Пятница, марта 29, 2024
Важное

Дубёнкань краеведениянь музейсэ панжовсь Виктор Рыськинэнь «Грани таланта» персональной выставкась. Виктор Кузьмич чачсь Приморской крайсэ, ансяк вана ундоксонзо сюлмавозь Мордовиянть марто. Од шкасто сон прядызе Чебоксаронь педагогической институтонь художественно-графической отделениянть. Ульнесь школасо тонавтыцякскак, важодсь артыцякс-оформителекс.



Зярыя иеде икеле велявтсь тиринь ёнксов, Дубёнкань райононь Чиндянова велев, косо поладызе шкинеманть. Виктор Кузьмич эсь важодевкстнэнь ламоксть невтнинзе эрьва кодамо выставкасо ды мероприятиясо. Ютксост: «Шумбрат, Мордовия!» раськень творчествань фестивалесь, Дубёнкань райононь Орданьбуе велесэ социальной куншкакуронь панжомась, «Земли моей талантливые люди» райононь художественной самодеятельностень пелькстамось. «Грач. Ожидание» картиназо кочказель Мордовиянь Артыцятнень союзонь 80 иетненень алтазь выставкав.

Неень выставкасонть невтевить комськавтово важодевкст. Те аволь покш пелькске. «Монь артовкстнэстэ седе ламотне – пейзажонь жанрань. Выставкасонть жо максовить меельце кавто иень важодевкстнэ, секскак парсте редявить полавтоматне. Эдь картинатне овсе а молить вейке-вейке ёнов. Эрьвасонть мезе-бути полавтови, мон свал вешнян од ёнкст», – тешксты артыцясь.

Эряви тешкстамс, школасо тонавтницятнень туртов выставканть панжомазо кармась мельстуиця мастер-классокс. Эйкакштне домкасто ванность пертьпельксэнь невтиця артовкстнэнь, вейсэ художникенть марто човорясть краскатнень, арсесть композициянть. Весе вейсэ сынь тейсть вейсэнь артовкс, конань арсизь каземс тесэнь краеведтнэнень.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».