Колмо иеде икеле, телень якшамо чистэ апак учо тусь эрямосто «Эрзянь правда» газетань икелень прявт редакторось, Мордовия Республикань культурань заслуженной роботникесь Н.И. Петрушкин.

Декабрянь 13-це чистэ Николай Ивановичнень топодевельть бу 50 иеть… Н.П. Огарёв лемсэ МГУ-нь филологиянь факультетэнть прядомадо мейле сон важодемань пингензэ ушодызе Эрзя-мокшонь раськень театрасо литсотрудникекс, косо эрзянь кельс ютавтокшнызе А. Камюнь «Калигула» пьесанть.

«Эрзянь правда» тиринь газетас корреспондентэкс важодеме сась 1995 иестэ. Масторонть ды республиканть туртов стака шкасто, журналистэнь тевденть башка, сон тейсь ламо реклама. Неть ярмактнень вельде рамавсть кавто автомобильть, шкань ютазь колмоценть тенек казекшнизь. Теде икеле командировкав якинек рейсовой автобуссо.
Н.И. Петрушкинэнь пингстэ редакциянь зярыя важодицят государственной субсидиятнень вельде паролгавтызь эрямо таркаст, витизь шумбрачист республикань томбалень санаториятнесэ.

«Эрзянь правда» газетась лиснесь изницякс журналистэнь ламо пелькстамотнесэ, конатнень ютксоль «СМИротворец» масторонь конкурсось.
Ламо ульнесть арсеманзо, ансяк эрямосто а шкастонзо туемась сынст кадынзе апак топавто…