Те иень Печатень кенярксчистэнть кавто покш чить тешкстась Отяжелень «Вперед» райгазетань коллективесь. Профессиянь кенярксчись савсь газетань 90 иетнень топодемантень.
Кода пачтясь «Вперед» газетань прявт редакторось Раиса Васильевна КУЗНЕЦОВА: «90 иеде икеле те чистэнть лиссь «Трактор» районной газетань васенце номерэсь, конась путсь ушодкс лиятнень ёнов а молиця, виев ды валдо сонзэ эрямонтень. Те шканть перть эйсэнзэ тейсть сядот ломанть: редакторт, корреспондентт, ответственной секретарть, фотокорт, печатникть… Течи сонзэ коллективсэнть – кавксо ломанть, вишкине ды, теке шкасто, покш ояксчисэ важодиця команда, конась эри эсензэ тевсэ, тиринь газетасо. Вейксэньгемень иетнень перть аволь шожда ки ютась районной газетась. Те шкастонть мастор лангсо ютасть ламо событият, сехте покштнеде сёрмадсь минек изданиясь.
Историянь весе полавтоматнень лангс апак вано, районкась свал бажась невтемс эсь лопатнесэ эрямонть истямокс, кодамо сон ульнесь. Ды а свал ульнесь шожда важодемс сёрмадейтненень. Минь бажинек ды бажатано ванстомс печатной валонть ды теке шкасто молемс шканть марто вейсэ. Минек ули эсенек сайтэнек, улить группанок социальной сеттнесэ. Весе те лезды куроксто содамс кулятнеде ды ловномс райононь эрицятнень изнявкстнэде, кить эрить тиринь Отяжеледенть ве ёно».
Кода мерсь Раиса Васильевна, газетань юбилеесь – те аволь ансяк журналистэнь кенярксчи, истя жо ловныцятненьгак. «Минь свал бажинек эрямс ловныцятнень мелявкстнэсэ, нолдамс седеень пачк весе сынст стакачист, кемемаст. Минь аштетяно покш мельспаросо газетань ловныцянок коряс. Ёвтатано покштояк покш сюкпря газетантень мелень явоманть кисэ. Улить истяткак, кить газетанть ловныть комсь, колоньгемень, ниленьгемень иеть. Сынь минек лездыцянок, превс путыцянок, сёрмадстомань шкасто васенце идицянок».
Вана те иень профессиянь кенярксчись эштё весть кемевтизе, кодамо виев ды эсь тевень парсте содыця коллектив важоди «Вперед» райгазетасонть. Нать, а стяко «За личный вклад в развитие Республики Мордовия» МР-нь Прявтонь Почетонь Знаксо казезь газетань прявт редакторось Раиса Кузнецова, «Заслуженный работник СМИ Республики Мордовия» почетонь лемесь максозь те изданиянь фотокорреспондентэнтень Сергей Чиженковнень.
Неень шкань пандемиянь стакачитнень лангс апак вано, те коллективенть ванстовсть экономикань паро невтевкстнэ. Ютазь иенть, кода свал, прядызь долктомо.
Эрьва иестэ невтить ёрокчист зярыя социально значимой проекттнэсэ. Кавксть лиснесть изницякс РФ-нь Президентэнь грантонь саемасо: «Культура» ды «Музей» проекттнэсэ. Васенценть вельде рамазельть культурасо важодицятнень туртов мазый оршамопельть. Омбоцесь лездась музейсэ уликс оборудованиянть одкстомтомс.
Республикань райгазетатнень ютксто васенцекс ютасть од лувсо (альтернативной) подписканть тееме. Сынст тиражост малав 3 тёжат экземплярт, вейке тёжанть редакциянь коллективесь эсензэ вийсэ, аволь почтанть вельде, пачти ловныцятнень туртов.
Текенень поладса, те газетань коллективесь аволь ансяк эсь ютковаст покш ояксчисэ эри, сон свал мельспаросо васты сыненст сыця инжетнень. Кодамо шкасто бу аволь саво тенст совамс, невтемакс, зярдо пурныть материалт номерс эли капшить молемс интервьюнь саеме, ялатеке явить тенек мель, ков сатыть виест, лездыть сынст ёнкссо эрявикс ломанень муемс. Те шкас эзь стувтово вейке семиясь, косо стакасто сэредсть весе эйкакштне ды учость лезкс властень кирдийтнень ёндо. Райгазетань лопатнесэ сынст ланга аволь весть сёрмадсть, ансяк те ульнесь а сатышка, шумбрачист витемс надобиятне пек питнеельть. Весть кода-бути позда сёксня командировкасо улемстэ прявт редакторось Раиса Васильевна кевкстимим: «Ули мелеть сёрмадомс нусманя темас? Вана теть адрес, косо эрить стакасто сэредиця эйкакшт...»
Алкукскак, материалось лиссь седейс токицякс, лезксэнь вешицякс.
Те шкас эзть стувтово кудазораванть сельведень пачк сёрмадовксонть кисэ сюкпрянь валонзо ёвтамотне…
Эдь минек, сёрмадейтнень, тевесь – аволь ансяк шнамонь статьятнень сёрмадомась ды изнявкстнэде ловныцятненень пачтямось, улемс тосояк, кинень пек стака, кить пельденек учить лезкс.
Пек паро, «Вперед» райгазетань коллективесь аволь ансяк сонсь кепеди талновтыця эрьва кодат темат, лиятнененьгак сындест ёвтни. Эдь ансяк ёрокчитнень вейсэндязь, изнявить стакачитне, максови лезкс апак учонь кажос понгозтненень, сёрмадовить мельстуиця публикацият, конат паролгавтыть ёжомарямонть, максыть вийть эскельдямс икелев ды бажамс тёкштнес.
Евгения МАРКОВА, библиотекарь:
– Важодян библиотекасо, монень сеедьстэ савкшны ванкшномс ташто газетань подшивкатнень. «Вперед» газетась умок уш кармась ялгакс ды лездыцякс Отяжелень райононь семиятненень. Газетань лопатнесэ неяви минек ёнксонь тёжат ломантнень эрямост – эрьва кодамо профессиянь ломантнень. Тынк ули эсенк, содавикс ды мазый чачонк, ули эсенк сёрмадомань кеме лувонк, кемекстазь обуцянк.
Тынк изданиясь – живой, лезэнь кандыця, куроксто весементь неиця ды эрьва ёндо педе-пев Отяжелень райононь эрямонть невтиця.
Кадык эрьва чинь тевенк карми улеме свал эрявиксэкс ды сонензэ путови алкуксонь питне.
Газетань весе важодицятненень шумбрачи, уцяска, паро ёжомарямо, арсеманк топавтома, седейшкавань важодевкст, виев ёрокчи ды ламо од ловныцят! Свал эскелядо икелев!
«Вперед» газетань эрьва номерэнть пек учан, монь ули мелем содамс, мезе тееви районсонть, сехте пек мелезэнь тукшны, кода журналисттнэ сёрмадыть велень тружениктнеде, икелень ды неень шкань прявттнэде. Шождасто ловновить райононь историядонть материалтнэ. Варштавксом коряс, меельце шкастонть полавтовсь материалтнэнь максома лувось – сынь кармасть седе малавикст ловныцятненень, сёрмадозь чарькодевиця кельсэ. Мелезэнек тукшны, кода газетасонть ладсевить публикациятне ды фототне. Арсян вечкевикс изданиянь журналисттнэнень важодемасо од изнявкст, ловныцятненень жо, кадовомс кемевикс оякс газетантень.
«Эрзянь правда» газетань коллективесь ёвты седейшкавань поздоровт «Вперед» газетань теицятненень ды сынст ветерантнэнень.
Весе неень шкань ды икелень тосо важодицятне улест шумбрат, кадык эрьванть семиясо карми улеме вечкема ды чарькодема, кадык эрьва публикациясь нолдави седеень пачк ды канды лезэ сенень, кинь ланга сёрмадтадо, кадык сонзэ паро тевдензэ кармить содамо аволь ансяк Отяжелень районсо, истя жо республикань ды масторонь келес!
Юбилей марто, ялгат!
Валентина ЮДИНА
Историянь весе полавтоматнень лангс апак вано, районкась свал бажась невтемс эсь лопатнесэ эрямонть истямокс, кодамо сон ульнесь. Ды а свал ульнесь шожда важодемс сёрмадейтненень. Минь бажинек ды бажатано ванстомс печатной валонть ды теке шкасто молемс шканть марто вейсэ. Минек ули эсенек сайтэнек, улить группанок социальной сеттнесэ. Весе те лезды куроксто содамс кулятнеде ды ловномс райононь эрицятнень изнявкстнэде, кить эрить тиринь Отяжеледенть ве ёно».
Кода мерсь Раиса Васильевна, газетань юбилеесь – те аволь ансяк журналистэнь кенярксчи, истя жо ловныцятненьгак. «Минь свал бажинек эрямс ловныцятнень мелявкстнэсэ, нолдамс седеень пачк весе сынст стакачист, кемемаст. Минь аштетяно покш мельспаросо газетань ловныцянок коряс. Ёвтатано покштояк покш сюкпря газетантень мелень явоманть кисэ. Улить истяткак, кить газетанть ловныть комсь, колоньгемень, ниленьгемень иеть. Сынь минек лездыцянок, превс путыцянок, сёрмадстомань шкасто васенце идицянок».
Вана те иень профессиянь кенярксчись эштё весть кемевтизе, кодамо виев ды эсь тевень парсте содыця коллектив важоди «Вперед» райгазетасонть. Нать, а стяко «За личный вклад в развитие Республики Мордовия» МР-нь Прявтонь Почетонь Знаксо казезь газетань прявт редакторось Раиса Кузнецова, «Заслуженный работник СМИ Республики Мордовия» почетонь лемесь максозь те изданиянь фотокорреспондентэнтень Сергей Чиженковнень.
Неень шкань пандемиянь стакачитнень лангс апак вано, те коллективенть ванстовсть экономикань паро невтевкстнэ. Ютазь иенть, кода свал, прядызь долктомо.
Эрьва иестэ невтить ёрокчист зярыя социально значимой проекттнэсэ. Кавксть лиснесть изницякс РФ-нь Президентэнь грантонь саемасо: «Культура» ды «Музей» проекттнэсэ. Васенценть вельде рамазельть культурасо важодицятнень туртов мазый оршамопельть. Омбоцесь лездась музейсэ уликс оборудованиянть одкстомтомс.
Республикань райгазетатнень ютксто васенцекс ютасть од лувсо (альтернативной) подписканть тееме. Сынст тиражост малав 3 тёжат экземплярт, вейке тёжанть редакциянь коллективесь эсензэ вийсэ, аволь почтанть вельде, пачти ловныцятнень туртов.
Текенень поладса, те газетань коллективесь аволь ансяк эсь ютковаст покш ояксчисэ эри, сон свал мельспаросо васты сыненст сыця инжетнень. Кодамо шкасто бу аволь саво тенст совамс, невтемакс, зярдо пурныть материалт номерс эли капшить молемс интервьюнь саеме, ялатеке явить тенек мель, ков сатыть виест, лездыть сынст ёнкссо эрявикс ломанень муемс. Те шкас эзь стувтово вейке семиясь, косо стакасто сэредсть весе эйкакштне ды учость лезкс властень кирдийтнень ёндо. Райгазетань лопатнесэ сынст ланга аволь весть сёрмадсть, ансяк те ульнесь а сатышка, шумбрачист витемс надобиятне пек питнеельть. Весть кода-бути позда сёксня командировкасо улемстэ прявт редакторось Раиса Васильевна кевкстимим: «Ули мелеть сёрмадомс нусманя темас? Вана теть адрес, косо эрить стакасто сэредиця эйкакшт...»
Алкукскак, материалось лиссь седейс токицякс, лезксэнь вешицякс.
Те шкас эзть стувтово кудазораванть сельведень пачк сёрмадовксонть кисэ сюкпрянь валонзо ёвтамотне…
Эдь минек, сёрмадейтнень, тевесь – аволь ансяк шнамонь статьятнень сёрмадомась ды изнявкстнэде ловныцятненень пачтямось, улемс тосояк, кинень пек стака, кить пельденек учить лезкс.
Пек паро, «Вперед» райгазетань коллективесь аволь ансяк сонсь кепеди талновтыця эрьва кодат темат, лиятнененьгак сындест ёвтни. Эдь ансяк ёрокчитнень вейсэндязь, изнявить стакачитне, максови лезкс апак учонь кажос понгозтненень, сёрмадовить мельстуиця публикацият, конат паролгавтыть ёжомарямонть, максыть вийть эскельдямс икелев ды бажамс тёкштнес.
Евгения МАРКОВА, библиотекарь:
– Важодян библиотекасо, монень сеедьстэ савкшны ванкшномс ташто газетань подшивкатнень. «Вперед» газетась умок уш кармась ялгакс ды лездыцякс Отяжелень райононь семиятненень. Газетань лопатнесэ неяви минек ёнксонь тёжат ломантнень эрямост – эрьва кодамо профессиянь ломантнень. Тынк ули эсенк, содавикс ды мазый чачонк, ули эсенк сёрмадомань кеме лувонк, кемекстазь обуцянк.
Тынк изданиясь – живой, лезэнь кандыця, куроксто весементь неиця ды эрьва ёндо педе-пев Отяжелень райононь эрямонть невтиця.
Кадык эрьва чинь тевенк карми улеме свал эрявиксэкс ды сонензэ путови алкуксонь питне.
Газетань весе важодицятненень шумбрачи, уцяска, паро ёжомарямо, арсеманк топавтома, седейшкавань важодевкст, виев ёрокчи ды ламо од ловныцят! Свал эскелядо икелев!
«Вперед» газетань эрьва номерэнть пек учан, монь ули мелем содамс, мезе тееви районсонть, сехте пек мелезэнь тукшны, кода журналисттнэ сёрмадыть велень тружениктнеде, икелень ды неень шкань прявттнэде. Шождасто ловновить райононь историядонть материалтнэ. Варштавксом коряс, меельце шкастонть полавтовсь материалтнэнь максома лувось – сынь кармасть седе малавикст ловныцятненень, сёрмадозь чарькодевиця кельсэ. Мелезэнек тукшны, кода газетасонть ладсевить публикациятне ды фототне. Арсян вечкевикс изданиянь журналисттнэнень важодемасо од изнявкст, ловныцятненень жо, кадовомс кемевикс оякс газетантень.
«Эрзянь правда» газетань коллективесь ёвты седейшкавань поздоровт «Вперед» газетань теицятненень ды сынст ветерантнэнень.
Весе неень шкань ды икелень тосо важодицятне улест шумбрат, кадык эрьванть семиясо карми улеме вечкема ды чарькодема, кадык эрьва публикациясь нолдави седеень пачк ды канды лезэ сенень, кинь ланга сёрмадтадо, кадык сонзэ паро тевдензэ кармить содамо аволь ансяк Отяжелень районсо, истя жо республикань ды масторонь келес!
Юбилей марто, ялгат!
Валентина ЮДИНА