Паро куля сась «Книга» издателень кудостонть. Аволь умок сон нолдась пек мельстуиця книга-артомка эрзянь, мокшонь ды рузонь эйкакштнень туртов. Лемезэ «Манявозь букват».
Истят книгатне неень шкане пек а сатныть эрзянь эйкакштнень туртов ды секскак сонзэ питнепезэ арась. Анокстыцянзо – Николай Голенков, Алексей Громыхин ды Анатолий Ежов. Аволь умок минь вастовинек сёрмадыцянть Николай Борисович Голенков марто ды сон ёвтнесь, кода чачсь те арсемась:
– Книгась арсезель-пурназель уш ютазь иестэ, ансяк ней лиссь шка ды муевсть ярмакт сонзэ нолдамс. Сон алтазь эйдень кужов якиця эйкакштненень ды школасо вишка класстнэсэ тонавтницятненень. Те книгась нолдазь монь ялгатнень, конатне аволь умок тусть эрямостонть, Алексей Громыхинэнь, Николай Ишуткинэнь, Александр Доронинэнь лемест ледстнемга. Александр Макарович ды Николай Иванович ютавтызь монь стихень мокшонь кельстэ эрзянь кельс, Алексей Александрович – рузонь кельс.
Книгантень артовкстнэнь анокстынзе Елена Лошакова. Сон машты артомо книганть истя, сельметь эйстэнзэ а саевить. Ансяк тесэ Елена тейсь раужо артовкст, тюстнэнь жо кочкасызь сынсь эйкакштне мелест коряс. Арсян, книгась вечкеви эйкакштненень. Тозонь совавтозь стихсэ азбукаяк, конась карми тонавтомо ловномо, ды манявозь букватне стить видестэ.
Пароль бу неемс эштё ламо од книгат эрзянь кельсэ, паряк, сестэ минек эйкакштнень седейтнес седе виевстэ чачи эрзянь келентень вечкемась. Те шкас сельмень икеле Геннадий Гребенцовонь стихсэ азбуказо, конась кармаськак васенце книгакс, конась ветимим эрзянь литературань масторс.
Марина Девятова
– Книгась арсезель-пурназель уш ютазь иестэ, ансяк ней лиссь шка ды муевсть ярмакт сонзэ нолдамс. Сон алтазь эйдень кужов якиця эйкакштненень ды школасо вишка класстнэсэ тонавтницятненень. Те книгась нолдазь монь ялгатнень, конатне аволь умок тусть эрямостонть, Алексей Громыхинэнь, Николай Ишуткинэнь, Александр Доронинэнь лемест ледстнемга. Александр Макарович ды Николай Иванович ютавтызь монь стихень мокшонь кельстэ эрзянь кельс, Алексей Александрович – рузонь кельс.
Книгантень артовкстнэнь анокстынзе Елена Лошакова. Сон машты артомо книганть истя, сельметь эйстэнзэ а саевить. Ансяк тесэ Елена тейсь раужо артовкст, тюстнэнь жо кочкасызь сынсь эйкакштне мелест коряс. Арсян, книгась вечкеви эйкакштненень. Тозонь совавтозь стихсэ азбукаяк, конась карми тонавтомо ловномо, ды манявозь букватне стить видестэ.
Пароль бу неемс эштё ламо од книгат эрзянь кельсэ, паряк, сестэ минек эйкакштнень седейтнес седе виевстэ чачи эрзянь келентень вечкемась. Те шкас сельмень икеле Геннадий Гребенцовонь стихсэ азбуказо, конась кармаськак васенце книгакс, конась ветимим эрзянь литературань масторс.
Марина Девятова