СВО-нь ветеранттнэнень минек республикасо максови лезкс эрьва кодамо кевкстемань коряс. Истя, СВО-нь ветеранось Михаил Митрофанов саевсь роботамо МР-ва УФСИН-нь 1-це СИЗО-в конвоень группань младшей инструкторокс.
Михаил Митрофанов спецоперациянь участникекс ульнесь 2022 иень февральстэ саезь. Сон сермадстокшнось контракт. Ульнесь противовоздушной оборонань войскатнень отделениянь командирэкс. Харьков ошонть маласо тюрематнесэ эсь боевой ялгатнень идеманть кисэ сержантось Митрофанов казезь Суворовонь медальсэ.
Течи ветеранось «Защитники Отечества» фондонть лезксэнзэ вельде ютавты «Мужествань урокт» школатнесэ, прими участия патриотической мероприятиятнесэ. Фондось лездась церантень прядомс «Синергия» университетэнь юридической факультетэнть. Истя жо фондонть лезксэнзэ вельде Михаил сермадстсь соцконтракт, конань коряс эрьва ковсто карми получамо пандома эсь зарплатантень (эрямонь минимумонть покшолмасо).