Неень шкане стака муемс истямо ломань, кинь содавиксэнзэ а сэредевельть стака ды малав весень течи талновтыця ормасонть... Весе кемематне Пазонть ды медицинасо важодицятнень лангс.
Виде, медиктнень лангс путозь покш канст, конань течи сынь кандыть киньгак лангс апак пеняця! Истятнэнь ютксо, кие алтызе эрямонзо весть кочказь вечкевикс тевентень, Мордовия Республикань здравоохранениянь заслуженной роботникесь, МР-нь «Станция скорой медицинской помощи» ГБУЗ-нь центральной подстанциянь фельдшерэсь, эрзянь авась Вера Викторовна Ремнёва. Малав ниленьгемень иень перть чинек-венек сон анок максомс лезкс сетненень, кинь апак учо куродызе стака орма, кие понгсь килангонь зыянов тевс... Колоньгемень иень перть Вера Викторовна ульнесь интенсивной терапиянь бригадасо. Те иестэ, зярдо республикань эрицятнень куродынзе эштё ламонень а содавикс ормась, сон васенцетнень ютксо кармась лездамо ормалгадозтненень. Текенень поладсынек, аванзо киява тусь Павел цёразояк, кие медицинасо важоди кемнилее иеть. Ольга Фёдоровна низэ те тевсэнть малав кемголмово иеть. Течи ловныцятненень пачтятано Ремнёвтнень семиянь династиядонть.
Вера Викторовна Ремнёва (Аверьянова) чачсь-кассь Ардатовской райононь Баеньбуе эрзянь велесэ покш семиясо. Тетянзо-аванзо, Виктор Васильевич ды Мария Ивановна, трясть-кастсть кавксо эйкакшт: кото тейтерть ды кавто цёрат. Аверьяновтне путсть вадря кудо, сон нейгак мазылгавты веленть. Кардазост, кода те велень ламо лия эрицятненьгак, свал пешксель ракшадо. Эйкакштнень лангсо ульнесть кудоютконь весе мелявкстнэ.
Вера Викторовнань ледстнеманзо коряс, эрьва эйкакшось, касозь, аволь ансяк эсест пиресэ важодсь, эштё сюронь урядамо шкасто токлангов яксесь, малав гектар мода лангсо якстерькайть кастсть. Нурькинестэ, эрьва тевсэ лездыцяльть. Тетяст, Виктор Васильевич, 45 иеть важодсь «Россия» колхозсонть трактористэкс. Аваст (профессиянь коряс строитель) пингень перть маляроль, те тевенть ламо иеть топавтсь Ардатовань светотехнической заводсо.
Эштё вишка тейтерькакс Вера Аверьяновань покш мелезэль улемс медицинасо важодицякс. Сон свал сельмень сявадозь вансь велень фельдшерэнть лангс. Мария Васильевна кеме обуцяль, кидеяк а пелицяль, видечинь кисэ аштицяль!
Баеньбуень средней школасо кавксо класстнэнь прядомадо мейле Вера Аверьянова тусь тонавтнеме Ардатовань медицинской училищав (ней сон лемдеви колледжекс). Тейтерькась бажась тонавтнемс парсте, седе домкасто содамс сы шкань профессиянть. Весе предметтнэнь ютксто мелезэнзэ пек тукшнось математикась. Паряк, тувталось ульнесь сеньсэ, сонзэ парсте ветясь Александр Иванович Аксёнов кураторост. Куроксто ютасть тонавтнемань нилеце пельиетне.
Тонавтнемань заведениянть парсте прядомадо мейле Вера Викторовна од специалистэнть колмо иес ильтизь важодеме Ковылкинань райононь Малый Азясь велев, фельдшерэнь медпунктов. Роботадо а пелиця, эрьва тевс чарькодиця од тейтересь сеске тусь те велень эрицятнень мельс. Кизэнь маней читнестэ сон эзь аште экше медпунктсонть, свал бажась улемс тосо, косо ламо ломанть топавтсть вейсэнь тевтнень.
Самай те велесэнть теевсь содавиксэкс сы шкань мирдензэ Сергей Васильевич Ремнёв марто. Эрявикс шкань ютазь одтнэ венчасть-урьвакстсть ды тусть эрямо Саранскоев, мирдезэ ульнесь тестэ.
Састь вейксэньгеменце стака иетне. Вера Викторовнанень муевсь специальностень коряс тев Саранск ошонь 3-це номер больницясто. Виде, а шождат ульнесть сеть шкатне, зярдо ламо ковонь перть эзть пандо зарплата. Текенень, стакасто ормалгадсь ававтозо, кинь мельга савсь якамс колмоце пельие. Мирдензэ марто, вейке-вейкень полавтнезь, чинь ды вень перть важодемадо мейле весементь тейсть стакасто сэредиця сыре ломаненть уцясканзо шождалгавтомга. Тесэяк лездасть медучилищань содамочитне. Урьвась, кода маштсь, лецясь ававтонзо. Текенень поладсынек, оймсема читнестэ бажась пачкодемс тиринь велев, тетянзо-аванзо содавтомо, лембе валсо седеест оймавтомо, кудоютконь тевсэст лездамо. Виде, бабанзо мельга якамосонть лездась веженсь эйкакшост, Павел цёрынест. Нать, эштё вишкапингстэ сень неезь, кода авазо лецясь бабанзо, Павел Ремнёв сайсь мель эрямонзо алтамс медицинантень. Школань прядомадо мейле снартсь максомс экзамент Саранскоень медицинской колледжев, ансяк конкурсось пек покшоль… Цёрынесь пря эзь нолда, энялдсь аванстэнь саемс мартонзо важодеме – санитарокс. Теке шкастонть поладсь экзаментнэнень анокстамо, иень ютазь теевсь студентэкс.
Саранскоень медицинской колледженть прядомадо мейле Павел Сергеевич аволь ськамонзо поладызе важодеманзо Мордовия Республикань «Станция скорой медицинской помощи» ГБУЗ-нь центральной подстанциясонть. Истя жо тов сась сестэ эштё Саранск ошонь 3-це номер больницясо важодиця низэ Ольга Фёдоровна. Теде икеле сон важодсь вере ледстязь больницянь приёмной отделениясо. Павел ды Ольга Ремнёвтнень семиясо касыть кавто эйкакшт: Ангелина ды Ярослав. Кавонест школасо тонавтницят. Ялатеке, ков виензэ сатыть, лезды тенст Вера Викторовна. Сынь икелепелев арсизь сменаст, зярдо одтнэ важодить, эйкакштнень марто бабаст. Мейле полавтовить.
Сергей Васильевич ды Вера Викторовна Ремнёвтнень кавто эйкакшост. Омбоцесь – Светлана, образованиянь коряс юрист, сон прядызе Россиянь МВД-нь Нижегородской академиянть, важоди
специальностень коряс республикань томбале. Эсь шкасто тусь Крымев, лиссь тосо мирденень, ули Илюша цёрынест.
Вера Викторовнань валонзо коряс, малав ниленьгемень иень перть те тевенть топавтомсто истямо лувсо важодемс эштё эзь савкшно. Эдь сынь свал васенцетнень ютксот ормалгадозенть марто вастовомасонть. Ансяк сестэ, кода пачтясызь сэредицянть больницяв ды врачтне кармить шумбрачинзэ ванкшномо, лангс ливтеви алкуксонь ормазо. Теде икеле диагнозонть путома сынст бригадантень.
Фельдшерэсь седейшкава пачтясь тиринь коллективдензэ. Валонзо коряс, течи сынст больницясонть ламо од ломанть, кить бажить парсте топавтомс тевест, куш шкатне ней а шождат. Покш лезкс ды кемема эрьва важодицянтень максы больницянь прявт врачось Дмитрий Борисович Якушев. Сон те лецямонь учреждениясонть важоди 1993 иестэ саезь. Сень лангс апак вано, што прявт, зярдо эрявсь, сонськак сэредицятненень пачколесь кудос...
Ули кемема, юты шкась, поты те стака ормась, ды таго сы сэтьме эрямось, врачтне каясызь кажов ормадонть ванстыця оршамопелест, ды сынст марто ушосо-косо вастовицятне а кармить арсеме: таго кинень-бути берянь. Таго врачтне эсь эрямодост апак арсе капшить ормалгадозенть идеме!
Валентина Юдина
Вера Викторовна Ремнёва (Аверьянова) чачсь-кассь Ардатовской райононь Баеньбуе эрзянь велесэ покш семиясо. Тетянзо-аванзо, Виктор Васильевич ды Мария Ивановна, трясть-кастсть кавксо эйкакшт: кото тейтерть ды кавто цёрат. Аверьяновтне путсть вадря кудо, сон нейгак мазылгавты веленть. Кардазост, кода те велень ламо лия эрицятненьгак, свал пешксель ракшадо. Эйкакштнень лангсо ульнесть кудоютконь весе мелявкстнэ.
Вера Викторовнань ледстнеманзо коряс, эрьва эйкакшось, касозь, аволь ансяк эсест пиресэ важодсь, эштё сюронь урядамо шкасто токлангов яксесь, малав гектар мода лангсо якстерькайть кастсть. Нурькинестэ, эрьва тевсэ лездыцяльть. Тетяст, Виктор Васильевич, 45 иеть важодсь «Россия» колхозсонть трактористэкс. Аваст (профессиянь коряс строитель) пингень перть маляроль, те тевенть ламо иеть топавтсь Ардатовань светотехнической заводсо.
Эштё вишка тейтерькакс Вера Аверьяновань покш мелезэль улемс медицинасо важодицякс. Сон свал сельмень сявадозь вансь велень фельдшерэнть лангс. Мария Васильевна кеме обуцяль, кидеяк а пелицяль, видечинь кисэ аштицяль!
Баеньбуень средней школасо кавксо класстнэнь прядомадо мейле Вера Аверьянова тусь тонавтнеме Ардатовань медицинской училищав (ней сон лемдеви колледжекс). Тейтерькась бажась тонавтнемс парсте, седе домкасто содамс сы шкань профессиянть. Весе предметтнэнь ютксто мелезэнзэ пек тукшнось математикась. Паряк, тувталось ульнесь сеньсэ, сонзэ парсте ветясь Александр Иванович Аксёнов кураторост. Куроксто ютасть тонавтнемань нилеце пельиетне.
Тонавтнемань заведениянть парсте прядомадо мейле Вера Викторовна од специалистэнть колмо иес ильтизь важодеме Ковылкинань райононь Малый Азясь велев, фельдшерэнь медпунктов. Роботадо а пелиця, эрьва тевс чарькодиця од тейтересь сеске тусь те велень эрицятнень мельс. Кизэнь маней читнестэ сон эзь аште экше медпунктсонть, свал бажась улемс тосо, косо ламо ломанть топавтсть вейсэнь тевтнень.
Самай те велесэнть теевсь содавиксэкс сы шкань мирдензэ Сергей Васильевич Ремнёв марто. Эрявикс шкань ютазь одтнэ венчасть-урьвакстсть ды тусть эрямо Саранскоев, мирдезэ ульнесь тестэ.
Састь вейксэньгеменце стака иетне. Вера Викторовнанень муевсь специальностень коряс тев Саранск ошонь 3-це номер больницясто. Виде, а шождат ульнесть сеть шкатне, зярдо ламо ковонь перть эзть пандо зарплата. Текенень, стакасто ормалгадсь ававтозо, кинь мельга савсь якамс колмоце пельие. Мирдензэ марто, вейке-вейкень полавтнезь, чинь ды вень перть важодемадо мейле весементь тейсть стакасто сэредиця сыре ломаненть уцясканзо шождалгавтомга. Тесэяк лездасть медучилищань содамочитне. Урьвась, кода маштсь, лецясь ававтонзо. Текенень поладсынек, оймсема читнестэ бажась пачкодемс тиринь велев, тетянзо-аванзо содавтомо, лембе валсо седеест оймавтомо, кудоютконь тевсэст лездамо. Виде, бабанзо мельга якамосонть лездась веженсь эйкакшост, Павел цёрынест. Нать, эштё вишкапингстэ сень неезь, кода авазо лецясь бабанзо, Павел Ремнёв сайсь мель эрямонзо алтамс медицинантень. Школань прядомадо мейле снартсь максомс экзамент Саранскоень медицинской колледжев, ансяк конкурсось пек покшоль… Цёрынесь пря эзь нолда, энялдсь аванстэнь саемс мартонзо важодеме – санитарокс. Теке шкастонть поладсь экзаментнэнень анокстамо, иень ютазь теевсь студентэкс.
Саранскоень медицинской колледженть прядомадо мейле Павел Сергеевич аволь ськамонзо поладызе важодеманзо Мордовия Республикань «Станция скорой медицинской помощи» ГБУЗ-нь центральной подстанциясонть. Истя жо тов сась сестэ эштё Саранск ошонь 3-це номер больницясо важодиця низэ Ольга Фёдоровна. Теде икеле сон важодсь вере ледстязь больницянь приёмной отделениясо. Павел ды Ольга Ремнёвтнень семиясо касыть кавто эйкакшт: Ангелина ды Ярослав. Кавонест школасо тонавтницят. Ялатеке, ков виензэ сатыть, лезды тенст Вера Викторовна. Сынь икелепелев арсизь сменаст, зярдо одтнэ важодить, эйкакштнень марто бабаст. Мейле полавтовить.
Сергей Васильевич ды Вера Викторовна Ремнёвтнень кавто эйкакшост. Омбоцесь – Светлана, образованиянь коряс юрист, сон прядызе Россиянь МВД-нь Нижегородской академиянть, важоди
специальностень коряс республикань томбале. Эсь шкасто тусь Крымев, лиссь тосо мирденень, ули Илюша цёрынест.
Вера Викторовнань валонзо коряс, малав ниленьгемень иень перть те тевенть топавтомсто истямо лувсо важодемс эштё эзь савкшно. Эдь сынь свал васенцетнень ютксот ормалгадозенть марто вастовомасонть. Ансяк сестэ, кода пачтясызь сэредицянть больницяв ды врачтне кармить шумбрачинзэ ванкшномо, лангс ливтеви алкуксонь ормазо. Теде икеле диагнозонть путома сынст бригадантень.
Фельдшерэсь седейшкава пачтясь тиринь коллективдензэ. Валонзо коряс, течи сынст больницясонть ламо од ломанть, кить бажить парсте топавтомс тевест, куш шкатне ней а шождат. Покш лезкс ды кемема эрьва важодицянтень максы больницянь прявт врачось Дмитрий Борисович Якушев. Сон те лецямонь учреждениясонть важоди 1993 иестэ саезь. Сень лангс апак вано, што прявт, зярдо эрявсь, сонськак сэредицятненень пачколесь кудос...
Ули кемема, юты шкась, поты те стака ормась, ды таго сы сэтьме эрямось, врачтне каясызь кажов ормадонть ванстыця оршамопелест, ды сынст марто ушосо-косо вастовицятне а кармить арсеме: таго кинень-бути берянь. Таго врачтне эсь эрямодост апак арсе капшить ормалгадозенть идеме!
Валентина Юдина