Пятница, марта 29, 2024
Важное

Мартонь 24-це чистэ МР-нь Госсобраниясо ютавтовсь сисемеце тердемань комсь кавтовоце сессиясь. Сонзэ важодемасонзо ульнесь Мордовиянь Прявтось Артём Здунов. Чинь повесткас совавтозель 11 кевкстема. Сессиянь панжизе ды ветясь МР-нь Госсобраниянь Председателесь Владимир Чибиркин.

 

Васняяк ванкшновсь «О статусе депутата Государственного Собрания Республики Мордовия» Мордовия Республикань Законось. Сон теезь ладицякс федеральной законодательствантень. Ней депутатонь полномочиятнень шкадо икеле лоткавтоманть туртов тувталокс карми МР-нь Госсобраниянь промкстнэсэ кото ковтнень перть а улемась (бути тенень арасть мелень явовтыця тувталт). Теде башка, МР-нь Госсобраниянь официальной сайтсэнть карми максовомо доходтнэнь, расходтнэнь коряс декларациятнень максомань топавтомадо кулятне.

Истя жо должностной лицятнень туртов покшолгавтозь МР-нь Государственной Собраниянь эли муниципальной образованиянь представительной органонь депутатонть закононь вешематнень а топавтоманть кисэ штрафось (ульнесть 300-500 целковойть, кармасть – 3-5 тежат целковойть).

МР-нь Прявтось Артём Здунов, МР-нь Счетной палатань Председателень полавтыцянь таркантень ёвтызе Азат Валеевень кандидатуранть. Шумбракстнемань валсонзо Азат Рустемович мерсь:

– Мордовияв сынь ванькс седей ды покш мель марто важодемс республиканть ды сонзэ эрицятнень лезэс. Татарстан Республикань Счетной палатасонть ютынь ки рядовой инспекторстонть саезь Счетной палатань аудиторонть видьс. Кеман, монь содамочитне кармить эрявомо Мордовиянтень. Башка мель арсян явомс законностень ванномантень ды топавтомантень, национальной проекттнэнь, государственной программатнень лувсо ярмактнень лезэвстэ тевс совавтомантень, истя жо финансонь-бюджетэнь енкссо коламотнень а нолдамонтень».

Сессиясонть кортась Мордовиянь Прявтось Артём Здунов. Сон евтась сюкпря республикань эрицятненень специальной военной операциянь участниктненень лездамонть кисэ. «Ней од мельтнень евтамонь ды командасо важодемань шка. Те енксонть чарькодевикстэ тешкстызе минек Президентэсь. Сон свал теде кортась: васень таркасот аволь отчеттнэ ды цифратне, тевесь жо башка неявикс ды редявикс паро полавтоматнесэ. Ды неть редявикс полавтоматнень туртов эрьвантень юткстонок эряви эсензэ таркасо теемс весементь», – тешкстызе Мордовиянь Прявтось.

Седе тов Артём Здунов кортась сеть задачатнеде, конатнень решамодонть ашти СВО-нть икеле путозь тевтнень топавтомась.

– Аволь умок минь тынк марто бороцинек ковидэнть каршо, ней моли нацизманть каршо войнась. Мон течи евтан сюкпря весенень, кить лездыть специальной военной операциянь участниктненень. Содан, те залсонть улить ламо ломанть, кить тевсэ невтить эсь гражданской вановтост.

Ламот свалшкань лувсо кучить ярмакт Мирэнь фондонтень. Эсь опытэнть коряс ёвтаса – ярмактнень ютавтомась саи 30 секундатнеде аволь седе ламо шка. Ды те покш лезкс. Республикань эрицятне пачтясть Фондонтень 76 млн целковойть! Минь рамсетяно ды пачтятано передовоев техника, оршамопельть, оборудования. Тейтяно весементь неявиксстэ, эрьва трешникесь тусь минек боецтнэнень. Ды ломантне тень неить ды кемить Фондонтень, – мерсь Артём Здунов.

«Правительствань часонть» лувсо МР-ва МВД-нь министрась Юрий Поляков евтнесь 2022 иестэ полициянть тевдеемадонзо ды пачтясь седе, кода поладсызь важодемаст тедеде.

 Сон ёвтась сюкпрянь валт Мордовиянь прявттнэнень, высшей законодательной органонь депутаттнэнень, правопорядоконь кевкстематненень мелень явоманть кисэ. Невтемакс, мелят министерстванть марто вейсэ важодемстэ кемекстазель МР-нь вейке закон, республикань 20 правовой актт.

Юрий Поляков отчётсонзо явсь мель терроризманть ды экстремизманть, аволь законной миграциянть, наркопреступностенть, экономикань коряс зыянов тевтнень а нолдамонь кевкстематненень.

Истя жо сон кортась аволь совершеннолетнейтнень ютксо профилактиканть ветямодо, ки лангонь зыянов тевтнень киртямодо.

Докладонть кунсоломадо мейле МР-нь Госсобраниянь Председателень полавтыцясь Евгений Тюрин, депутаттнэ: Сергей Екатеринин, Сергей Пивкин, Тимур Гераськин сонензэ макссть кевкстемат. Кортамось мольсь образованиянь объекттнэсэ зыянов тевтнень а нолдамодо, полициянь уполномоченной участковойтнень важодемадо, киберпреступностенть а нолдамодо.

Сессиясонть ванкшновсть ламо лия кевкстематкак.

 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».