Ромодановань муниципальной райононь Пятина велесэ ульнинек иень сехте мазый шкасто, зярдо умарьчувтотне, лёмзёркстнэ копачазь, прок одирьват, ашо оршамопельсэ, коштось пешксе сынст тантей чинеде.
Велесь кенярдовтымизь эштё ламо лия паро ёнкссо: тесэ ванстовсть школась, эйдень кужось, культурань кудось. Покш кинть чиресэ поладови иневанькс Пантелеймон лемсэ мазый церькованть стявтомась, паксятнесэ прядовома лангсольть видемань тевтне. Паро ёжомарямосо вастымизь «ООО МАПО и К» тНВ-нь велень хозяйствань предприятиянь прявтось, Россиянь Минсельхозонь Почётной роботникесь, Мордовия Республикань велень хозяйствань заслуженной важодицясь Николай Всеволодович Ютяев. Тешкстасынек, те иень маень 22-це чистэ предприятиянтень топодсть 20 иеть. Васень читнестэ саезь сонзэ прявтокс ладязель Николай Всеволодович.
Покш семиясо – покш ояксчи
Николай Всеволодович Ютяев чачсь-кассь Отяжелень райононь Киржеманы велесэ ламо эйкакшонь триця семиясо. Тетянзо-аванзо трясть-кастсть вете эйкакшт: колмо цёрат ды кавто тейтерть. Всеволод Степанович ды Пелагея Ивановна Ютяевтне теизь весементь, штобу эйкакшост касовольть тевень вечкицякс, стакачиде а пелицякс ды ояксчисэ эрицякс. Весе ветенест эйкакштне пингень перть топавтыть сехте малавикс ломанест пельде кармавтоманть.
…Эрьва иестэ Троицянь кенярксчиденть икеле, покштятнень-бабатнень лемень ледстямонь покш чистэ, Ютяевтне пурнавкшныть тиринь кудос, конась ванстовсь Киржеманы веленть куншкакуросо. Тосо весень свал анок вастомс Людмила Всеволодовна сазорост, кие кудонть кирди ваньксчисэ ды седейшкава весень кавани тантей ярсамопельде.
Тешкстасынек, Людмила Ютяева пингень перть важодсь Отяжелень райононь администрациясо, пенсияс туемазонзо ульнесь планонь отделэнь прявтокс. Зярдо тетянзо-аванзо сыредсть ды ськамост стака кармась эрямо, сон сайсь мель мартост эрямс ды мельгаст якамс. Сынст куломадост мейле тоско кадовськак эрямо.
Эрямонзо сюлмизе веленть марто
Кода уш ледстинек, Николай Ютяевень эйкакш пингезэ ютась Киржеманы велесэ. Кавксо классонь прядомадо мейле тонавтнеманзо поладызе Чёлпановань средней школасо. Мейле саизь армияв. Тосто велявтомадо мейле тонавтнесь Н.П. Огарёв лемсэ Мордовской государственной университетсэ – велень хозяйствань факультетсэ «экономика» специальностенть коряс. Сеть шкатнестэ вузонть прядомадо мейле од ломантнень ильтясть важодеме ёвтазь таркав. Истя, од специалистэсь Николай Ютяев 1997 иес ульнесь главной экономистэкс Ромодановань райононь «Дружба» КСП-сэ, седе тов – те хозяйстванть прявтонь полавтыцякс, главной инженерэкс-механикекс, мейле таго главной экономистэкс ды шкань ютазь – те хозяйстванть прявтокс.
2001 иень маень 22-це чистэ саезь те шкас «ООО МАПО и К» ТНВ-сэ сон важоди управляющеекс.
Сехте покш сюпавчись – ломантне
Истя тенек мерсь вастовомсто те хозяйствань прявтось. Сонзэ валонзо коряс, течи велесэ эрямось эзь лепамо. Николай Ютяев марто кортамсто пек кенярдынь сынст веленть ванстоманзо коряс. А мезть сёпомс, масторонть келес секе-тев сави марямс велетнесэ школатнень, эйдень кужотнень чамомадо, сынст допрок пекстамодо. А вана Пятинасо эзть ёма эйкакшонь вайгельтне, течи улить кода эйдень кужов якицят, истя жо школасо тонавтницят. Ванстовсь педагогонь коллективеськак.
Течи «ООО МАПО и К» ТНВ-нь велень хозяйствань предприятиясонть ламо од ломанть, конат сакшныть тей важодеме аволь ансяк эсест велестэ, истя жо Саранск ошсто, маласо велетнестэ ды районтнэстэ. Весемезэ эрьва кодат специалисттнэде ниленест отделениятнесэ малав 300 ломанть. Ояксчисэ эрить ды важодить эрьва кодамо раськень ломантне, сынст ютксо: рузт, эрзят, мокшот, татарт ды лия келень содыцят.
Николай Всеволодович мельспаросо ёвтнесь сынст хозяйствасо од ломантнень важодемадост. Невтемакс, вузсо тонавтнемадо мейле тиринь моданть лангсо ушодсь важодеме Максим Коробков. А вана Алексей Ютяев бакалавриатонть прядомадо мейле магистратурасо тонавтнемстэ тевензэ хозяйствасонть эзизе кадо. Од цёрась эрьва ков кенери ды тевензэ топавты парсте.
Ледстясынек, Николай Всеволодович Вера Герасимовна нинзэ марто трясть-кастсть колмо эйкакшт. Ольга тейтерест эри ды важоди Ромодановасо, Елена тейтерест – Саранскойсэ, а Денис цёраст вузонть прядомадо мейле сась тиринь велев, тетянзо-аванзо туртов лездамо, сынст тевест поладомо. Тешкстасынек, Денис Николаевич – велень хозяйствасонть отделениянь прявт. Ютяевтнень покш кенярксост – кото нуцькаст. Ули мезень коряс улемс каштанчисэ.
Юты велень азорось келей паксятнева, ваны, кода модась сыргозсь, ацавсь пиже касовкстнэсэ, ды кенярды седеезэ. Лисни, а стяко сонзэ марто важодицятне виест путызь тиринь модантень. Карми улеме сюронь, якстерькаень, кукурузань ды лия касовксонь сюпав урожай. Кармить парсте андовомо ракшатне, карми улеме сывель ды ловсо. Самай истят азортнэнь вийсэ, кодамо Николай Всеволодович, кирдевить велетне, ванстовить ломантне ды поладови эрямось тиринь Мордовиясо!
Валентина Юдина
Покш семиясо – покш ояксчи
Николай Всеволодович Ютяев чачсь-кассь Отяжелень райононь Киржеманы велесэ ламо эйкакшонь триця семиясо. Тетянзо-аванзо трясть-кастсть вете эйкакшт: колмо цёрат ды кавто тейтерть. Всеволод Степанович ды Пелагея Ивановна Ютяевтне теизь весементь, штобу эйкакшост касовольть тевень вечкицякс, стакачиде а пелицякс ды ояксчисэ эрицякс. Весе ветенест эйкакштне пингень перть топавтыть сехте малавикс ломанест пельде кармавтоманть.
…Эрьва иестэ Троицянь кенярксчиденть икеле, покштятнень-бабатнень лемень ледстямонь покш чистэ, Ютяевтне пурнавкшныть тиринь кудос, конась ванстовсь Киржеманы веленть куншкакуросо. Тосо весень свал анок вастомс Людмила Всеволодовна сазорост, кие кудонть кирди ваньксчисэ ды седейшкава весень кавани тантей ярсамопельде.
Тешкстасынек, Людмила Ютяева пингень перть важодсь Отяжелень райононь администрациясо, пенсияс туемазонзо ульнесь планонь отделэнь прявтокс. Зярдо тетянзо-аванзо сыредсть ды ськамост стака кармась эрямо, сон сайсь мель мартост эрямс ды мельгаст якамс. Сынст куломадост мейле тоско кадовськак эрямо.
Эрямонзо сюлмизе веленть марто
Кода уш ледстинек, Николай Ютяевень эйкакш пингезэ ютась Киржеманы велесэ. Кавксо классонь прядомадо мейле тонавтнеманзо поладызе Чёлпановань средней школасо. Мейле саизь армияв. Тосто велявтомадо мейле тонавтнесь Н.П. Огарёв лемсэ Мордовской государственной университетсэ – велень хозяйствань факультетсэ «экономика» специальностенть коряс. Сеть шкатнестэ вузонть прядомадо мейле од ломантнень ильтясть важодеме ёвтазь таркав. Истя, од специалистэсь Николай Ютяев 1997 иес ульнесь главной экономистэкс Ромодановань райононь «Дружба» КСП-сэ, седе тов – те хозяйстванть прявтонь полавтыцякс, главной инженерэкс-механикекс, мейле таго главной экономистэкс ды шкань ютазь – те хозяйстванть прявтокс.
2001 иень маень 22-це чистэ саезь те шкас «ООО МАПО и К» ТНВ-сэ сон важоди управляющеекс.
Сехте покш сюпавчись – ломантне
Истя тенек мерсь вастовомсто те хозяйствань прявтось. Сонзэ валонзо коряс, течи велесэ эрямось эзь лепамо. Николай Ютяев марто кортамсто пек кенярдынь сынст веленть ванстоманзо коряс. А мезть сёпомс, масторонть келес секе-тев сави марямс велетнесэ школатнень, эйдень кужотнень чамомадо, сынст допрок пекстамодо. А вана Пятинасо эзть ёма эйкакшонь вайгельтне, течи улить кода эйдень кужов якицят, истя жо школасо тонавтницят. Ванстовсь педагогонь коллективеськак.
Течи «ООО МАПО и К» ТНВ-нь велень хозяйствань предприятиясонть ламо од ломанть, конат сакшныть тей важодеме аволь ансяк эсест велестэ, истя жо Саранск ошсто, маласо велетнестэ ды районтнэстэ. Весемезэ эрьва кодат специалисттнэде ниленест отделениятнесэ малав 300 ломанть. Ояксчисэ эрить ды важодить эрьва кодамо раськень ломантне, сынст ютксо: рузт, эрзят, мокшот, татарт ды лия келень содыцят.
Николай Всеволодович мельспаросо ёвтнесь сынст хозяйствасо од ломантнень важодемадост. Невтемакс, вузсо тонавтнемадо мейле тиринь моданть лангсо ушодсь важодеме Максим Коробков. А вана Алексей Ютяев бакалавриатонть прядомадо мейле магистратурасо тонавтнемстэ тевензэ хозяйствасонть эзизе кадо. Од цёрась эрьва ков кенери ды тевензэ топавты парсте.
Ледстясынек, Николай Всеволодович Вера Герасимовна нинзэ марто трясть-кастсть колмо эйкакшт. Ольга тейтерест эри ды важоди Ромодановасо, Елена тейтерест – Саранскойсэ, а Денис цёраст вузонть прядомадо мейле сась тиринь велев, тетянзо-аванзо туртов лездамо, сынст тевест поладомо. Тешкстасынек, Денис Николаевич – велень хозяйствасонть отделениянь прявт. Ютяевтнень покш кенярксост – кото нуцькаст. Ули мезень коряс улемс каштанчисэ.
Юты велень азорось келей паксятнева, ваны, кода модась сыргозсь, ацавсь пиже касовкстнэсэ, ды кенярды седеезэ. Лисни, а стяко сонзэ марто важодицятне виест путызь тиринь модантень. Карми улеме сюронь, якстерькаень, кукурузань ды лия касовксонь сюпав урожай. Кармить парсте андовомо ракшатне, карми улеме сывель ды ловсо. Самай истят азортнэнь вийсэ, кодамо Николай Всеволодович, кирдевить велетне, ванстовить ломантне ды поладови эрямось тиринь Мордовиясо!
Валентина Юдина