Пятница, марта 29, 2024
Важное

МЕЛЬСТУИЦЯ КЕНЯРКСЧИ


Эйкакшпингентень алтазь кенярксчитнеде ламо, ды вейкесь юткстост сехте содавиксэсь – Эйкакшонь масторлангонь чись.
Содазь, ноябрянь 20-це чистэ ламо кементь иеде икеле ООН-нь Ассамблеясь кемекстась «Конвенция эйкакштнень праваст коряс» лем ало документ, конась вансты сынст праваст масторлангонь келес.

Саранск ошонь округонь Пролетарской райононь тейтерь-авань советэнь прявтонть, республикань «Надежда» эйкакшонь приютонь прявтонть Татьяна Барашихинань ушодксонзо коряс ютавтозель эйкакштнень туртов лезэв ды кенярксчинь мероприятия. Те чистэнть эйкакштненень сакшность Мордовия Республикасо Эйкакштнень праваст коряс уполномоченноесь Наталья Юткина, «София» благотворительной фондонь прявтось Мария Лушенкова. Сынь ёвтасть эйкакштненень поздоровт ды паронь арсемат. Те чистэнть од ломантне невтизь ёрокчист «Поле чудес» налксемасонть. Сынь вешнесть правань коламот вечкевикс мультфильматнестэ ды ёвкстнэстэ. Мероприятиянь ютавтомсто од ломантне аволь ансяк седеяк ламо кармасть содамо, истя жо невтизь эсест ёрокчист!
* * *
Правовой содамочинь теке недлянть ютксто «Республиканский социальный приют для детей и подростков» «Надежда» МР-нь ГКУСО-нть ютавтовсь «Макст кевкстема правань ванстыця органонь сотрудникентень» лем ало «кругловой столь». Ламо лезэв превс путомат эйкакштне кармасть содамо сыненст сыця Саранск ошонь округонь Октябрьской райононь судонь Председателенть Т. В. Щегольковань, тосонь судьянть И. Н. Фомкинань, Октябрьской райононь прокуроронь старшей лездыцянть О.С. Верниковань, «Надежда» приютонь эйкакштнень духовной тетянть, протоиереенть Павелэнь (Горбуновонь) ды лия инжетнень пельде.

Эйкакштне макснесть кевкстемат силовой структуратнесэ важодицятненень. Инжетне эсь ёндо макссть толковамот сетненень, кинень эштё эзь топоде кемгавксово иеть, ды кармавтсть сынст эрямосост а нолдамс зыянов тевть. Истя жо мерсть тенст, ков ды кинень эряви пшкадемс те эли тона коламотнень лисемстэ.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».