Суббота, сентября 26, 2020
Важное

Россиянь просвещениянь министерствась ёвтась мель ютавтомс июнень 27-це чистэ мероприятия, кона алтави 2019/20 тонавтнемань иень школань прядыцятненень. Те карми общефедеральной «Выпускной чокшне», кона вейсэндясынзе Россиянь весе регионтнэнь. Программань меельце пелькссэнть карми «Алые паруса» эрьва иень фестивалесь.


Тедеде 700 тёжат тонавтницят прядыть 11-це класс. Эйкакштнень ды педагогтнень шумбрачист ванстомга июнень 27-це чистэ малав весе вастовоматне ютыть онлайн лувсо. Очной мероприятиятне ютыть сеть регионтнэсэ, конат лиссть коронавирусонть марто сюлмавозь кардамотнеде ды кармить кирдеме Роспотребнадзоронь кармавтоматнень. Выпускной чокшненть арсеви ютавтомс ЕГЭ-тнень прядомадо мейле.

«Выпускной балось – пек паро кой, кона вейсэнди школань прядыцятнень, тетяст-аваст ды тонавтыцятнень. Паро ды лембе ёжось, кона эрси выпускнойсэ, чевте валтнэ, уцяскав минутатне – те ледстнемат, конат кармить эждямо эрямонь перть, максомо вийть. Ансяк а эряви нолдамс орманть школатнес, иляст ормалгадо эйкакштне ды тонавтыцятне. Ризнэвти, ламо ёнкстнэсэ зярс эпидемиологической тевтне аволь шождат. Школасо тонавтнемань иетнень перть минь мелявтано эйкакштнень кисэ, макстано тенст содамочить, кемекстатано ёрокчист, тонавтано арсеме, эрямо. Ды ней самай невтяно пример, кода тень теемс, эсь перьканок ваннозь, сынек мельс: тешкстамс выпускной чокшненть онлайн лувсо. Сёксня ютавтомс те кенярксчинть весе вейсэ», – пачтясь просвещениянь министрась Сергей Кравцов.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».