Оренбург ёнксонь Бугурусланонь райононь больницянь прявт врачось Дмитрий Анатольевич ТАГАНОВ:
– Энялдан, аштеде кудованк!
Шлядо кеденк, тонгонеде сурварьгат, путнеде маскат. Лавкав якадо маскасо ды сурварьгасо. Ды мезесь пек эряви – кайседе масканть видестэ: каямсто саеде пиле кундамкадо ды сынст вельде велявтынк ингельде, паролксось кадовозо потс, сурварьгатне каявить сеерьксэнть потмо ёндо кундазь ды масканть ладсо каявить паролксонь кекшезь. Неть кедьёнкстнэнь эрявить утилизировамс.
ТЕ ИНФЕКЦИЯНТЬ ЭЙСТЭ ПРЯНТЬ ВАНСТОМГА ЭРЯВИ ТОПАВТОМС ЗЯРЫЯ ВЕШЕМАТ:
Кеденк свал улест ванькст – сеедьстэ шлядо эйсэст сапонь марто ведьсэ 20 секундань перть, теде мейле нардтнинк сынст конёвонь нардамосо. Мартонк свал улест антисептикень салфеткат эли спирт марто човорявкст (гель, спрей ды истя седе тов). Сынст вельде кедтне свал кармить ванькст.Рудазов кедьсэ илядо токше сельметнень, судонть ды кургонть. Вирустнэ, истя жо коронавирусоськак, шождасто понгить рунгонтень самай неть таркатнева.Ламо ломанень пурнавома таркатнесэ кандтнеде медицинской маска. Илядо стувтне, сонзэ эряви полавтнемс кавто-колмо часонь ютазь.Седе сеедьстэ нардтнеде кенкшень кундамотнень, столенть, компьютерэнь клавиатуранть, мобильной телефононть дезинфекциянь средстватнесэ.Кандтнеде мартонк конёвонь салфеткат. Козомсто ды кешнямсто пекстынк эйсэст судонк ды кургонк. Теде мейле сынст эряви сеске ёртомс.Илядо ярса (пештть, чипсат, печеният ды истя седе тов) вейсэнь вакансто эли упаковкасто, бути лия ломантне ёвкстакшнызь тов эсест сурост.Панжтнеде вальматнень, нолдадо нупалентень ванькс кошт. Сеедьстэ шлядо нупальтнень начко нуласо.Ушосо содавиксэнк неемстэ илядо шумбракстне кедте-кедьс.Вадрясто шлядо сеть ярсамопельтнень, конатнень раминк лавкасто. Эмежтнень ды фруктатнень эряви шлямс ведьсэ, упаковкасо рамавкстнэнь – сапонь марто ведьсэ эли антибактериальной салфеткасо.АШТЕДЕ КУДОСО
Весе масторонть келес инфекциянть седе тов а нолдамось ламодо ашти минек эйстэ. Мезеяк стакась арась – эряви топавтомс самоизоляциянь режименть. Те лезды аволь ансяк ванстомс шумбрачинть, истя жо лоткавтомс вирусонть.
Аштеде кудосо. Лисемс ушов мереви покш тувталонь коряс: молемс маласо аштиця лавкав эли аптекав, ёртомс шукшонть эли ливтемс ушов кудонь ракшанть.
Малавикстнэнь, ялгатнень ды содавикстнэнь марто кортадо телефононь пачк.
Бути тенк эряви ковгак ардомс, сыргадо эсенк машинасо эли тердеде такси.
Бути беряньстэ марятадо эсь прянк, илядо карма тынсь лецямо, сеске тердеде врач.
ЛЕЗДАДО СЫРЕТНЕНЕНЬ
Те ормась педи кода одтнэнень, истя жо сыретненень, ды орманть стакачись ашти ломаненть шумбрачинзэ эйстэ. Пек стакасто сонзэ печтить 65 иесэ седе сыретне.
Тетянк-аванк, покштянк-бабанк туртов тынсь рамадо ярсамопельть ды лекарстват эли кучинк пачтямонь службатнень вельде. Свал кирдеде сюлмо малавикстнэнь марто, кевкстнеде шумбрачидест.
Бути шабрасонк эрить сыре ломанть, лездадо тенст шукшонь ёртомс эли ливтинк ушов кудонь ракшаст. Бути тынк арась возможностенк лездамс сыре ломантненень, ёвтнеде эйстэст волонтёртнэнень, сынст марто мереви сюлмавомс ОНФ-нь ды #мывместе вейсэнь лездамонь акциянть сайттнэсэ.
Коронавирусонь инфекциянть седе тов а нолдамось – минек вейсэнь тевенек. Ды сон изняви, бути эрьвась эйстэнек карми топавтомо неть вешематнень.
Материалось теезь https://стопкоронавирус.рф/ сайтэнть лангс нежедезь