Четверг, марта 28, 2024
Важное

Ноябрянь 29-це чистэ Межэтнической журналистикань гильдиясь вейсэ Москов ошонь Раськень политикань ды регионъютконь сюлмотнень департаментэнть лезксэнзэ вельде ютавтсть «Новая этника. Вызовы XXI века в медиапространстве» этнической ды региональной СМИ-нь V-це медиафорум.

 

Те Медиафорумонть пек покш социально-культурной эрявиксчизэ. Эрьва ие сон пурны 400 ламо профессионалт Россиянь малав 60 регионсто – СМИ-нь невтицятне, раськень активисттнэ ды властесь. Содамочитнень, мельтнень-арсематнень ды опытэнть лиятнень марто явомась, од проекттнэнь чачомась ды седе тов сынст топавтомась теизь Медиафорумонть весероссиянь пек лезэв площадкакс.

Кезовонть марто сюлмавозь эпидемиологиянь киртямотнень коряс мероприятиясонть ульнесть весемезэ 180 ломанть. Яволявтоматнеде жо каязельть 500 ламо. Секскак лиятнень туртов Медиафорумось важодсь онлайн-лувсо. Минек республикасто мероприятиясонть ульнесть Межэтнической журналистикань школань кунсолыцятне Ольга Шабанова ды Анастасия Аверкина вейсэ кураторост Лилия Наркаева марто.

Медиафорумонть важодемазо ушодозель пленарной промксстонть, конань спикерэкс кармасть общественной проекттнэнь коряс РФ-нь Президентэнь Управлениянь прявтонь полавтыцясь Александр Журавский, Москов ошонь Раськень политикань ды регионъютконь сюлмотнень департаментэнь прявтось Виталий Сучков, Межэтнической журналистикань гильдиянь прявтось Маргарита Лянге, Россиянь Мигранттнэнь федерациянь прявтось Вадим Кожинов, РФ-нь Общественной палатань членэсь Владимир Зорин ды лиятне.

Те иестэ Медиафорумонть юрсо важодсть дискуссионной колмо площадкат талновтыця кевкстематнень коряс: «Этнокультурная тематика в детских и молодежных СМИ», «Освещение миграционных проблем в СМИ» ды «Развитие внутреннего туризма и этнобрендирование территорий».

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».