«Саранский элеватор» ООО-сь – Мордовия Республикань велень хозяйствань ды перерабатывающей промышленностень сехте умонь предприятиятнестэ вейкесь. Важодема кизэ ушодови ютазь пингень 1914 иестэ. Неень шкане сон сови «Мордовское агропромышленное объединение» ООО-нть юрс, конась вейсэнди республикань велень хозяйствань ёнкссонть важодиця зярыя кементь предприятиятнень.
2007 иестэ Саранскоень элеваторсо стявтозельть сюронь ванстомань туртов од комплекстнэ. Ды течи Элеваторось – те неень шкань предприятия, косо теезь целанек одкстомтома, мезесь лездась зярыяксть кастомс производственной вийтнень. Меельце малав комсь иетнень перть предприятиянть прявтсо ашти превей хозяйственникесь, государственной ламот наградатнесэ казезесь, эрзянь ломанесь Николай Геннадьевич Салмов. Самай сонзэ вийсэ Саранскоень элеваторсо теезьгак сехте эрявикс ды покш полавтоматне.
СЮРОНЬ ВАНСТОМАСЬ ТОПАВТОВИ ВЕСЕ
ВЕШЕМАТНЕНЬ КИРДЕЗЬ
Течинь чине «Саранский элеватор» ООО-нь производственной покшолматне 70 тёжат тоннат. Важодемань прявт ёнксось – сюронь примамось, костямось, ванськавтомась, ванстомась. Заводонть неень шкасто важодемадонть ды производствань одкстомтомадонть седе домкасто миненек ёвтнесь предприятиянь прявтонь полавтыцясь Андрей Викторович ТИКШАЙКИН (вере фотосонть).
– 2007 иестэ предприятиясонть теезь производствань модернизациясь – стявтозель сюронь ванстомань комплекс, конань покшолмазо 60 тёжат тоннат. Те кемгавтово таркат (силост) колмонь-колмонь тёжат тоннань покшолмасо ды кото сюронь ванстома таркат, конатнес эрьвантень кельгить 4 тёжат тоннат. Неть силостнэ вадрят, топавтозь термометриясо, лиякс меремс, сюрось ванстови эрявикс температурань коряс, ды коштоськак тесэ ладиця. Теке марто весе оборудованиясь автоматизированной, сонзэ важодеманть мельга сменастонть ваны вейке ломань, – ёвтни Андрей Тикшайкин. – Целанек жо предприятиясонть свалшкане важодить ведьгемень ломанть, сезонсто яла саевкшнить нурька шкас важодицят. Элеваторонь неень шкань комплексэсь важоди кода автомобильной, истя ЖД-транспортонь автоотгрузканть лувсо.
Кода мерсь Андрей Тикшайкин, Элеваторонть юрсо, сюронь ванстомань комплекстнэде башка, ули 10 тёжат тоннас производственной корпус, конась теезель сехте васенцекс эштё 1914 иестэ. Те корпуссонть важодемась те шкас ветяви лия лувсо, тосо седе ламо роботамс савкшны кедьвийсэ.
– Минек ды шабра регионтнэсэ сюротнень урядамось ушодови июльстэ ды моли октябрянть прядовомс – нуить кукурузанть ды рапсонть. Те шкастонть ветявияк минек седе покш важодемась. Приматано сюронть ды ушодтано весе тевтнень ветямо мартонок важодиця предприятиятнень яволявтомаст коряс. Важодтяно истят прявт экспортёртнэнь марто, кода «Деметра Трейдинг» предприятиясь, «КиПиАй» агрохолдингесь, «САН ИнБев» АО-сь ды лиятне. Важодтяно аволь ансяк Мордовиянь товаропроизводительтнень, истя жо Равчирень покш предприятиятнень марто, – корты Андрей Тикшайкин.
– Сынь ускить миненек сюронть, седе ламотне пиянь пидеманть туртов шужонть, минь жо сонзэ тейтяно ГОСТ-нь (эли лия вешематнень) коряс. Эряви меремс, ГОСТ-нь вешематнеде башка, эрьва товаропроизводителенть улить эсензэ кемекстамонзо.
Саранскоень элеваторось важоди ламот регионтнэнь марто. Тевесь сеньсэ, технологиятне виевгавтовить, сюронь урожайтне эрьва ие касыть, истят элеваторт жо улить аволь весе регионтнэсэ. Ванстомс жо сюронть косояк эряви.
Кода уш ёвтынек икеле, течинь чинтень предприятиясонть важодить 50 ломанть. Эрьвась эйстэст – эсь тевень алкуксонь специалист. Ды эрьва специалистэнть предприятиясь тризе-кастызе сонсь.
– Штобу кастомс эсь тевень содыця, вадря специалистэнть, эряви колмо-вете иеде аволь седе аламо, – тешксты Андрей Викторович. – Вана минек диспетчертнэ. Вадря диспетчерэсь, конась Элеваторонть важодеманзо содасы педе-пев, те кавто иеде аволь седе аламо шкань перть виев тонавтнема. Ды бути, мертяно, сон Саранскоень элеваторсто туи Ковылкинань элеваторс, тосо весе системась лия, тонавтнемс эряви одс.
Бути жо кортамс од специалисттнэнь эрявиксчиде, а мезть сёпомс, од ломанть миненек эрявить. Эрявить электрикть, силосникть, транспортировщикть, лаборантт, конатне бажить роботамо.
Зярдо 2007 иестэ мон ды ламот минек важодицятне тей сынек, ульнинек одт, бажинек тонавтнемс, весементень чарькодемс. Самай сестэ нолдасть од объектэнть, ды минь бажинек седе ламо содамс те тевденть. Важодемеяк кармавтсь самай ламонь содамось. Тесэ важодемань иетнень перть мон подъёмниксэяк роботынь, лабораториясояк, цехсэяк виень варчнинь. Ушодынь сехте алдо, ютыя весементь. Ды 2014 иенть самс, зярдо аравтымизь прявтонь полавтыцякс, аламонь-аламонь тонавтния эрьва тевенть. Штобу важодемасо эстень кевкстнемат зярдояк авольть уле.
Эряви ёвтамс, Андрей Тикшайкин чачсь-кассь Отяжеле ёнксонь Ламбаське велесэ. Школадо мейле прядызе Н. П. Огарёв лемсэ МГУ-нь Аграрной институтонть. Ды институтонть лови профессиянтень эсь васенце тонавтыцякс. Самай тосо путозель ушодксось, максозельть эрявикс содамочитне. Ды важодемасо неть содамочитне пек лездыть.
МЕХАНИКЕНЬ ПРОФЕССИЯСЬ
КАРМАСЬ ЭРЯМОНЬ ТЕВЕКС
Эсь тевень содыця специалисттнэнь ютксо предприятиясонть ловови Михаил Иванович ШУЛГИН. Саранскоень элеваторсо прявт механикекс важоди 2013 иестэ саезь.
Цёрась чачсь Отяжелень райононь Таразбуесэ. Школадо мейле прядызе Н. П. Огарёв лемсэ МГУ-нь Механикань ды энергетикань институтонть «инженер энергообеспечения предприятий» специальностенть коряс. Эсь важодема кинзэ ушодызе энергетикань ёнкссонть – «Система жизнеобеспечения «Коммунальные ресурсы» ООО-нь филиалсонть. Мейле ульнесь республикань ЖКХ-нь министерствасо отделэнь прявтокс, аволь кувать топавтсь предприятиятнень энергоаудитэнь тевтнень. Ансяк цёрантень весе неть специальносттне ульнесть аволь мелень коряс. Зярдо жо ушодсь роботамо Элеваторсо, кода-бути сеске весемесь арась тарказонзо ды механикень профессиясь кармась эрямонь тевекс.
– Монь роботасонть прявтокс ашти весе оборудованиянть свалшкане ды вадрясто важодевтемась, – корты Михаил Шулгин. – Весе транспортной, костямонь, ванськавтомань оборудованиясь монь вановт ало.
Сюронь саемантень анокстамось, примамонть топавтомась, неть тевтнень прядомадо мейле оборудованиянь витнемась ды ламо лия мезесь. Весемесь прявт механикенть лангсо. Ды те тевсэнть Михаил Шулгин уш малав кемень иеть. Теке шкастонть 2017 иестэ саезь цёрась эштё топавты Элеваторонь производственной корпусонь прявтонь тевенть.
– Предприятияв сынь ялгань марто кортамодо мейле, сон мерсь, келя, тов эряви механик. Сынь ды кадовинь. Механикень профессиясь, весе варчазтнестэ, кармась тень малавикс. Сон монь коряс, – кемекстызе Михаил Шулгин.
Юлия Еремина
СЮРОНЬ ВАНСТОМАСЬ ТОПАВТОВИ ВЕСЕ
ВЕШЕМАТНЕНЬ КИРДЕЗЬ
Течинь чине «Саранский элеватор» ООО-нь производственной покшолматне 70 тёжат тоннат. Важодемань прявт ёнксось – сюронь примамось, костямось, ванськавтомась, ванстомась. Заводонть неень шкасто важодемадонть ды производствань одкстомтомадонть седе домкасто миненек ёвтнесь предприятиянь прявтонь полавтыцясь Андрей Викторович ТИКШАЙКИН (вере фотосонть).
– 2007 иестэ предприятиясонть теезь производствань модернизациясь – стявтозель сюронь ванстомань комплекс, конань покшолмазо 60 тёжат тоннат. Те кемгавтово таркат (силост) колмонь-колмонь тёжат тоннань покшолмасо ды кото сюронь ванстома таркат, конатнес эрьвантень кельгить 4 тёжат тоннат. Неть силостнэ вадрят, топавтозь термометриясо, лиякс меремс, сюрось ванстови эрявикс температурань коряс, ды коштоськак тесэ ладиця. Теке марто весе оборудованиясь автоматизированной, сонзэ важодеманть мельга сменастонть ваны вейке ломань, – ёвтни Андрей Тикшайкин. – Целанек жо предприятиясонть свалшкане важодить ведьгемень ломанть, сезонсто яла саевкшнить нурька шкас важодицят. Элеваторонь неень шкань комплексэсь важоди кода автомобильной, истя ЖД-транспортонь автоотгрузканть лувсо.
Кода мерсь Андрей Тикшайкин, Элеваторонть юрсо, сюронь ванстомань комплекстнэде башка, ули 10 тёжат тоннас производственной корпус, конась теезель сехте васенцекс эштё 1914 иестэ. Те корпуссонть важодемась те шкас ветяви лия лувсо, тосо седе ламо роботамс савкшны кедьвийсэ.
– Минек ды шабра регионтнэсэ сюротнень урядамось ушодови июльстэ ды моли октябрянть прядовомс – нуить кукурузанть ды рапсонть. Те шкастонть ветявияк минек седе покш важодемась. Приматано сюронть ды ушодтано весе тевтнень ветямо мартонок важодиця предприятиятнень яволявтомаст коряс. Важодтяно истят прявт экспортёртнэнь марто, кода «Деметра Трейдинг» предприятиясь, «КиПиАй» агрохолдингесь, «САН ИнБев» АО-сь ды лиятне. Важодтяно аволь ансяк Мордовиянь товаропроизводительтнень, истя жо Равчирень покш предприятиятнень марто, – корты Андрей Тикшайкин.
– Сынь ускить миненек сюронть, седе ламотне пиянь пидеманть туртов шужонть, минь жо сонзэ тейтяно ГОСТ-нь (эли лия вешематнень) коряс. Эряви меремс, ГОСТ-нь вешематнеде башка, эрьва товаропроизводителенть улить эсензэ кемекстамонзо.
Саранскоень элеваторось важоди ламот регионтнэнь марто. Тевесь сеньсэ, технологиятне виевгавтовить, сюронь урожайтне эрьва ие касыть, истят элеваторт жо улить аволь весе регионтнэсэ. Ванстомс жо сюронть косояк эряви.
Кода уш ёвтынек икеле, течинь чинтень предприятиясонть важодить 50 ломанть. Эрьвась эйстэст – эсь тевень алкуксонь специалист. Ды эрьва специалистэнть предприятиясь тризе-кастызе сонсь.
– Штобу кастомс эсь тевень содыця, вадря специалистэнть, эряви колмо-вете иеде аволь седе аламо, – тешксты Андрей Викторович. – Вана минек диспетчертнэ. Вадря диспетчерэсь, конась Элеваторонть важодеманзо содасы педе-пев, те кавто иеде аволь седе аламо шкань перть виев тонавтнема. Ды бути, мертяно, сон Саранскоень элеваторсто туи Ковылкинань элеваторс, тосо весе системась лия, тонавтнемс эряви одс.
Бути жо кортамс од специалисттнэнь эрявиксчиде, а мезть сёпомс, од ломанть миненек эрявить. Эрявить электрикть, силосникть, транспортировщикть, лаборантт, конатне бажить роботамо.
Зярдо 2007 иестэ мон ды ламот минек важодицятне тей сынек, ульнинек одт, бажинек тонавтнемс, весементень чарькодемс. Самай сестэ нолдасть од объектэнть, ды минь бажинек седе ламо содамс те тевденть. Важодемеяк кармавтсь самай ламонь содамось. Тесэ важодемань иетнень перть мон подъёмниксэяк роботынь, лабораториясояк, цехсэяк виень варчнинь. Ушодынь сехте алдо, ютыя весементь. Ды 2014 иенть самс, зярдо аравтымизь прявтонь полавтыцякс, аламонь-аламонь тонавтния эрьва тевенть. Штобу важодемасо эстень кевкстнемат зярдояк авольть уле.
Эряви ёвтамс, Андрей Тикшайкин чачсь-кассь Отяжеле ёнксонь Ламбаське велесэ. Школадо мейле прядызе Н. П. Огарёв лемсэ МГУ-нь Аграрной институтонть. Ды институтонть лови профессиянтень эсь васенце тонавтыцякс. Самай тосо путозель ушодксось, максозельть эрявикс содамочитне. Ды важодемасо неть содамочитне пек лездыть.
МЕХАНИКЕНЬ ПРОФЕССИЯСЬ
КАРМАСЬ ЭРЯМОНЬ ТЕВЕКС
Эсь тевень содыця специалисттнэнь ютксо предприятиясонть ловови Михаил Иванович ШУЛГИН. Саранскоень элеваторсо прявт механикекс важоди 2013 иестэ саезь.
Цёрась чачсь Отяжелень райононь Таразбуесэ. Школадо мейле прядызе Н. П. Огарёв лемсэ МГУ-нь Механикань ды энергетикань институтонть «инженер энергообеспечения предприятий» специальностенть коряс. Эсь важодема кинзэ ушодызе энергетикань ёнкссонть – «Система жизнеобеспечения «Коммунальные ресурсы» ООО-нь филиалсонть. Мейле ульнесь республикань ЖКХ-нь министерствасо отделэнь прявтокс, аволь кувать топавтсь предприятиятнень энергоаудитэнь тевтнень. Ансяк цёрантень весе неть специальносттне ульнесть аволь мелень коряс. Зярдо жо ушодсь роботамо Элеваторсо, кода-бути сеске весемесь арась тарказонзо ды механикень профессиясь кармась эрямонь тевекс.
– Монь роботасонть прявтокс ашти весе оборудованиянть свалшкане ды вадрясто важодевтемась, – корты Михаил Шулгин. – Весе транспортной, костямонь, ванськавтомань оборудованиясь монь вановт ало.
Сюронь саемантень анокстамось, примамонть топавтомась, неть тевтнень прядомадо мейле оборудованиянь витнемась ды ламо лия мезесь. Весемесь прявт механикенть лангсо. Ды те тевсэнть Михаил Шулгин уш малав кемень иеть. Теке шкастонть 2017 иестэ саезь цёрась эштё топавты Элеваторонь производственной корпусонь прявтонь тевенть.
– Предприятияв сынь ялгань марто кортамодо мейле, сон мерсь, келя, тов эряви механик. Сынь ды кадовинь. Механикень профессиясь, весе варчазтнестэ, кармась тень малавикс. Сон монь коряс, – кемекстызе Михаил Шулгин.
Юлия Еремина