«Демография» национальной проектэнть вельде Мордовиянь ламо эйкакшонь триця семиятненень колмоце ды седе ламо эйкакштнень чачомсто максыть башка социальной лезкс.

Иван Васильевич ды Мария Ильинична Барановтнень колмо цёрынест. Покшонтень – 11 ие, омбоцентень – 8, вишкинентень – 4. Семиясь эри Лямбирень райононь Болотникова велесэ.

Мария Ильинична сисем иень перть важоди школасо рузонь келень ды литературань тонавтыцякс. Омбоце эйкакшонть кис тенст макснесть авань федеральной капитал. Неть ярмактнень сынь ютавтызь ипотекас квартирань рамамс. Колмоце цёрыненть чачомадо мейле республикась макссь 125 тёжат целковоень покшолмасо региононь авань капитал.

Теде башка, ипотекань долксто тенст киртясть 20 %. Истя жо колмоце эйденть кисэ макссть 15 соткат мода, косо мереви стявтомс кудо. Ульнесть башка пандоматкак (3 иестэ саезь 7 иес эйдетнень лангс пандоматнень коряс).

Барановтнень валост коряс, федеральной ды региональной капиталтнэ, башка пандоматне – те весе алкуксонь лезкс семиятненень, косо трить-кастыть ламо эйкакшт. Сынь ёвтыть покш сюкпря истямо лезксэнть кисэ.