Июнень 1-це чистэ саезь сентябрянь 1-це чис тонавтыцятнень ды тонавтницятнень туртов важодить «Лето знаний» питневтеме онлайн-курсат, конатне панжозь educont.ru сайтсэнть.

Те спецпроектэнтень пурназь ламо мельстуиця ды содамочинь келейгавтыця цифровой материалт. Эйзэст совить тонавтыця 450 курсат, истя жо тозонь совить интерактивной налксемань элементтнэ.

Васенце ковстонть уш курсатнес вейсэндявсть 209 262 школасо тонавтницят ды 1619 тонавтыцят. Сехте мельстуиця разделэкс кармасть программированиясь, рузонь келесь, астрономиясь ды олимпиадань заданиятнень вейспурнавксось.

«Мельспаро, программированиянтень явить покш мель школьниктне, ды сынь анокт тонавтнемс сонзэ кизнаяк, – мерсь «Тавла» образованиянь центрань информатикань тонавтыцясь Владимир Сироткин. – Монськак юткошкасто совсян «Лето знаний» онлайн-курсатнес. Спецпроектэсь пурнась ламо информация, конась истя жо лезэнь кандыця тонавтыцятнень туртовгак».