Пятница, февраля 03, 2023
Важное
 
Мордовиясо Ине Отечественной войнасо Изнямонь 75 иень пандоматне ушодовсть апрельстэ. Сынь максовить ветерантнэнень ды тылэнь тружениктненень.
Республикасонок истят пандомат максовить 7318 ломантненень. Тень коряс Пенсионной фондов пшкадемс а эряви. Весе эрявикс документтнэ ванстовить ПФР-сэ.

✅75 тёжат целковойть пандовить:
- Ине Отечественной войнань участниктненень ды инвалидтнэнень;
- Ине Отечественной войнасо чавовозь участниктнень ды инвалидтнэнь доватненень;
- Ине Отечественной войнасо, Финляндиянть ды Япониянть марто войнатнесэ чавовозь военнослужащейтнень доватнень туртов;
-концлагерев понгозетненень (кинень се шкане эзть топодешкне 18 иеть);
- ломантненень, конат казезь «Жителю блокадного Ленинграда» знаксо;

✅50 тёжат целковойть пандовить:
- тылэнь тружениктненень (сетненень, кить важодсть тылсэ 1941 иень 22-це июньстэ саезь 1945 иень маень 9-це чис кото ковдо аволь седе аламо);
- ломантненень, кить казезь СССР-нь орденсэ ды медальсэ Ине Отечественной войнань шкане стака важодеманть кисэ;
- нацистэнь концлагерев ды тюрьмав понгозетненень, кинень тополесть 18 иеть.
Мордовиясо 75 тёжат целковойть максови 1701 ломаннень. 50 тёжат целковойть –5 617 ломантненень.
Истямо вейкине пандовксось максови башка 10 тёжань целковоень эрьва иень пандовксонтень (РФ-нь Президентэнь 2019 иень 24-це апрелень 186№ Кармавтоманзо коряс). 2019 иень майстэ истямо пандовкс максовсь Ине Отечественной войнань 248 участниктненень ды инвалидтнэнень. 2020 иень апрельстэ 10 тёжат целковойть максовить Ине Отечественной войнань 191 участниктненень ды инвалидтнэнень.

Кода содатадо, Мордовиянть келес январьстэ саезь мартс явшевсть ды седе товгак кармить явшевеме Ине Изнямонь 75 иетненень алтазь юбилейной медальтне, конатне максовить весе ветерантнэнень, тылэнь тружениктненень, концлагерень узниктненень ды блокадань Ленинградонь эрицятненень. Мордовиясо те медалесь максови 7400 сырькайтненень ды покштятненень. Республикань районтнэсэ медальтнень явшематне ютасть весе райцентратнесэ. Кие эзь саво покш мероприятиятнес, Ине Изнямонь чинтень казнесь тенст кандови кудос. Невтемакс, мартонь 18-20-це читнестэ неть медальтне явшазельть Отяжелень райононь Дюрьки, Сабанцеле, Таразбуе ды Паранеи велетнесэ. Сынст каземе сакшнось Отяжелень райононь прявтонь полавтыцятне М.С.Алёшина ды А.М.Сюмкин, велень прявтось В.П.Сидоров. Весемезэ казезельть 37 ветерант ды тылэнь труженикть.

Дубенкань районсо «75 лет Победы в Великой Отечественной войне 1941-1945 годов» медалесь максови 198 эрицяненень. Ламотнень туртов уш сон кандозь видьстэ кудов, кода Морга велень тылэнь труженикентень Иван Матвеевич Филипповнень. Сонензэ медаленть чачома чистэнзэ казизе сонсь райононь прявтось С.Г.Плешаков.


Татьяна Маторкина
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».