Мордовия Республикава «Защитники Отечества» Госфондонь филиалось региононь Спортонь министерстванть марто вейсэ арсесть-анокстасть СВО-нь ветерантнэнь семияст, истя жо чавовозтнень ды кулявтомо емазь боецтнэнь малавиксэст туртов конькасо вейсэнь кирякстнемат. Спортонь мероприятиясь ютась Саранскоень Эень дворецсэ.

Участниктнень ютксо – спецоперациянь ветеранось ды «Герои среди СВОих» региональной программань финалистэсь Кирилл Бычков. «Мон сынь катокс васенцеде, кадовинь паро мельежосо. Весемесь вадрясто арсезель-топавтозель», – кортась тиринь масторонь ванстыцясь.

Спецоперациянь ветеранось Александр Феоктистов лиснесь эенть лангс кавто церыньканзо – 10 иесэ Назар ды 8 иесэ Тихон марто. Церынетне спортсмент, налксить «Мордовия» хоккеень клубонть кис.

«Нама, эйкакштнень эряви тонавтомс мелень явомо спортонтень вишка шкасто саезь, сон кемексты дисциплинанть ды обуцяст, – корты Александр. – Спортось тонавты а потамс удалов ды роботамс командасо. Течинь мероприятиянть вельде минь парсте оймсинек ды лезэнь кандозь ютавтынек шканок».

Спортонь истят оймсема читне лездыть ветерантнэнень тонадомс сэтьме эрямонтень ды марямс обществанть ендо лезксэнь максоманть.