Покш Березник буень Парынзэлесэ Президентэнь Культурань Инициативань фондонть лезксэнзэ вельде топавтови «Приземление» проектэсь. Арсицязо-анокстыцязо — «Новое село» общественной вейсэндявксось.

Проектэнть зэмезэ — невтемс веленть од ломантненень истямо таркакс, косо топавтовить шкинемань мелест. Теде башка, од ломантнень марто сюлмавоманть вельде ванстовить велень эрямо койтне, культурась.
Проектэнть лувсо Парынзэлесэ теезь-анокстазь Артыцянь кудо. Те студенттнэнень-артыцятненень важодема ды оймсема тарка. Кудосонть невтезь Мордовиянь Народной артыцянть Н. С. Макушкинэнь артовксонзо, графиказо, улить артыцятненень важодемга эрявикс кедьёнкст.

«Приземление» проектэнть лувсо ютавтови регионъютконь «Притяжение» конкурсось. Пелькстыцятнень туртов Парынзэлесэ ютавтовить ниле пленэрт, мастер-класст, экскурсият. Пленэрсэ теезь сехте вадря артовкстнэнь невтьсызь С. Д. Эрьзя лемсэ музейсэ, проектэнть прядовомга выставкасо.