Сентябрянь меельце читнестэ А. С. Пушкин лемсэ Национальной библиотекасо ютавтозель пек лембе ды седейс токиця мероприятия – тесэ весенень невтезель театроведэнть, педагогонть, режиссеронть, МАССР-нь ды РФ-нь культурань заслуженной роботникенть, искусствоведениянь кандидатонть Василий Сергеевич Брыжинскиень «Люди журавлиной дороги» («Каргонь кинь ломанть») рузонь кельсэ книганзо презентациясь.
Тешкстама, зярс лиссь саганть ансяк васенце томось, кадовозь кавто томтне уш ютавтозь эрзянь кельстэ, ансяк апак нолда. Ансяк теде седе тов, а васняяк евтнесынек те колмо томсо книганть эрямонь кинзэ.
«Каргонь кинь ломанть» драматической эпопеясь эрзянь раськенть историядонзо евтни Кочкуровтнень кудораськенть вельде. Сон нолдазель 2012-2014 иетнестэ эрзянь кельсэ. Книгасонть весемезэ 25 пьесат, конатне сюлмавозь вейс ды истя жо, авторонть арсеманзо коряс, эрьвась сцена лангсо невтеви башка ды смустесь карми чарькодевеме.
Василий Брыжинскиень «Каргонь кинь ломанть» книгась кочкась ламо паро мельть-арсемат ловныцятнень ды критиктнень пельде. Ансяк весе чарькодтяно, а весень неень шкане ули мелест ловномс тиринь кельсэ (ды те пек ацирьгавты), секскак ламонь пельде сермадыцясь марясь энялдомат ютавтомс сонзэ рузонь кельс. Тевесь ушодовсь 2021 иестэ, зярдо авторось пшкадсь эрзянь содавикс журналистэнтень, редакторонтень, сермадыцянтень ды ютавтыцянтень Тамара Баргованень. Тамара Сергеевна презентациясонть седейшкава евтнесь, кода сон токавсь книгантень, кода тензэ вечкевсть геройтне, авторонть стилесь, келесь, сон ютавтызе весе тевенть седеензэ пачк ды пель иес колмо томтне анокольть. Авторось кенерсь кучомс васенце томонть социально-значимой литературань конкурсов, конась ютавтови эрьва иестэ Мордовиянь Прявтонть мереманзо кувалма, арсесь, паряк, сон изни ды книганть нолдасызь республиканть вийсэ. Ансяк те мелесь эзь топавтово, ды секскак васенце томонть нолдыцякс-спонсорокс кармась Василий Брыжинскиень церазо Сергей, конась пандынзе ярмактнень 200 экземпляртнэнь кисэ. Васенце томось лиссь «Красный Октябрь» содавикс типографиясонть августонь меельце читнестэ. Ды ней А. С. Пушкин лемсэ библиотеканть вийсэ сонзэ туртов анокстазель презентация. 88 иетнень лангс апак вано, Василий Брыжинский сонсь сакшнось мероприятиянтень ды мельспаросо евтнесь пурнавозтненень седе, кода сермадовсь книгась, кода сон вечксынзе весе эсь геройтнень ды янксесь, мекс эзь ушодо книгань сермадомо седе одсто.
Келя, арасель шказо. Валонзо коряс, книганть сюжетэсь умок уш чарась-велясь прясонзо, ансяк ютко шкась сась пенсияв туемадонзо мейле. Сермадовксось евтни эрзянь раськень семиядо, сынст уцяскадост, вейке-вейкень вечкемадо, ялгаксчиде ды тевденть, конантень геройтне макссызь весе эрямост. Кеменьшка иеде теде икеле те книгань вейке пьесанть коряс путозель а покш спектакля Бугуруслансо, а покшке невтевкс путокшность сонзэ коряс минек някань театрасояк ды – весе! Те шкантень, визьксэнтень, минек республикань театрань вейкеяк режиссер эзь снартне путомс корязонзо спектакля. Мелявксось, келя, ульнесь сеньсэ – а чарькодить эрзякс. Бути алкукс истя, ней те енксоськак изнявсь! Сась шка ломанентень, конанть вийсэ панжозель национальной культурань факультетэсь ды конась пингень перть нолдась, кода декан ды тонавтсь, кода педагог, сядодо ламо режиссерт ды актерт, пандомс Тонавтыцяст паронзо. Теде кортасть презентациясонть весе инжетне ды эште вешезель лезкс шкань апак сацтне нолдамс кадовозь кавто томтнень.
Мероприятиянтень сакшность МР-нь Культурань, национальной политикань ды архивень тевень министрань васенце полавтыцясь Александр Карьгин, Эрзянь-мокшонь раськень регионъютконь вейсэндявксонь исполкомонь прявтось Татьяна Ларина, Мордовиянь Писателень Союзонь прявтось Татьяна Мокшанова, Н. П. Огарев лемсэ МГУ-нь филологиянь факультетэнь профессорось Юрий Антонов ды ИНК-нь представительтне, Мордовиянь театральной деятелень Союзонь прявтось Андрей Анисимов, В. С. Брыжинскиень роднянзо-раськензэ, умонь ялганзо-оянзо.
Вастовомась лиссь кенярдовтыцякс, седеяк сонзэ мазылгавтызь «Ламзурь» фольклорно-этнографической ансамблясь ды Национальной культурань институтонь студенткась Анастасия Сгибнева, конась киштсь ды морась кезэрень раськень морот. Меельцекс Василий Брыжинский весенень явшесь автографт, сермадсь паро валт «Люди журавлиной дороги» книганть ловныцятненень. Тешкстама, васенце томонть зярыя экземпляртнэ ней миевить «Масторава» книгань лавкасонть. Муинк, ловнынк, арсетяно, кадовтадо мельспаросо!
Марина Девятова
«Каргонь кинь ломанть» драматической эпопеясь эрзянь раськенть историядонзо евтни Кочкуровтнень кудораськенть вельде. Сон нолдазель 2012-2014 иетнестэ эрзянь кельсэ. Книгасонть весемезэ 25 пьесат, конатне сюлмавозь вейс ды истя жо, авторонть арсеманзо коряс, эрьвась сцена лангсо невтеви башка ды смустесь карми чарькодевеме.
Василий Брыжинскиень «Каргонь кинь ломанть» книгась кочкась ламо паро мельть-арсемат ловныцятнень ды критиктнень пельде. Ансяк весе чарькодтяно, а весень неень шкане ули мелест ловномс тиринь кельсэ (ды те пек ацирьгавты), секскак ламонь пельде сермадыцясь марясь энялдомат ютавтомс сонзэ рузонь кельс. Тевесь ушодовсь 2021 иестэ, зярдо авторось пшкадсь эрзянь содавикс журналистэнтень, редакторонтень, сермадыцянтень ды ютавтыцянтень Тамара Баргованень. Тамара Сергеевна презентациясонть седейшкава евтнесь, кода сон токавсь книгантень, кода тензэ вечкевсть геройтне, авторонть стилесь, келесь, сон ютавтызе весе тевенть седеензэ пачк ды пель иес колмо томтне анокольть. Авторось кенерсь кучомс васенце томонть социально-значимой литературань конкурсов, конась ютавтови эрьва иестэ Мордовиянь Прявтонть мереманзо кувалма, арсесь, паряк, сон изни ды книганть нолдасызь республиканть вийсэ. Ансяк те мелесь эзь топавтово, ды секскак васенце томонть нолдыцякс-спонсорокс кармась Василий Брыжинскиень церазо Сергей, конась пандынзе ярмактнень 200 экземпляртнэнь кисэ. Васенце томось лиссь «Красный Октябрь» содавикс типографиясонть августонь меельце читнестэ. Ды ней А. С. Пушкин лемсэ библиотеканть вийсэ сонзэ туртов анокстазель презентация. 88 иетнень лангс апак вано, Василий Брыжинский сонсь сакшнось мероприятиянтень ды мельспаросо евтнесь пурнавозтненень седе, кода сермадовсь книгась, кода сон вечксынзе весе эсь геройтнень ды янксесь, мекс эзь ушодо книгань сермадомо седе одсто.
Келя, арасель шказо. Валонзо коряс, книганть сюжетэсь умок уш чарась-велясь прясонзо, ансяк ютко шкась сась пенсияв туемадонзо мейле. Сермадовксось евтни эрзянь раськень семиядо, сынст уцяскадост, вейке-вейкень вечкемадо, ялгаксчиде ды тевденть, конантень геройтне макссызь весе эрямост. Кеменьшка иеде теде икеле те книгань вейке пьесанть коряс путозель а покш спектакля Бугуруслансо, а покшке невтевкс путокшность сонзэ коряс минек някань театрасояк ды – весе! Те шкантень, визьксэнтень, минек республикань театрань вейкеяк режиссер эзь снартне путомс корязонзо спектакля. Мелявксось, келя, ульнесь сеньсэ – а чарькодить эрзякс. Бути алкукс истя, ней те енксоськак изнявсь! Сась шка ломанентень, конанть вийсэ панжозель национальной культурань факультетэсь ды конась пингень перть нолдась, кода декан ды тонавтсь, кода педагог, сядодо ламо режиссерт ды актерт, пандомс Тонавтыцяст паронзо. Теде кортасть презентациясонть весе инжетне ды эште вешезель лезкс шкань апак сацтне нолдамс кадовозь кавто томтнень.
Мероприятиянтень сакшность МР-нь Культурань, национальной политикань ды архивень тевень министрань васенце полавтыцясь Александр Карьгин, Эрзянь-мокшонь раськень регионъютконь вейсэндявксонь исполкомонь прявтось Татьяна Ларина, Мордовиянь Писателень Союзонь прявтось Татьяна Мокшанова, Н. П. Огарев лемсэ МГУ-нь филологиянь факультетэнь профессорось Юрий Антонов ды ИНК-нь представительтне, Мордовиянь театральной деятелень Союзонь прявтось Андрей Анисимов, В. С. Брыжинскиень роднянзо-раськензэ, умонь ялганзо-оянзо.
Вастовомась лиссь кенярдовтыцякс, седеяк сонзэ мазылгавтызь «Ламзурь» фольклорно-этнографической ансамблясь ды Национальной культурань институтонь студенткась Анастасия Сгибнева, конась киштсь ды морась кезэрень раськень морот. Меельцекс Василий Брыжинский весенень явшесь автографт, сермадсь паро валт «Люди журавлиной дороги» книганть ловныцятненень. Тешкстама, васенце томонть зярыя экземпляртнэ ней миевить «Масторава» книгань лавкасонть. Муинк, ловнынк, арсетяно, кадовтадо мельспаросо!
Марина Девятова