Ютазь иестэ Орданьбуень моданть лангсо Ардатовань ды Атяшевань епископонть Вениамин владыканть чанстямонзо коряс ютавтовсть ламо паро тевть, конат алтавсть Ардатовань епархиянтень кемень иетнень топодемантень.
Кода пачтинек мелят тиринь газетань лопатнесэ, истянь зняро жо топодсть Вениамин владыканть од епархиянь управляющеекс Архиереень тевентень аравтомань чистэнть саезь. Пек ламо теезель те шканть перть.
Весе паро тевтнень ванстомга, од ломантненень сындест пачтямга ды пингеде-пингес историяс ламо духовной событиятнень совавтомга арсезель анокстамс ды нолдамс книга.
Сась кенярксчинь шкась. Январень 26-це чистэ Ардатовань епархиянь зданиясо ютавтовсь «Ардатовская епархия: от прошлого к настоящему» книгань презентациясь. Те кенярксов тевенть коряс тов пурнавкшность: Ардатовань, Атяшевань, Дубенкань, Покш Игнатовань, Чаунзань муниципальной районтнэнь библиотекартне, священнослужительтне. Истя жо ульнесть инжеть Саранскойстэ ды лия таркатнестэ. Тов сакшность краеведт ды музейсэ важодицят.
Презентацияс сыцятне седейшкава кунсолызь: Н.П. Огарёв лемсэ МГУ-нь исторической наукань докторонть, профессоронть, информационной технологиянь ды экономической историянь кафедрань прявтонть Олег Иванович Марискинэнь, кие пачтясь XVII-XVIII пингетнестэ Приалатырье ды Присурье кезэрень таркатнесэ православиянть ушодкстонзо ды кемекстамодонзо; Мордовия Республикань Правительстванть юрсо Гуманитарной наукань научно-исследовательской институтонь исторической наукань докторонть, ведущей научной сотрудникенть Сергей Викторович Першинэнь «Экономическое положение приходского духовенства Ардатовской епархии в начале XX века» докладонть.
И. Д. Воронин лемсэ республиканской краеведениянь музеень Ардатовань музеень филиалонь прявтось Зинаида Ивановна Киушкина пачтясь иневанькс Лука архиепископонть Орданьбуе ошсо эрямодонзо.
Вастовоманть ушодовомадо икеле пурнавозтненень лембе вал ды паронь арсема марто пшкадсь Ардатовань ды Атяшевань епископось Вениамин владыкась. Сон ёвтась седейшкавань сюкпрянь валт книганть сёрмадоманзо ды нолдамонзо кис.
Тешкстазель, книгасонть ламо иллюстрацият, сынст вельде парсте неявить лиятнень ёнов а молиця, ансяк сыненст ладиця минек культурань наследиянь духовной объекттнэ. Книгань сёрмадыцятне, Ардатовань епархиянть историянзо невтемга, ламо важодсть архивсэ, пурнасть сюпав материал, конань вельде невтить эрзя-мокшонь ёнкссо православиянть кемекстамонзо. Ламо эрьва кодат темат панжовить историянь событиятнень ванкшнозь: эрзя-мокшонь раськенть христианизациясь, кода православиясь кармась келейгадомо минек ёнкссо. Башка мель явовсь монастыртнень ды храмтнень строямонтень, приходтнэнь пурнамонтень, монахонь эрямонтень, просветителень, миссионерэнь, седеймарямонь тевтнень топавтомантень.
Весе те парсте невтевсь документальной фильмасонть, конась алтазь Ардатовань епархиянтень кемень иетнень топодемантень. Сон невтезель пурнавозтненень.
Н. П. Огарёв лемсэ МГУ-нь историянь наукань кандидатось, философиянь кафедрань доцентэсь Алексей Иванович Белкин ёвтнесь 1941-1945 иетнестэ, Ине Отечественной войнанть шкасто, Рузонь Православной Церькованть путовкстонзо.
Мордовиянь С. Д. Эрьзя лемсэ республиканской изобразительной искусствань музеень старшей научной сотрудникесь, искусствоведениянь кандидатось Виктор Борисович Махаев ёвтнесь Ардатовань епархиянь церьковатнень архитектурадост.
Теде мейле архипастыресь ёвтась сюкпрянь валт докладонь теицятненень паро пачтямост кисэ ды казсь тенст архиерейской грамотат, конат алтавсть Ардатовань епархиянтень 10 иетнень топодемантень.
Меельцекс весе тердезельть епархиянь церковно-исторической музеенть ванкшномо, косо ютавтозель мельстуиця экскурсия.
Валентина ЮДИНА
Весе паро тевтнень ванстомга, од ломантненень сындест пачтямга ды пингеде-пингес историяс ламо духовной событиятнень совавтомга арсезель анокстамс ды нолдамс книга.
Сась кенярксчинь шкась. Январень 26-це чистэ Ардатовань епархиянь зданиясо ютавтовсь «Ардатовская епархия: от прошлого к настоящему» книгань презентациясь. Те кенярксов тевенть коряс тов пурнавкшность: Ардатовань, Атяшевань, Дубенкань, Покш Игнатовань, Чаунзань муниципальной районтнэнь библиотекартне, священнослужительтне. Истя жо ульнесть инжеть Саранскойстэ ды лия таркатнестэ. Тов сакшность краеведт ды музейсэ важодицят.
Презентацияс сыцятне седейшкава кунсолызь: Н.П. Огарёв лемсэ МГУ-нь исторической наукань докторонть, профессоронть, информационной технологиянь ды экономической историянь кафедрань прявтонть Олег Иванович Марискинэнь, кие пачтясь XVII-XVIII пингетнестэ Приалатырье ды Присурье кезэрень таркатнесэ православиянть ушодкстонзо ды кемекстамодонзо; Мордовия Республикань Правительстванть юрсо Гуманитарной наукань научно-исследовательской институтонь исторической наукань докторонть, ведущей научной сотрудникенть Сергей Викторович Першинэнь «Экономическое положение приходского духовенства Ардатовской епархии в начале XX века» докладонть.
И. Д. Воронин лемсэ республиканской краеведениянь музеень Ардатовань музеень филиалонь прявтось Зинаида Ивановна Киушкина пачтясь иневанькс Лука архиепископонть Орданьбуе ошсо эрямодонзо.
Вастовоманть ушодовомадо икеле пурнавозтненень лембе вал ды паронь арсема марто пшкадсь Ардатовань ды Атяшевань епископось Вениамин владыкась. Сон ёвтась седейшкавань сюкпрянь валт книганть сёрмадоманзо ды нолдамонзо кис.
Тешкстазель, книгасонть ламо иллюстрацият, сынст вельде парсте неявить лиятнень ёнов а молиця, ансяк сыненст ладиця минек культурань наследиянь духовной объекттнэ. Книгань сёрмадыцятне, Ардатовань епархиянть историянзо невтемга, ламо важодсть архивсэ, пурнасть сюпав материал, конань вельде невтить эрзя-мокшонь ёнкссо православиянть кемекстамонзо. Ламо эрьва кодат темат панжовить историянь событиятнень ванкшнозь: эрзя-мокшонь раськенть христианизациясь, кода православиясь кармась келейгадомо минек ёнкссо. Башка мель явовсь монастыртнень ды храмтнень строямонтень, приходтнэнь пурнамонтень, монахонь эрямонтень, просветителень, миссионерэнь, седеймарямонь тевтнень топавтомантень.
Весе те парсте невтевсь документальной фильмасонть, конась алтазь Ардатовань епархиянтень кемень иетнень топодемантень. Сон невтезель пурнавозтненень.
Н. П. Огарёв лемсэ МГУ-нь историянь наукань кандидатось, философиянь кафедрань доцентэсь Алексей Иванович Белкин ёвтнесь 1941-1945 иетнестэ, Ине Отечественной войнанть шкасто, Рузонь Православной Церькованть путовкстонзо.
Мордовиянь С. Д. Эрьзя лемсэ республиканской изобразительной искусствань музеень старшей научной сотрудникесь, искусствоведениянь кандидатось Виктор Борисович Махаев ёвтнесь Ардатовань епархиянь церьковатнень архитектурадост.
Теде мейле архипастыресь ёвтась сюкпрянь валт докладонь теицятненень паро пачтямост кисэ ды казсь тенст архиерейской грамотат, конат алтавсть Ардатовань епархиянтень 10 иетнень топодемантень.
Меельцекс весе тердезельть епархиянь церковно-исторической музеенть ванкшномо, косо ютавтозель мельстуиця экскурсия.
Валентина ЮДИНА