Течи "Защитники Отечества" фондонь Мордовиянь филиалсонть пурназель вастовома, конань шкасто казевсть "Артык Тиринь масторонь ванстыцянть" пелькстамонь изницятне.
Акциянь участникекс кармасть Мордовиянь 2 тёжат эйкакшт. Башка мель явовсь сеть эйкакштнень роботатненень, кить артызь эсь малавиксэст, конатне кандыть службанть специальной военной операциянь таркатнесэ.
Кода тешкстызе "Защитники Отечества" фондонь Мордовиянь филиалонь прявтось Алексей Герасименко, эйкакштне эсь ёрокчинть невтизь колмо номинациясо. Сехте вадря роботатнень кочкинзе жюрись, козо совасть фондонь важодицятне, республикань художественной училищань тонавтыцятне, тонавтомань ёнкссо важодицятне ды лиятне.