Пятница, марта 29, 2024
Важное

2020 иень ожоковонь 7-це чистэ МР-нь Правительстванть юрсо гуманитарной наукань НИИ-сэ ютась Учёной советэнь промкс, кона алтазель наукань заслуженной деятеленть, исторической наукань докторонть, профессоронть Лев Герасимович Филатовонь чачома чистэнзэ саезь 90 иетненень.


Промксонтень пурнавкшность Филатовонь малавиксэнзэ, икелень тонавтницянзо, важодемань коряс ялганзо.
Заседаниянть панжизе НИИГН-нь директорось, Учёной советэнь председателесь Г.А. Куршева. Историянь отделэнь заведующеесь, главной научной сотрудникесь Т.М. Гусева ёвтнесь профессоронть эрямодонзо, тонавтыцянь тевдензэ ды научной важодемадонзо.
Лев Герасимович Филатов (08.10.1930 – 03.12.2013) чачсь Саранск ошсо учителень семиясо. Прядызе М.В. Ломоносов лемсэ МГУ-нь исторической факультетэнть (1954). Сон – исторической наукань кандидат (1962), исторической наукань доктор (1984), профессор (1985), МССР-нь наукань заслуженной деятель (1990). Сёрмадсь 200 ламо учебно-методической ды научной роботат, конатнень алтынзе Россиянь социально-экономической виевгадомантень. Сонзэ прявтсо идесть диссертацият наукань 30 кандидатт.

Промкссонть кортасть Филатовонь тонавтницянзо, ялганзо, малавиксэнзэ. Эсест валдо ледстнемаст ёвтызь Мордовской (эрзянь ды мокшонь) регионъютконь организациянь исполкомонь Председателесь А.С. Лузгин; Саранскоень РАНХиГС-нь директорось, Мордовия Республикань Общественной палатань Председателесь И.В. Капитонов; «Н.П.Огарёв лемсэ МГУ» ФГБОУ-нь социологиянь кафедрань профессорось В.А. Писачкин; НИИГН-нь этнологиянь ды региональной исследованиянь отделэнь ведущей научной сотрудникесь Л.И. Никонова.

Весе инжетне эсест кортамосост тешкстызь Лев Герасимовичень сиземань а содыця обуцянзо, ламонь содамонь бажамонзо.
Лев Герасимович Филатовонь ледстнемга Учёной советэнь торжественной заседаниясь ютась лембестэ ды седейшкавань ледстнемасо. Лев Герасимовичень низэ, Валентина Васильевна Филатова, весе инжетненень ёвтась сюкпрянь валт.

Мила Богатова
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».