Маень 26-це чистэ Мордовия Республикань Государственной Собраниясо ютавтовсть публичной кунсоломат.
Тосо мольсь кортамо 2022 иестэ МР-нь республиканской бюджетэнть иень перть топавтомадо. МР-нь Госсобраниянь покш залонтень пурнавкшность МР-нь Госсобраниянь депутаттнэ, региональной правительствас совицятне, МР-нь Счётной палатань члентнэ, МР-нь куратурань важодицятне, политической ды общественной организациятнес совицятне, тевень максыцятне. Промксонть панжизе ды ветясь МР-нь Госсобраниянь Председателесь Владимир Чибиркин.
– Бюджетэнть топавтоманзо коряс цётамотнень теемась
– истямо жо эрявикс тев, кода бюджетной невтевкстнэнь коряс
икелепелев аравтлувонть кемекстамоськак, – мерсь Владимир
Васильевич. – Бюджетэнь средстватнень лезэвстэ тевс нолдамось – эрявикс тев минек региононь экономиканть виевгавтомга, ломантнень эрямост паролгавтомга.
2022 иень финансонь итогтнеде промксонтень пачтясь МР-нь Финансонь министрань васенце полавтыцясь Роман Антонов. Теде мейле сонензэ максозельть зярыя кевкстемат: МР-нь Госсобраниянь
Од ломанень парламентс совицятнень, МР-нь Общественной палатань члентнэнь, республикань здравоохранениянь профсоюзонь роботниктнень организациятнень ды лия вейсэндявкстнэнь пельде.
Башка толковазельть «Культура» нацпроектэнть эрямос совавтомась ды здравоохранениянть финансированиясь. Истя жо кортавсь средней профобразованиянь системантень государственной лезксэнь максомадо, «Старшее поколение» региононь проекттэнть, косо тешкставсть сыре ломантнень ды инвалидтнэнь медицинань ды социальной обслуживаниядост кевкстематне.
Публичной кунсоломатнес икелепелев заочна максозельть кевкстемат истят госпрограмматнень эрямос совавтомга, кода: «Комплексное развитие сельских территорий», «Земский доктор», «Земский фельдшер», «Земский учитель» ды республикань ведь чиретнесэ оймсема таркатнень паролгавтомаст коряс.
МР-нь Госсобраниянь Бюджетэнь, финансонь ды налогонь коряс комитетэнь прявтось Светлана Киселева мель явсь депутаттнэнь контрольной мероприятиятнесэ улемантень.
Промкссонть толковазельть лия кевкстематкак.
Валентина Юдина
– Бюджетэнть топавтоманзо коряс цётамотнень теемась
– истямо жо эрявикс тев, кода бюджетной невтевкстнэнь коряс
икелепелев аравтлувонть кемекстамоськак, – мерсь Владимир
Васильевич. – Бюджетэнь средстватнень лезэвстэ тевс нолдамось – эрявикс тев минек региононь экономиканть виевгавтомга, ломантнень эрямост паролгавтомга.
2022 иень финансонь итогтнеде промксонтень пачтясь МР-нь Финансонь министрань васенце полавтыцясь Роман Антонов. Теде мейле сонензэ максозельть зярыя кевкстемат: МР-нь Госсобраниянь
Од ломанень парламентс совицятнень, МР-нь Общественной палатань члентнэнь, республикань здравоохранениянь профсоюзонь роботниктнень организациятнень ды лия вейсэндявкстнэнь пельде.
Башка толковазельть «Культура» нацпроектэнть эрямос совавтомась ды здравоохранениянть финансированиясь. Истя жо кортавсь средней профобразованиянь системантень государственной лезксэнь максомадо, «Старшее поколение» региононь проекттэнть, косо тешкставсть сыре ломантнень ды инвалидтнэнь медицинань ды социальной обслуживаниядост кевкстематне.
Публичной кунсоломатнес икелепелев заочна максозельть кевкстемат истят госпрограмматнень эрямос совавтомга, кода: «Комплексное развитие сельских территорий», «Земский доктор», «Земский фельдшер», «Земский учитель» ды республикань ведь чиретнесэ оймсема таркатнень паролгавтомаст коряс.
МР-нь Госсобраниянь Бюджетэнь, финансонь ды налогонь коряс комитетэнь прявтось Светлана Киселева мель явсь депутаттнэнь контрольной мероприятиятнесэ улемантень.
Промкссонть толковазельть лия кевкстематкак.
Валентина Юдина