Суббота, ноября 28, 2020
Важное

Мордовиянь Прявтось Владимир Волков ожоковонь 23-це чистэ видеосвязенть вельде ульнесь промкссонть, конань ветизе ПФО-со РФ-нь Президентэнь полномочной представителесь Игорь Комаров округонь субъекттнэнь прявттнэнь марто.

Кортамось мольсь социально-экономической ды общественно-политической кевкстематнеде. Промксонть ушодовомсто Игорь Комаров макссь вал Государственной регистрациянь, кадастрань ды картографиянь федеральной службань (Росреестрань) прявтонь полавтыцянтень Алексей Штейниковнень, конась ёвтнесь топавтовиця проекттнэде, вейкесь эйстэст «Наполнение Единого государственного реестра недвижимости необходимыми данными». Кортамось истя жо мольсь Росреестранть ды региононь властень органтнэнь вейсэнь важодемань кевкстематнеде.

Чинь повесткантень ютамсто, Игорь Комаров ёвтась сюкпря ПФО-нь региононь прявттнэнень Кочкамонь вейкине чинтень анокстамонть ды ютавтоманть лувсо лезэв важодеманть кисэ ды ёвтась поздоровт Рустам Миннихановнень, Олег Николаевнень, Дмитрий Махониннэнь ды Иван Белозерцевнень кочкамотнесэ изнямонть кувалма. «Округонь весе регионтнэсэ ютавтозь 2,5 тёжадо ламо кочкамонь кампаният. Округсонть средней явкась кармась 43%», - мерсь полномочной представителесь.

Промксонть лувсо полпредэсь ды ПФО-нь субъекттнэнь прявттнэ кортасть коронавируссо сэредицятненень медицинань лезксэнть явомантень ПФО-нь регионтнэнь здравоохранениянь системанть анокчидензэ. «Орманть ламолгадомань коэффициентэсь покш, умарьковонь 24-це чистэнть саезь округонть келес сон эзь ульне 1 седе аламо, ожоковонь 22-це чинтень кармась 1,08», - тешкстызе Игорь Комаров.

РФ-нь Президентэнь полпредэнть валонзо коряс, течи прявт тевтнестэ вейкесь – Россиянь Минздравонь кармавтомантень топавтомась. Игорь Комаров покш мель явсь больницятнесэ чаво таркатнень ламолгавтомантень, коронавируссо сэредицятнень лецямонь учреждениятнес каямонтень, истя жо медицинань плановой лезксэнть явомантень. Башка мель, полномочной представителенть валонзо коряс, эряви явомс лекарствань препараттнэнь рамамонь кевкстематненень: «Федеральной уровнясонть кемекстазь тевть, конат аравтозь COVID лецямонть туртов регионтнэнь бюджеттнэнь ды ОМС-нь ярмактнень лезэвстэ тевс нолдамонтень», - тешкстызе Игорь Комаров. Полпредэсь истя жо тешкстызе, сэредицятнень шкастонзо редямга, эряви ламолгавтомс COVID-19 коряс тестированиянть ды лабораториянь диагностиканть. Весе кевкстематнень арсеви седе домкасто ванномс суньдерьковсто-ацамковсто полномочной представителенть пингстэ Советэнь заседаниясонть, косо кармить Россиянь Минздравось, Роспотребнадзорось ды властень федеральной лия органтнэ.

Школань тонавтницятнень пси ярсамопельде андомадонть кортамсто, Игорь Комаров ледстизе, те тевенть путызе Россиянь Президентэсь Владимир Путин Федеральной Собраниянтень Кучомасонть, ды сонзэ топавтоманть туртов пурназь Оперативной штаб, ков совась полпредэнь аппаратонь представителесь. Игорь Комаров тешкстызе, регионтнэ максост алкуксонь даннойть, конатнень Минпросвещениясь нолды тевс Россиянь Правительствас эрьва иень докладонть анокстамсто.

Коронавирусонь пандемиясь, полпредэнть валонзо коряс, тедеде стакалагавтынзе округонь общественной проекттнэнь топавтомаст. Текень марто, кода тешкстызе Игорь Комаров, од ломантень ды гражданской обществанть марто удалась ладямс сюлмавомань од ёнкст: «Дистанционной лувсо пек вадрясто ютавтозь «iВолга» ПФО-нь Од ломанень форумось, онлайн-лувсо арсеви ютавтомс «ВЕРНУТЬ ДЕТСТВО» уроз-эйкакштненень лездамонь проектэнь округонь пельксэнть. Истя жо вадря невтевкст учотанок «ФормART» ушонь искусствань од проектэнь топавтоманть вельде».

Промксонть лувсо кортамось мольсь лия кевкстематнедеяк, конат аштить полномочной представителенть ванновтонзо ало, - ташто кудосто одс ломантнень ютавтомась, энергоресурсонь потребительтнень пандомань дисциплинанть кастомась, долевой строямонь участниктнень праваст ванстомась, округонь регионтнэсэ коррупциянь правань коламотнень а нолдамось.

 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».