Россиянь МЧС-нь МР-ва Главной управлениянь Гражданской защитань специальной управлениясо ютась промкс, косо кортамось мольсь кудотнесэ толонь мадстемань ды шкадо икеле толонь неемань-марямонь кедьёнкстнэнь путомадо.
Вастовоманть ветясть Россиянь МЧС-нь Мордовия Республикава Главной управлениянь прявтось Андрей Наумов, сонзэ полавтыцясь, надзорной ды профилактической тевень управлениянь прявтось Александр Болталин ды лият.
Меельце шкане республикасонок ульнесть зярыя пожарт. Тусть эрямосто ломанть… Кода ванстомс ломантнень, кода идемс эйкакштнень? Самай теде мольсь кортамось промкссонть.
– Зярыя иень перть частной ды ламо квартирань кудотнесэ ладсевить пожаронь извещательть ды толонь мадстемапельть. Тень вельде ломантне идевить, – кортась МЧС-нь Мордовия Республикава Главной управлениянь прявтось Андрей Наумов.
– Меельце вете ковтнень перть минек республикасо ладязь 462 автономной пожаронь извещательть. Кода невти статистикась, сынь кандыть покш лезэ. Ломантне шкастонзо редясызь толонть, – пачтясь Александр Болталин.
Самай истямо извещатель ульнесь путозь Ицялбуень Пермеева велень I-це группань инвалидэнть кудосо. 2020 иень август ковсто тосо лиссь зыян, толонть неизь шабратне, азоронть таргизь-ливтизь кудосто.
Те вастовомасонть ёвтнесть: ламо автономной извещательть ладсезь Темниковань, Ицялонь ды Лямбирень районтнэсэ. Лия ёнкстнэсэяк эряви саемс тень мельс.
Теде мейле журналисттнэнь туртов невтезель, кода важодить оповещениянь системась, толонь мадстемань кедьёнкстнэ. Кинь ульнесь мелезэ, варчасть мадстемс тол огнетушительсэ.
Меельце шкане республикасонок ульнесть зярыя пожарт. Тусть эрямосто ломанть… Кода ванстомс ломантнень, кода идемс эйкакштнень? Самай теде мольсь кортамось промкссонть.
– Зярыя иень перть частной ды ламо квартирань кудотнесэ ладсевить пожаронь извещательть ды толонь мадстемапельть. Тень вельде ломантне идевить, – кортась МЧС-нь Мордовия Республикава Главной управлениянь прявтось Андрей Наумов.
– Меельце вете ковтнень перть минек республикасо ладязь 462 автономной пожаронь извещательть. Кода невти статистикась, сынь кандыть покш лезэ. Ломантне шкастонзо редясызь толонть, – пачтясь Александр Болталин.
Самай истямо извещатель ульнесь путозь Ицялбуень Пермеева велень I-це группань инвалидэнть кудосо. 2020 иень август ковсто тосо лиссь зыян, толонть неизь шабратне, азоронть таргизь-ливтизь кудосто.
Те вастовомасонть ёвтнесть: ламо автономной извещательть ладсезь Темниковань, Ицялонь ды Лямбирень районтнэсэ. Лия ёнкстнэсэяк эряви саемс тень мельс.
Теде мейле журналисттнэнь туртов невтезель, кода важодить оповещениянь системась, толонь мадстемань кедьёнкстнэ. Кинь ульнесь мелезэ, варчасть мадстемс тол огнетушительсэ.