Минек геройтне

Подробности: Категория: Общество; Опубликовано: 17 апреля 2026

Поладтано минек региононь геройтнеде сермадовкстнэнь цикланть, конатнень ули меленек невтемс «Сила, мужество и вера»: передвижная выставка-хронограф» Президентэнь грантонь фондонь проектэнть лувсо.

Аволь умок ютавтовсть кенярксчинь мероприятият, конат алтазь покш читненень: правопорядкань войскатнень теевемань чистэнть 215 иетненень ды Российской Федерациянь Национальной гвардиянь войскатнень Федеральной службань теема чистэнть 10 иетненень. Ялатеке минек Тиринь масторонь геройтнеде ледстнематне – те аволь вейке чинь мероприятия. Те минек ежонь кувака ды домка тев. Те иень мартонь 27-це чистэ Мордовия Республикань Государственной рузонь драмань театрасо минь невтинек геройтнень, конатнень портретэст теинзе Елена Владимировна Колмакова те проектэнть туртов. Ды течи ули меленек ледстямс эйстэст вейкенть, штобу ванстомс ине тевтнеде историянь ледстнематнень!

Минек важодемань героесь – Алексей Александрович Конов, кона куватьс ванстсь Тиринь масторонть ды невтсь прянзо героекс.

1993 иестэ сон варчинзе виензэ милициянь од подразделениясо – ОМОНсо. Ютынзе варчамотнень ды совавтозель отрядонь васенце кочкамотнес. 7 иень перть кассь ротань командирэкс. 2000 иестэ, пси точкас эште вейке командировкадо мейле, Алексей Александрович Коновонь саизь СОБР-в. 11 иень перть ютызе кинть простой оперативникстэ саезь отрядонь командирэнь васенце полавтыцяс, прядызе Россиянь МВД-нь управлениянь Академиянть. Мейле, кода ероков профессионал, велявтсь ОМОНов ды кармась сонзэ прявтокс...

Боевой офицерэнть лавтовонзо удало 13 ламо командировкат пси точкатнес. Сон ранязель зярыяксть ды получакшнось контузия. Улить Мужествань кавто орденэнзэ, «За заслуги перед Отечеством» II степенень орденэнь медалезэ, «За отвагу» кавто медалензэ...
Статьясь анокстазь Мордовия Республикава Росгвардиянь Управлениянь Ветеранонь советэнь председателенть отставкасо милициянь полковникенть Александр Григорьевич Антиповонь лезксэнзэ вельде.
Проектэнть художникесь – Елена Владимировна Колмакова.
Юлия БУРОВА, «Национальная безопасность и наука» ИАЦ-нь АНО-нь прявт.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».