«Мордовская республиканская специальная библиотека для слепых» МР-нь ГКУК-нтень сакшныцятне «Прогулки по родному городу» социореабилитационной проектэнть лувсо тейсть тифлоэкскурс 1941-1945 иетнень войнань ды трудонь подвигень мемориальной музеев.
Мероприятиянтень пурнавозтненень невтезель «Аджимушкай. Подземная крепость» документальной фильмась. Сынь кармасть содамо Аджимушкаенть, конась ловови минек историянь героической ды кажов страницатнестэ вейкекс, яттнэде ванстомадонть.
Аджимушкаень кевень таркатне аштить Керчь ошонть маласо. Тесэ Ине Отечественной войнанть шкасто теезель модапотмонь крепость. Кеветее тёжат ломантне пельиень перть тосо ульнесть ведтеме, валдовтомо, ярсамо- ды лецямопельтеме. Тень лангс апак вано, сынь виень апак вансто тюрсть немецень яттнэнь каршо.
Музеень научной сотрудникесь Анастасия Николаевна Черкасова пурнавозтнень содавтынзе «Подвиг подземного гарнизона» выставканть марто, конась алтави Аджимушкаень каменоломнятнень Героической ванстомантень 80 иетнень топодемантень. Истя жо сон ёвтнесь Дубёнкань райононь Чеберчина велесэ чачозденть полковниктенть Павел Максимович Ягуновдо, кона ульнесь Покш каменоломнятнесэ гарнизононть прявтсо.
Музеев сыцятненень, сельмевалдонь коряс инвалидтнэнень, истя жо ёвтнезель, кода эрясть ломантне Ине Отечественной войнадонть икеле, войнадонть, тактильна содавтовсть музеень экспонаттнэнь марто, минек ёнкссо чачозтнень, конатне тюрсть фашисттнэнь каршо фронтсо, ды кить виень апак вансто важодсть тылсэ, документтнэнь марто.
Тифлоэкскурсиянь участниктне ёвтасть покш сюкпря Мемориальной музеень важодицятненень мельстуиця экскурсиянть кис.
И. Аникина,
анеицятнень туртов республиканской специальной
библиотекань библиограф.