«Сельхозтехника» ООО-сь – Ицялонь районсо ды целанек республикасонть велень хозяйствань прявт предприятиятнестэ вейкесь. Сон важоди велень хозяйствань продукциянь анокстамонь ёнкссонть – тесэ кастыть товзюро, ламбамо якстерькай, пиянь пидеманть туртов шуж, трить ракшат. Хозяйстванть кавто отделениянзо, конатне важодить теке райононь Резоватова ды Ламбаське велетнесэ.
Истя жо предприятиясь ловови икеле молицякс велень хозяйстватнень туртов эрявикс техниканть витнемасо – трактортнэнь, сюронь, тикшень ды ламбамо якстерькаень урядамонь комбайнатнень, автомашинатнень ды сокамонь-видемань роботатнесэ тевс нолдавиця агрегаттнэнь. Ули тесэ сталмотнень-мезтнень усксеманть туртов техникаяк, конась важоди аволь ансяк эсь тевтнесэ, максови арендаскак.
Неень шкасто «Сельхозтехника» ООО-со важодить 70 ломанть. Эрьвась эйстэст эсь тевсэ алкуксонь профессионал. Ламот тесэ важодемантень макссть аволь вейке кементь иеть, аволь аламо истяткак, конат велень хозяйствань ёнксонть ансяк тонавтнить ды покш мельсэ саить превс умонь роботыцятнень кармавтомаст.
Хозяйстванть прявтсо вана уш 40-де ламо иеть ашти превей, эсь тевень содыця ломанесь, содавикс аграрникесь, эрзянь цёрась Фёдор Борисович Корнаухов. Сон теи весементь предприятиянть ванстомга ды велень эрицятненень важодема таркань максомга.
Неть читнестэ ульнинек инжекс Ицялонь районсо, содавтынек «Сельхозтехника» ООО-нтькак. Зяроксть савсь тесэ улемс, ялатеке свал диван – предприятиянть перька истямо ваньксчи, аволь эрьванть кудо вакссо истя, весемесь таркасонзо. Сеске чарькодеви, тесэ ули алкуксонь азор, конась эсь предприятиянть парсте важодемга теи вадря условият роботниктнень туртов.
Самай неть лувтне ды вадря зарплатась тердитькак тей од ломантнень. Кода ёвтнесь Фёдор Борисович, неень шкасто предприятиясонть важодить ламо од специалистт, конатне вадрясто содасызь эсь тевест.
– Минь алкукс а мелявтано вадря специалисттнэнь а сатноманть коряс. Меельце иетнестэ предприятияв важодеме састь аволь аламо од ломанть, конатне маштыть важодеме ды сынст лангс ули кемема, – ёвтни Фёдор Борисович. – Велень хозяйстванть туртов вадря специалисттнэнь анокстамосо пек лезды эсенек райононь Кемлянь аграрной колледжесь. Сонзэ марто минь кирдтяно кеме сюлмот ды вадря тонавтницятненень предприятиянть пельде пандови стипендия. Неень шкасто минек хозяйствасо важодить зярыя истят стипендиатт.
Фёдор Борисович тешкстызе, неень шкань од ломантне превейть ды ламос чарькодицят, сынь пек куроксто муить кель-вал од техниканть марто, вадрясто содасызь важодемань технологиятнень. Ды велень хозяйствав важодеме самс тенст эряви овсе аволь ламо – эряви кепедстемс сынст мелест.
– Бути эсь важодицятненень пандат паро зарплата, кунсолат сынст мельтнень-арсематнень, сынь а туить кодамояк ошов ды кармить важодеме велесэ. Ды васняяк, те эряви миненек, веленть туртов. Эдь од ломантне – минек вандынь чинек, – корты Фёдор Корнаухов.
«Сельхозтехника» ООО-со од ломанть важодить мастерскойтнесэяк, хозяйствань отделениятнесэяк. Сынст ютксо водительть, механизаторт, слесарть, мастерт, токарть, сварщикть ды седе тов. Од специалисттнэстэ вейкесь – Александр Сергеевич Вечканов. Велень хозяйствань ёнксонть цёрась кочкизе эштё вишкинестэ – свал вечкиль озямо техника марто. Чачсь-кассь сон Ицялонь райононь Протасова велесэ. Тетязо, Сергей Васильевич, ульнесь механизаторокс, роботась тракторсо ды те техниканть уш вишкинестэ парсте содылизь Александр ды Алексей цёранзояк. Секскак школанть прядомадо мейле профессиянть кочкамга кодаткак кавтолдомат арасельть. Александр Вечканов мольсь тонавтнеме Кемлянь аграрной колледжев. Тонавтнесь вадрясто ды весе шканть перть ульнесь «Сельхозтехника» ООО-нь стипендиатокс. Тонавтнеманть шкасто практикантькак ютась те предприятиясонть. Сестэ уш эсензэ туртов кемекстызе, велень хозяйстванть ды предприятиянть марто сюлмасы эрямонзо.
– Колледженть прядозь, важодема таркань коряс эзинь мелявто, сынь «Сельхозтехникав» ды вана уш ниле иеть роботан. Важодемась мелезэнь тукшны. Пек паро коллективесь, вадря прявтонок. Фёдор Борисович алкукс мелявты эрьва важодицянть кисэ. Лезды куш кодамо кевкстемань коряс, – корты Александр Вечканов.
Александр важоди погрузчиксэ. Техникась од, ёроков. Цёранть тевезэ – сюронть машинань кузовас эли складов пештемась-пачтямось, сонзэ човорямось. Кода мерсь Фёдор Борисович, истямо техникавтомо неень шкасто ковгак, ды Александр Вечканов сонзэ эйсэ важоди, кода рузокс мерить, виртуозна.
Теке марто, сёксня од цёрась озакшны ламбамо якстерькаень урядамонь комбайнань руль экшс. Техникась истя жо од, виев. Важодемантень сонзэ уш анокстызь, течи-ванды лисить паксяв.
Эряви ёвтамс, теке предприятиясонть важоди Александр Вечкановонь лелязо – Алексей. Сась тей ялаксонзо мельга. Роботы водителекс МАЗ-автомашинасонть. Тевензэ истя жо топавты парсте, ули мезень кисэ шнамс.
Предприятиянь од специалисттнэнь ютксо водителесь Дмитрий Сергеевич Соколов. Эсь машинасонзо седе сеедьстэ тензэ савкшны роботамс КЗС-нть перька – костязь сюронть пачтямс утомов.
– Машинась пек вадря, эштё овсе од, виензэ сатышкат. Мартонзо мелявкст а лиснить. Те пек паро, шкась а таргсеви, – тешксты цёрась. – Видема шкастояк, сюронть урядамстояк роботамс эряви седе эрязасто. Эдь бути шкастонзо тевенть тейсак, невтевкстнэяк вадрят кармить. Велень хозяйствасо те покш тев.
Дмитрий Соколов предприятиясонть роботы уш зярыя иеть. Тей сась истя жо Кемлянь аграрной колледженть прядомадо мейле. Тосо тонавтнесь механикень тевентень, водителень содамочитненьгак пурнынзе ды макссть тензэ прават.
– Тетям, Сергей Александрович, весе эрямонзо перть водителекс роботась ды кодамояк лия тевсэ монгак эсь прям эзинь нее. Техниканть вечкеме карминь пек умок. Эште вишкинестэ тетянь марто роботамо таркав яла свал прям саевтелия, вант, руль экшскак озавттадызь, техниканть витнемстэ лездамскак мерить. Истя трактортнэнь-машинатнень потмост тонавтнинь – двигателенть-мезенть роботамонзо. Ней те тевенть парсте содаса, – тешксты Дмитрий Соколов.
Эряви меремс, цёранть тетязо, Сергей Александрович, истя жо зярсыя роботась «Сельхозтехника» ООО-со. Ды теке кинть кочкизь цёранзояк. Лелят-ялакст, Дмитрий ды Максим Соколовтне, алкуксонь специалистт ды предприятиянть неже.
– Неть од ломантнень лангс ули кемема. Сынь а стяко эсь эрямонть сюлмизь велень хозяйстванть марто – сынь чарькодиця ды эсь тевень содыця вадря специалистт. Важодеманть топавтыть, кода эряви. Алкуксонь трудий ломанть. Самай истяттнэ эрявитькак минек велень хозяйстванть туртов, – кемекстызе Фёдор Корнаухов.
Юлия Еремина
ФототнеЭдуард РЕТУНСКИЕНЬ
Неень шкасто «Сельхозтехника» ООО-со важодить 70 ломанть. Эрьвась эйстэст эсь тевсэ алкуксонь профессионал. Ламот тесэ важодемантень макссть аволь вейке кементь иеть, аволь аламо истяткак, конат велень хозяйствань ёнксонть ансяк тонавтнить ды покш мельсэ саить превс умонь роботыцятнень кармавтомаст.
Хозяйстванть прявтсо вана уш 40-де ламо иеть ашти превей, эсь тевень содыця ломанесь, содавикс аграрникесь, эрзянь цёрась Фёдор Борисович Корнаухов. Сон теи весементь предприятиянть ванстомга ды велень эрицятненень важодема таркань максомга.
Неть читнестэ ульнинек инжекс Ицялонь районсо, содавтынек «Сельхозтехника» ООО-нтькак. Зяроксть савсь тесэ улемс, ялатеке свал диван – предприятиянть перька истямо ваньксчи, аволь эрьванть кудо вакссо истя, весемесь таркасонзо. Сеске чарькодеви, тесэ ули алкуксонь азор, конась эсь предприятиянть парсте важодемга теи вадря условият роботниктнень туртов.
Самай неть лувтне ды вадря зарплатась тердитькак тей од ломантнень. Кода ёвтнесь Фёдор Борисович, неень шкасто предприятиясонть важодить ламо од специалистт, конатне вадрясто содасызь эсь тевест.
– Минь алкукс а мелявтано вадря специалисттнэнь а сатноманть коряс. Меельце иетнестэ предприятияв важодеме састь аволь аламо од ломанть, конатне маштыть важодеме ды сынст лангс ули кемема, – ёвтни Фёдор Борисович. – Велень хозяйстванть туртов вадря специалисттнэнь анокстамосо пек лезды эсенек райононь Кемлянь аграрной колледжесь. Сонзэ марто минь кирдтяно кеме сюлмот ды вадря тонавтницятненень предприятиянть пельде пандови стипендия. Неень шкасто минек хозяйствасо важодить зярыя истят стипендиатт.
Фёдор Борисович тешкстызе, неень шкань од ломантне превейть ды ламос чарькодицят, сынь пек куроксто муить кель-вал од техниканть марто, вадрясто содасызь важодемань технологиятнень. Ды велень хозяйствав важодеме самс тенст эряви овсе аволь ламо – эряви кепедстемс сынст мелест.
– Бути эсь важодицятненень пандат паро зарплата, кунсолат сынст мельтнень-арсематнень, сынь а туить кодамояк ошов ды кармить важодеме велесэ. Ды васняяк, те эряви миненек, веленть туртов. Эдь од ломантне – минек вандынь чинек, – корты Фёдор Корнаухов.
«Сельхозтехника» ООО-со од ломанть важодить мастерскойтнесэяк, хозяйствань отделениятнесэяк. Сынст ютксо водительть, механизаторт, слесарть, мастерт, токарть, сварщикть ды седе тов. Од специалисттнэстэ вейкесь – Александр Сергеевич Вечканов. Велень хозяйствань ёнксонть цёрась кочкизе эштё вишкинестэ – свал вечкиль озямо техника марто. Чачсь-кассь сон Ицялонь райононь Протасова велесэ. Тетязо, Сергей Васильевич, ульнесь механизаторокс, роботась тракторсо ды те техниканть уш вишкинестэ парсте содылизь Александр ды Алексей цёранзояк. Секскак школанть прядомадо мейле профессиянть кочкамга кодаткак кавтолдомат арасельть. Александр Вечканов мольсь тонавтнеме Кемлянь аграрной колледжев. Тонавтнесь вадрясто ды весе шканть перть ульнесь «Сельхозтехника» ООО-нь стипендиатокс. Тонавтнеманть шкасто практикантькак ютась те предприятиясонть. Сестэ уш эсензэ туртов кемекстызе, велень хозяйстванть ды предприятиянть марто сюлмасы эрямонзо.
– Колледженть прядозь, важодема таркань коряс эзинь мелявто, сынь «Сельхозтехникав» ды вана уш ниле иеть роботан. Важодемась мелезэнь тукшны. Пек паро коллективесь, вадря прявтонок. Фёдор Борисович алкукс мелявты эрьва важодицянть кисэ. Лезды куш кодамо кевкстемань коряс, – корты Александр Вечканов.
Александр важоди погрузчиксэ. Техникась од, ёроков. Цёранть тевезэ – сюронть машинань кузовас эли складов пештемась-пачтямось, сонзэ човорямось. Кода мерсь Фёдор Борисович, истямо техникавтомо неень шкасто ковгак, ды Александр Вечканов сонзэ эйсэ важоди, кода рузокс мерить, виртуозна.
Теке марто, сёксня од цёрась озакшны ламбамо якстерькаень урядамонь комбайнань руль экшс. Техникась истя жо од, виев. Важодемантень сонзэ уш анокстызь, течи-ванды лисить паксяв.
Эряви ёвтамс, теке предприятиясонть важоди Александр Вечкановонь лелязо – Алексей. Сась тей ялаксонзо мельга. Роботы водителекс МАЗ-автомашинасонть. Тевензэ истя жо топавты парсте, ули мезень кисэ шнамс.
Предприятиянь од специалисттнэнь ютксо водителесь Дмитрий Сергеевич Соколов. Эсь машинасонзо седе сеедьстэ тензэ савкшны роботамс КЗС-нть перька – костязь сюронть пачтямс утомов.
– Машинась пек вадря, эштё овсе од, виензэ сатышкат. Мартонзо мелявкст а лиснить. Те пек паро, шкась а таргсеви, – тешксты цёрась. – Видема шкастояк, сюронть урядамстояк роботамс эряви седе эрязасто. Эдь бути шкастонзо тевенть тейсак, невтевкстнэяк вадрят кармить. Велень хозяйствасо те покш тев.
Дмитрий Соколов предприятиясонть роботы уш зярыя иеть. Тей сась истя жо Кемлянь аграрной колледженть прядомадо мейле. Тосо тонавтнесь механикень тевентень, водителень содамочитненьгак пурнынзе ды макссть тензэ прават.
– Тетям, Сергей Александрович, весе эрямонзо перть водителекс роботась ды кодамояк лия тевсэ монгак эсь прям эзинь нее. Техниканть вечкеме карминь пек умок. Эште вишкинестэ тетянь марто роботамо таркав яла свал прям саевтелия, вант, руль экшскак озавттадызь, техниканть витнемстэ лездамскак мерить. Истя трактортнэнь-машинатнень потмост тонавтнинь – двигателенть-мезенть роботамонзо. Ней те тевенть парсте содаса, – тешксты Дмитрий Соколов.
Эряви меремс, цёранть тетязо, Сергей Александрович, истя жо зярсыя роботась «Сельхозтехника» ООО-со. Ды теке кинть кочкизь цёранзояк. Лелят-ялакст, Дмитрий ды Максим Соколовтне, алкуксонь специалистт ды предприятиянть неже.
– Неть од ломантнень лангс ули кемема. Сынь а стяко эсь эрямонть сюлмизь велень хозяйстванть марто – сынь чарькодиця ды эсь тевень содыця вадря специалистт. Важодеманть топавтыть, кода эряви. Алкуксонь трудий ломанть. Самай истяттнэ эрявитькак минек велень хозяйстванть туртов, – кемекстызе Фёдор Корнаухов.
Юлия Еремина
ФототнеЭдуард РЕТУНСКИЕНЬ