Масторонь ламот содавикс ломантнень ундоксост ютыть эрзянь раськестэнть. Сынь сюлмавозь эрьва кодамо профессия марто. Ютксост улить актёрткак, морыцяткак, спортсменткак, артыцяткак, Советской Союзонь Геройть ды седе тов.
Течи минь содавттадызь кинорежиссёронть, тележурналистэнть Николай Семёнович Раужин марто, конань чачома-касома ёнксозо – Мордовия Республикань Чаунзабуень Вишка Эрьмезёнка эрзянь велесь. Николай Семёнович а сёпи эсь ундокстнэнь ды лембестэ корты эсь тиринь ёнкстонзо. Весемеденть жо мельга-мельцек.
Эйкакшпорадо арсемат
Раужинтнэнь кудораськест пингеде-пингес ульнесь важодемань вечкицякс, кодамояк стака тевде а пелицякс. Теньс тонавтсть эйкакштненьгак. Семён Кузьмич ды Екатерина Ивановна Раужинтнэ трясть-кастсть сисем эйкакшт: вете тейтерть ды кавто цёрат. Седе покштнень – Лизань, Раянь, Люсянь ды Валянь эйкакшпораст савсь войнань шкань стака иетнес. Ламо стакачи ульнесь, савсь кирдемс вачочинтькак. Сюкпря Пазонтень, весе ванстовсть.
Войнадо икелень эйкакштнестэ сехте вишкинесь – Валентина, чачсь 1941 иень июнень 26-це чистэ, се чистэнть, зярдо тетяст тусь фронтов.
– Тетям, Семён Кузьмич, ульнесь водителекс-механикекс, воёвась 47-це отдельной гвардейской ракетно-миномётной дивизионсо. Седе чарькодевиксстэ меремс, «Катюшасо». Васняяк ульнесь Северо-Западной фронтонть юрсо, мейле – Калининской. Прядызе жо войнанть Васенце Украинской фронтсо, конась Васенце ды Омбоце Белорусской фронтонь войскатнень марто ульнесь Берлинэнть саемасо. Тетям казезь «За отвагу», «За боевые заслуги» медальтнесэ, Якстере Тештень орденсэ, – ёвтни Николай Раужин. – «Хенде хох!» немецень кельсэ валтнэнь Василий покш лелянь марто васенцеде марякшнынек тетянь войнадо ледстнематнестэ. Эрсекшнесь те телень чокшнетнестэ, зярдо тетям ушодыль лембе кемень кевердеме. Онкстыль ревень пона, фунтсо, нама, панксонь панкс ладсилизе сонзэ коцт лангс, теиль кем ёнов молиця ацавкс ды тапардылизе. Парсте кеверилизе. Тевесь те а шожда ды а куроконь. Ансяк кемтне лисильть мазыйть, чевтеть ды лембеть.
Ды тетям эштё ламо мезес чарькодицяль, кедензэ «сырнень» ульнесть, кадык прядсь ансяк ниле класст. Зярдо кодгеменце иетнестэ кадызе шофёронь тевенть ды тусь колхозонь гаражонь прявтонь таркастонть, стявтызе минек од кудонть, мейле строясь Вишка Маризь велень колхозонь ферматнень, ней уш весе яжазь. Ве шкане ульнесь Вишка Эрьмезёнкань колхозонь председателекскак.
Войнань иетнеде авань ледстнеманзо сюпавольть. Зяро стакачи тейтерь-аватненень савсь цидярдомс, а ёвтневи. Колхозницатне сеедьстэ сынсь ульнесть лишмень таркас ды эсь лангсо сокасть моданть. Теке марто авам ёвтниль, войнань иетнень перть сынь зняро морасть, мейле весе эрямонзо перть истя эзь морсе.
Авам ульнесь сэтьме, ламо а кортыль. Алкуксонь труженицаль. Валске стят, сонзэ уш весемесь анок, мерят, овсе эзь мадекшнеяк. Кудось урядазь, киякстнэ шлязь, кудонть перькаяк ваньксчи, косояк мезеяк арась. Инечинь вестэнть жо алкукскак а мадиль. Валске стят – весемесь умок уш анок. Сон ашо пацинесэ мизолкс марто: «Христос вельмесь!».
Войнадо мейле Раужинтнэнь семиясо чачсть Тая ды Вася, а 1952 иень июлень 19-це чистэ минек героесь – Николай.
– Миненек, войнадо мейлень эйкакштненень, вачочинть кирдемс уш эзь саво. Ламбамопельсэяк лиясто кольневтильть. Нейгак ледстнян какаосо почодозь «тодовнетнень» ды эрьва кодамо тюсонь сахаронь кснавнетнень. Истямо тантейка! – кемексты Николай Семёнович.
Николай ловномо ды сёрмадомо тонадсь эштё школадо икеле. Кода сон тешксты, ульнесь «эсензэ» школазо. Зярдо лелянстэнь сась шка молемс школав, сон кавто иеде седе покш, Николайгак тусь школав. Кодаткак кортамот эзть лезда. Ды авазо коцтонь панкскестэ стась тензэ кескавне, книгатне, тетрадкатне ды чернильницась истя жо муевсть, а вана перань ручкась ульнесь «фронтовой» – тетянзо казне. Тонавтыцякс улемс мелензэ ёвтызе крёстной авазо – тетянзо лелянзо тейтерезэ, кона ансяк прядынзе кемень класстнэнь.
– Монь школам ульнесь февраленть самс, зярдо кудосо лиссь а покш кирвазема. Патян ванськавтызь керосинэнь лампанть, ансяк керосинэнть таркас эйзэнзэ каясть бензин. Лампась кирвазсь ды прась кровать алов, лиссь кирвазема… Монь мазый кескавнем, конась понгавтозель стенасо, понгсь патян сельме икелев ды сынь эйсэнзэ мадстизь толонть. Те тенст удалась, ансяк вана кескавонть эйстэ малав мезеяк эзь кадово. Теньсэ тонавтнемам зярс прядовкшнось. «Ловномо маштат!» – оймавтымим тетям ды макссь газета. Келя, ловнок, марямга ды чарькодевиксстэ. Мон теке диктор ловнынь кулят, тетям жо те шкастонть кевердсь кемть, – корты Николай Семёнович.
Школасо тонавтнемась
Нама, начальной школась цёранть туртов ульнесь шождакс. Васенце тонавтыцязо – Анна Борисовна Герайкина – сеске аравтызе отличникекс ды те «тешксэнть» марто савсь якамс кувать. Вишка Маризь велень школавгак ютась те «тешксэнть» марто, косо классонь ветицякс кармась истя жо Анна Борисовна, ансяк Низовкина.
– Анна Борисовна котоце классто саезь кармась макснеме тень ванномс эсень классонь тонавтницятнень диктантост. Аволь прянь шнамга теде ёвтнян. Монень сестэяк ды нейгак а чарькодеви, мекс аволь весе бажить тонавтнемантень. Школань учебниктнень «нильнезь нильнилинь» эштё кизна, оймсема шкасто. Ды урокстояк весемесь вадрясто превезэнь кадовиль. Школав бажинь виев якшамотнестэяк ды эзинь кельмсе, – тешксты Николай Раужин. – Ульнинь пионерэкс. Зярдо 1964 иестэ школань пиресэ кастынек вадря кукуруза ды сон понгсь натой Московов ВДНХ-в, казнесь явозель истя: отличницась сёксня якась Московов, отличникесь, велестэ апак туе, казевсь выставкань од участникень удостоверениясо ды медальсэ, сехте питнеесь жо – «Победа» кедьсэ кандтнема частнэ. Истя котоце классо монь кармасть эсень часон.
Теке жо шкастонть цёрась мелявтозевсь эсь вандынь чиденть – кодамо ки кочкамс, кие эйстэнзэ лиси? Ды мекс-бути сонзэ превс совась истямо арсема – эрямонзо сюлмасы кинонть марто. Косто сась те арсемась, нейгак а чарькодеви.
Ульнесь комсомолецекскак. Ансяк вана понгсь тозо аламодо манчезь. Зярдо 1966-це иень тунда малав весе класснэк якасть комсомолонь райкомов, Раужин эсь иетнес путсь зярыя ковт ды сёрмадстызе прянзо мартсто чачозекс. Примизь. Ды ульнесь аволь ансяк членэкс, ульнесь прявт активистэкс. Комсомолсо улема иетнестэ ульнесь «Орлёнок» Весероссиянь пионерэнь лагерьсэ, якась Москововгак.
Нама, бути васенцят школасо, эряви улемс ёроковокс кудосояк. Ды Раужинтнэнь кудораськесэ те лувось кирдевсь кеместэ.
Важодемантень весе тонавтовсть вишка шкасто саезь. Николай Семёнович ледстни, кода сисем иесэ помоцьсэ вейсэ покштнень марто чавиль сёвоненть ды човориль олго марто. Мейле эйстэст теильть кирьпецть, конатнень костильть чинть ало луганар лангсо. Сынь эрявсть од кудонь теемс. Истя жо лелянзо марто ванськавтсть чувтот, кудонь мазылгавтомань туртов анокстасть лазт. Нама, пиресэ ды кудонь перька тевтне истя жо теевильть. Савкшнось улемс почтальонокскак, лездыль Тая патянстэнь газетатнень ды журналтнэнь кандтнеме.
А стувтовикс шкат
Кавксо класстнэнь прядомадо мейле экзаментнэнь апак максо Николай Раужинэнь саизь Саранскоень политехнической техникумов. Ансяк вана саизь аволь «Производство полупроводниковых приборов» престижной отделенияс, косо пандыльть стипендия 37 целковойть ды козо сон бажась понгомс, а «Технология стекла» отделенияс 20 целковоень покшолмасо стипендия марто. Ялатеке васенце курсонть прядомадо мейле цёрась 20 целковойтнень полавтынзе 37 целковойтнень лангс, понгсь ков бажась.
Техникумсо тонавтнема иетне сюпавольть эрьва мезень коряс. Цёрась пек вечкиль озямс уськетнень марто лабораторной важодематнень теемстэ, покш мельсэ калавтнесь-пурнась транзисторонь приёмниктнень. Самодеятельностьсэ ловныль стихть, ды истя вадрясто, ульнесь концертэнь ветицякс. Спектаклясояк налксесь, конань путокшнызе Искусствань заочной народной университетэнь прядыцясь (Москов ошсо). Мейле «актёронь грамотань» иень курсат тосо ютась Николай Раужингак.
– Курсатнень прядомадо ули свидетельствамгак, – кемексты Николай Семёнович. – Студентэкс улемстэ кинотеатрасо а менстилинь вейкеяк кинофильма, ульнинь «Кадр» киноклубонь членэкс. Тосо сеедьстэ ютавтовильть киновикторинат. Кавксть изнякшнынь фотоаппарат ды Московов кинофестивалев путёвка. Ансяк кавксть манимизь, эзизь максо а вейкенть, а омбоценть. Фотоаппаратом жо ульнесь – «Смена-8». Мейле ульнесь «Зоркий-10» – советской васенце автоматической фотоаппарат. Сонзэ вельде теиньгак фотоснимкатнень ВГИК-ев тонавтнеме молемстэ.
1971 иестэ Раужинэнь тердизь армияв. Икеле чистэнть малав валскес «ильтясть» эйсэнзэ театрань ялганзо, ульнесь меельце спектакля. Валске аванстэнь стявтомс сонзэ жаль марявсь, ды Николай сборной пунктс эзь кенере, команданзо уш кучизь Германияв Советской войскатнень группас.
– Чокшне кармасть явшеме сетнень, кить, кода монгак, эзть кенере. Ёвтасть тень флотов молемадо – шумбрачинь ды тонавтнемань коряс ладинь. Монь эсень арсеман ульнесть: тосо службась колмо иеть, а мон пурнан ВГИК-ев. Ды тесэ вейке подполковник мери, келя, адя миненек авиацияв. Весемезэ ие ды пель. Истя понгинь Саранскоень тонавтнемань авиационной центрас. Подполковникесь аламодо а видестэ ёвтась тень, службась истя жо кавто иеть: пельиесь – тонавтнема шка гражданкасо, мейле эштё ие ды пель – служба, – ёвтни Николай Раужин. – 1972 иень июнень 13-це чистэ 13-це номер марто Л-29 тонавтнемань-реактивной самолётсонть мон васенцеде ливтинь. Те ульнесть сехте вадря шкат.
Мейле ульнесть вете тонавтнема иеть ВГИК-сэ. Кемголмово иеть максовсть М. Горький лемсэ студиянтень. 1993 иестэ саезь Николай Раужин важоди телевидениясо. Кода корты сонсь Николай Семёнович, седе ламо сондензэ ёвтыть сонзэ фильматне. Сынь – прявт геройть.
Фильмографиясь:
(1977) "Шопен. Соната номер два..."
"Однажды двадцать лет спустя" (1980); "В начале игры" (1981); "Отцы и деды. Улыбки и слезы семьи Луковых" (1982) фильматнень омбоце режиссер;
1983 – «Обман»
1996 — «Успение в Печерах»,
1996-1998 — «Сокровища музеев Подмосковья» (цикл, 25 фильмов»),
1998 — «Утéшители оптинские»,
1999 — «Слово о Патриархе», «И услышал я голос с неба…»,
2000 — «Священницы Твои облекутся в правду»,
2002 — «Николай Озеров. Главная роль»,
2003 — «Николай Кибальчич»,
2005 — «Врачеватель. Архиепископ Лука»,
2006 — «Странник я на земле»,
2007 — «Ген признания»,
2009 — «Святая Угреша»,
2010 — «Мерцания»,
2011 — «Омовение»,«Грёза»,
2012 — «Канонархъ», «Под сенью Триумфальной арки», «Плодоношение»,
2013 — «Эхо»
Ды ламо лият
Юлия ЕРЕМИНА.
Фотось:
Сергей РОЖЕНЦЕВ
Эйкакшпорадо арсемат
Раужинтнэнь кудораськест пингеде-пингес ульнесь важодемань вечкицякс, кодамояк стака тевде а пелицякс. Теньс тонавтсть эйкакштненьгак. Семён Кузьмич ды Екатерина Ивановна Раужинтнэ трясть-кастсть сисем эйкакшт: вете тейтерть ды кавто цёрат. Седе покштнень – Лизань, Раянь, Люсянь ды Валянь эйкакшпораст савсь войнань шкань стака иетнес. Ламо стакачи ульнесь, савсь кирдемс вачочинтькак. Сюкпря Пазонтень, весе ванстовсть.
Войнадо икелень эйкакштнестэ сехте вишкинесь – Валентина, чачсь 1941 иень июнень 26-це чистэ, се чистэнть, зярдо тетяст тусь фронтов.
– Тетям, Семён Кузьмич, ульнесь водителекс-механикекс, воёвась 47-це отдельной гвардейской ракетно-миномётной дивизионсо. Седе чарькодевиксстэ меремс, «Катюшасо». Васняяк ульнесь Северо-Западной фронтонть юрсо, мейле – Калининской. Прядызе жо войнанть Васенце Украинской фронтсо, конась Васенце ды Омбоце Белорусской фронтонь войскатнень марто ульнесь Берлинэнть саемасо. Тетям казезь «За отвагу», «За боевые заслуги» медальтнесэ, Якстере Тештень орденсэ, – ёвтни Николай Раужин. – «Хенде хох!» немецень кельсэ валтнэнь Василий покш лелянь марто васенцеде марякшнынек тетянь войнадо ледстнематнестэ. Эрсекшнесь те телень чокшнетнестэ, зярдо тетям ушодыль лембе кемень кевердеме. Онкстыль ревень пона, фунтсо, нама, панксонь панкс ладсилизе сонзэ коцт лангс, теиль кем ёнов молиця ацавкс ды тапардылизе. Парсте кеверилизе. Тевесь те а шожда ды а куроконь. Ансяк кемтне лисильть мазыйть, чевтеть ды лембеть.
Ды тетям эштё ламо мезес чарькодицяль, кедензэ «сырнень» ульнесть, кадык прядсь ансяк ниле класст. Зярдо кодгеменце иетнестэ кадызе шофёронь тевенть ды тусь колхозонь гаражонь прявтонь таркастонть, стявтызе минек од кудонть, мейле строясь Вишка Маризь велень колхозонь ферматнень, ней уш весе яжазь. Ве шкане ульнесь Вишка Эрьмезёнкань колхозонь председателекскак.
Войнань иетнеде авань ледстнеманзо сюпавольть. Зяро стакачи тейтерь-аватненень савсь цидярдомс, а ёвтневи. Колхозницатне сеедьстэ сынсь ульнесть лишмень таркас ды эсь лангсо сокасть моданть. Теке марто авам ёвтниль, войнань иетнень перть сынь зняро морасть, мейле весе эрямонзо перть истя эзь морсе.
Авам ульнесь сэтьме, ламо а кортыль. Алкуксонь труженицаль. Валске стят, сонзэ уш весемесь анок, мерят, овсе эзь мадекшнеяк. Кудось урядазь, киякстнэ шлязь, кудонть перькаяк ваньксчи, косояк мезеяк арась. Инечинь вестэнть жо алкукскак а мадиль. Валске стят – весемесь умок уш анок. Сон ашо пацинесэ мизолкс марто: «Христос вельмесь!».
Войнадо мейле Раужинтнэнь семиясо чачсть Тая ды Вася, а 1952 иень июлень 19-це чистэ минек героесь – Николай.
– Миненек, войнадо мейлень эйкакштненень, вачочинть кирдемс уш эзь саво. Ламбамопельсэяк лиясто кольневтильть. Нейгак ледстнян какаосо почодозь «тодовнетнень» ды эрьва кодамо тюсонь сахаронь кснавнетнень. Истямо тантейка! – кемексты Николай Семёнович.
Николай ловномо ды сёрмадомо тонадсь эштё школадо икеле. Кода сон тешксты, ульнесь «эсензэ» школазо. Зярдо лелянстэнь сась шка молемс школав, сон кавто иеде седе покш, Николайгак тусь школав. Кодаткак кортамот эзть лезда. Ды авазо коцтонь панкскестэ стась тензэ кескавне, книгатне, тетрадкатне ды чернильницась истя жо муевсть, а вана перань ручкась ульнесь «фронтовой» – тетянзо казне. Тонавтыцякс улемс мелензэ ёвтызе крёстной авазо – тетянзо лелянзо тейтерезэ, кона ансяк прядынзе кемень класстнэнь.
– Монь школам ульнесь февраленть самс, зярдо кудосо лиссь а покш кирвазема. Патян ванськавтызь керосинэнь лампанть, ансяк керосинэнть таркас эйзэнзэ каясть бензин. Лампась кирвазсь ды прась кровать алов, лиссь кирвазема… Монь мазый кескавнем, конась понгавтозель стенасо, понгсь патян сельме икелев ды сынь эйсэнзэ мадстизь толонть. Те тенст удалась, ансяк вана кескавонть эйстэ малав мезеяк эзь кадово. Теньсэ тонавтнемам зярс прядовкшнось. «Ловномо маштат!» – оймавтымим тетям ды макссь газета. Келя, ловнок, марямга ды чарькодевиксстэ. Мон теке диктор ловнынь кулят, тетям жо те шкастонть кевердсь кемть, – корты Николай Семёнович.
Школасо тонавтнемась
Нама, начальной школась цёранть туртов ульнесь шождакс. Васенце тонавтыцязо – Анна Борисовна Герайкина – сеске аравтызе отличникекс ды те «тешксэнть» марто савсь якамс кувать. Вишка Маризь велень школавгак ютась те «тешксэнть» марто, косо классонь ветицякс кармась истя жо Анна Борисовна, ансяк Низовкина.
– Анна Борисовна котоце классто саезь кармась макснеме тень ванномс эсень классонь тонавтницятнень диктантост. Аволь прянь шнамга теде ёвтнян. Монень сестэяк ды нейгак а чарькодеви, мекс аволь весе бажить тонавтнемантень. Школань учебниктнень «нильнезь нильнилинь» эштё кизна, оймсема шкасто. Ды урокстояк весемесь вадрясто превезэнь кадовиль. Школав бажинь виев якшамотнестэяк ды эзинь кельмсе, – тешксты Николай Раужин. – Ульнинь пионерэкс. Зярдо 1964 иестэ школань пиресэ кастынек вадря кукуруза ды сон понгсь натой Московов ВДНХ-в, казнесь явозель истя: отличницась сёксня якась Московов, отличникесь, велестэ апак туе, казевсь выставкань од участникень удостоверениясо ды медальсэ, сехте питнеесь жо – «Победа» кедьсэ кандтнема частнэ. Истя котоце классо монь кармасть эсень часон.
Теке жо шкастонть цёрась мелявтозевсь эсь вандынь чиденть – кодамо ки кочкамс, кие эйстэнзэ лиси? Ды мекс-бути сонзэ превс совась истямо арсема – эрямонзо сюлмасы кинонть марто. Косто сась те арсемась, нейгак а чарькодеви.
Ульнесь комсомолецекскак. Ансяк вана понгсь тозо аламодо манчезь. Зярдо 1966-це иень тунда малав весе класснэк якасть комсомолонь райкомов, Раужин эсь иетнес путсь зярыя ковт ды сёрмадстызе прянзо мартсто чачозекс. Примизь. Ды ульнесь аволь ансяк членэкс, ульнесь прявт активистэкс. Комсомолсо улема иетнестэ ульнесь «Орлёнок» Весероссиянь пионерэнь лагерьсэ, якась Москововгак.
Нама, бути васенцят школасо, эряви улемс ёроковокс кудосояк. Ды Раужинтнэнь кудораськесэ те лувось кирдевсь кеместэ.
Важодемантень весе тонавтовсть вишка шкасто саезь. Николай Семёнович ледстни, кода сисем иесэ помоцьсэ вейсэ покштнень марто чавиль сёвоненть ды човориль олго марто. Мейле эйстэст теильть кирьпецть, конатнень костильть чинть ало луганар лангсо. Сынь эрявсть од кудонь теемс. Истя жо лелянзо марто ванськавтсть чувтот, кудонь мазылгавтомань туртов анокстасть лазт. Нама, пиресэ ды кудонь перька тевтне истя жо теевильть. Савкшнось улемс почтальонокскак, лездыль Тая патянстэнь газетатнень ды журналтнэнь кандтнеме.
А стувтовикс шкат
Кавксо класстнэнь прядомадо мейле экзаментнэнь апак максо Николай Раужинэнь саизь Саранскоень политехнической техникумов. Ансяк вана саизь аволь «Производство полупроводниковых приборов» престижной отделенияс, косо пандыльть стипендия 37 целковойть ды козо сон бажась понгомс, а «Технология стекла» отделенияс 20 целковоень покшолмасо стипендия марто. Ялатеке васенце курсонть прядомадо мейле цёрась 20 целковойтнень полавтынзе 37 целковойтнень лангс, понгсь ков бажась.
Техникумсо тонавтнема иетне сюпавольть эрьва мезень коряс. Цёрась пек вечкиль озямс уськетнень марто лабораторной важодематнень теемстэ, покш мельсэ калавтнесь-пурнась транзисторонь приёмниктнень. Самодеятельностьсэ ловныль стихть, ды истя вадрясто, ульнесь концертэнь ветицякс. Спектаклясояк налксесь, конань путокшнызе Искусствань заочной народной университетэнь прядыцясь (Москов ошсо). Мейле «актёронь грамотань» иень курсат тосо ютась Николай Раужингак.
– Курсатнень прядомадо ули свидетельствамгак, – кемексты Николай Семёнович. – Студентэкс улемстэ кинотеатрасо а менстилинь вейкеяк кинофильма, ульнинь «Кадр» киноклубонь членэкс. Тосо сеедьстэ ютавтовильть киновикторинат. Кавксть изнякшнынь фотоаппарат ды Московов кинофестивалев путёвка. Ансяк кавксть манимизь, эзизь максо а вейкенть, а омбоценть. Фотоаппаратом жо ульнесь – «Смена-8». Мейле ульнесь «Зоркий-10» – советской васенце автоматической фотоаппарат. Сонзэ вельде теиньгак фотоснимкатнень ВГИК-ев тонавтнеме молемстэ.
1971 иестэ Раужинэнь тердизь армияв. Икеле чистэнть малав валскес «ильтясть» эйсэнзэ театрань ялганзо, ульнесь меельце спектакля. Валске аванстэнь стявтомс сонзэ жаль марявсь, ды Николай сборной пунктс эзь кенере, команданзо уш кучизь Германияв Советской войскатнень группас.
– Чокшне кармасть явшеме сетнень, кить, кода монгак, эзть кенере. Ёвтасть тень флотов молемадо – шумбрачинь ды тонавтнемань коряс ладинь. Монь эсень арсеман ульнесть: тосо службась колмо иеть, а мон пурнан ВГИК-ев. Ды тесэ вейке подполковник мери, келя, адя миненек авиацияв. Весемезэ ие ды пель. Истя понгинь Саранскоень тонавтнемань авиационной центрас. Подполковникесь аламодо а видестэ ёвтась тень, службась истя жо кавто иеть: пельиесь – тонавтнема шка гражданкасо, мейле эштё ие ды пель – служба, – ёвтни Николай Раужин. – 1972 иень июнень 13-це чистэ 13-це номер марто Л-29 тонавтнемань-реактивной самолётсонть мон васенцеде ливтинь. Те ульнесть сехте вадря шкат.
Мейле ульнесть вете тонавтнема иеть ВГИК-сэ. Кемголмово иеть максовсть М. Горький лемсэ студиянтень. 1993 иестэ саезь Николай Раужин важоди телевидениясо. Кода корты сонсь Николай Семёнович, седе ламо сондензэ ёвтыть сонзэ фильматне. Сынь – прявт геройть.
Фильмографиясь:
(1977) "Шопен. Соната номер два..."
"Однажды двадцать лет спустя" (1980); "В начале игры" (1981); "Отцы и деды. Улыбки и слезы семьи Луковых" (1982) фильматнень омбоце режиссер;
1983 – «Обман»
1996 — «Успение в Печерах»,
1996-1998 — «Сокровища музеев Подмосковья» (цикл, 25 фильмов»),
1998 — «Утéшители оптинские»,
1999 — «Слово о Патриархе», «И услышал я голос с неба…»,
2000 — «Священницы Твои облекутся в правду»,
2002 — «Николай Озеров. Главная роль»,
2003 — «Николай Кибальчич»,
2005 — «Врачеватель. Архиепископ Лука»,
2006 — «Странник я на земле»,
2007 — «Ген признания»,
2009 — «Святая Угреша»,
2010 — «Мерцания»,
2011 — «Омовение»,«Грёза»,
2012 — «Канонархъ», «Под сенью Триумфальной арки», «Плодоношение»,
2013 — «Эхо»
Ды ламо лият
Юлия ЕРЕМИНА.
Фотось:
Сергей РОЖЕНЦЕВ