Четверг, марта 28, 2024
Важное

Ковонь перть сёрмадстозельть Мордовиянь велень хозяйствань организациятне ды весе предприятиятне, крестьянонь-фермерэнь хозяйстватне, индивидуальной предпринимательтне. Истя жо пурназь информация садоводческой ды пирень аволь коммерческой куротнень коряс. Сёрмадстыцятне кевкстнесть 175 тёжат кудазорт. Эрьвась ютась малав 480 таркат-кудот. Ломантне паро мельсэ невтнесть пирест ды ёвтнесть, мезе трить-кастыть.

Тень коряс Мордовиястатсо ютась промкс, косо яволявтызь сёрмадстомань меельце кулятнень.

– Сёрмадстоманть шкасто лиснесть истят стакачить – кода ловомс модатнень, конат кадозь, конатнес путнить пире, саемга, шабратне. Истя жо ловозь чаво, кадозь кудотне. Сынст коряс цётамотне кармить седе тов. Чарькодеви, велетнесэ полавтовсь экономикась. Седе ламо кармасть кадозь модат, кода башка азортнэнь, истя жо хозяйстватнень. Киртявсь КРС-нь трямось, – пачтясь Мордовиястатонь прявтонь полавтыцясь О.В. Голованова.

Ней велетнесэ ломантне скалонь ды вазонь таркас кирдить сеят, реветь. Модамаренть кармасть путнеме седе аламо. Велесь кармась ламонь туртов оймсема таркакс. Кой-кить рамсить тосто кудыне, путнить аволь покш пире, эрить тосо ансяк кизна, лембе шкане.

Тешкстазель, велень эрицятне явить мель экзотикань эмежтненень ды фруктатненень. Кастыть виноградт, абрикост, персикть, арбузт, дынят ды седе тов. Кудазортнэ кирдить лия ёнов а молиця ракшат ды нармунть: мулардт, кочкодыкть, страуст.

Сёрмадстомань прявт этапось прядовсь, теке марто поладовить лия ловоматне. Васенце цётамотнень яволявтсызь те иенть прядовомсто. Весе цётамотнень ёвтасызь 2022 иенть прядовомсто.

 

Татьяна Маторкина

 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».