эрявить ламо вийть ды вадря шумбрачи. Истя жо маштома видестэ венченть ветямо. Свал ванома, илязо туе венчесь лия ёнов ды кода седе эрязасто пачкодема финишентень.

Тень лангс апак вано, муевсть виевтькак, ёроковткак. 150 метрань кувалмонть сехте икелев изнизь 10 активисттнэ, конатне вечкить ветямо эрямонь шумбра лув. Изницятнень учость казнеть «Единая Россия» партиянь региональной отделениять пельде.

Цёратнень ютксо васенце тарканть саизе Георгий Обухов, 1939 иестэ чачозесь, омбоце тарканть – Анатолий Потапов, 1940 иестэ чачозесь, колмоце таркась сатотсь Виктор Даниловнень, 1958 иестэ чачозентень.
Аватнень ютксо личной первенствасонть васенцекс лиссь Вера Киреева, омбоце тарканть саизе Людмила Будникова, колмоценть – Лидия Семенова.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».