Неень шкане республикасонок покш мель явови эрямонь шумбра лувонтень. Тень парсте невтизь Од иень оймсема читне, зярдо пек седе ламолгадсть сокссо, конькасо кирякстницятне, Саранск ошонь парктнева якицятне. Мезесь кенярдовты, спортонь вечкицятнень ютксо кода од ломанть, истя сыретькак.
Минь тиринь газетань лопатнесэ ютазь иестэ ёвтнинек Мордовия Республикасо сыре ломанень «Клуб активного долголетия» Ассоциациянтень совицятнеде.
Тешкстасынек, те вейсэндявксось Мордовиясо пурназель кемень иеде икеле. Сынст программасонть улить: бассейнасо укшномат, шумбралгавтомань чийнемат, эзнень гимнастика, столь лангонь ды покш тенниссэ налксемат, лексемань гимнастика ды эрьва кодат пелькстамот.
Ледстясынек, колмо иеде икеле Елена ды Геннадий Тимченко лемсэ благотворительной фондонть лезксэнзэ вельде «ЗОЖ» Ассоциациясь лиссь изницякс «Активное долголетие – 2019» пелькстамосонть. Шкань ютазь эрямонь шумбра лувонь ветямонтень вейсэндявсть Кочкуровань ды Орданьбуень муниципальной райононь эрицятне.
Кода пачтясь Ассоциациянь президентэсь Елена Лезина, покш важодема сынь ветясть ютазь иестэяк. РФ-нь Президентэнь фондонь башка пелькстамосонть «Клад» Ассоциациясь лиссь изницякс «Кладовая здоровья» проектсэнть.
Президентэнь грантонть покшолмазо ульнесь 2007,1 тёжа целковойть, 2021 иестэ тевс нолдазельть 1504,4 тёжат целковойтне. Иень перть ютавтозельть эрьва кодат пелькстамот, мастер-класст. Сыре ломантне ёрокчист невтеме якасть Кочкуровань муниципальной районов. Истя жо тосто сакшность Саранскоев.
Те иенть ушодовомсто, январень 5-це чистэ, зярдо Саранскоень Ленинской ды Пролетарской эрямонь районтнэсэ ютавтозельть Шумбрачинь чить, ветерантнэ васенцекс састь Экопарков ды «Саранск» стадиононтень. Тосо сынст туртов невтсть концерт Саранск ошонь округонь культурань учреждениянь артисттнэ. Васняяк сыре ломантне симсть пси чайде, мейле сыргасть сокссо кирякстнеме, телень виртнень мазычист ванкшномо.
Январень 8-це чистэ «Клад» Ассоциациянтень совицятне невтизь ёрокчист «Быстрее, крепче, здоровее!» пелькстамосонть, конась сыре ломантнень туртов анокстазель Саранск ошонь округонь Администрациянть лезксэнзэ вельде. Кодат ансяк налксемат ды шумбрачинь витемань упражненият арасельть те чистэнть, весе сынь ульнесть лезэвть рунгонть туртов. Текенень поладсынек, те чистэнть сыненст казне марто сакшнось сонсь Якшаматясь.
Эрьва сыре ломанесь шканзо ютавты эсь мелензэ коряс: кить чинь-чоп аштить телевизор икеле, кить книгат ловныть, секе-тев аштить кудо вакссо эзем лангсо… «Клад» Ассоциациянь президентэсь Елена Лезина весень терди эрямонь шумбра лувонть ветямо, ёрокчист эрьва кодамо пелькстамосо невтеме. Чарькодеви, неень шкань апаро орманть мельс саезь, малав весе пелькстамотне ютавтовить ушосо ды санитарной вешематнень топавтозь.
Валентина ЮДИНА
Тешкстасынек, те вейсэндявксось Мордовиясо пурназель кемень иеде икеле. Сынст программасонть улить: бассейнасо укшномат, шумбралгавтомань чийнемат, эзнень гимнастика, столь лангонь ды покш тенниссэ налксемат, лексемань гимнастика ды эрьва кодат пелькстамот.
Ледстясынек, колмо иеде икеле Елена ды Геннадий Тимченко лемсэ благотворительной фондонть лезксэнзэ вельде «ЗОЖ» Ассоциациясь лиссь изницякс «Активное долголетие – 2019» пелькстамосонть. Шкань ютазь эрямонь шумбра лувонь ветямонтень вейсэндявсть Кочкуровань ды Орданьбуень муниципальной райононь эрицятне.
Кода пачтясь Ассоциациянь президентэсь Елена Лезина, покш важодема сынь ветясть ютазь иестэяк. РФ-нь Президентэнь фондонь башка пелькстамосонть «Клад» Ассоциациясь лиссь изницякс «Кладовая здоровья» проектсэнть.
Президентэнь грантонть покшолмазо ульнесь 2007,1 тёжа целковойть, 2021 иестэ тевс нолдазельть 1504,4 тёжат целковойтне. Иень перть ютавтозельть эрьва кодат пелькстамот, мастер-класст. Сыре ломантне ёрокчист невтеме якасть Кочкуровань муниципальной районов. Истя жо тосто сакшность Саранскоев.
Те иенть ушодовомсто, январень 5-це чистэ, зярдо Саранскоень Ленинской ды Пролетарской эрямонь районтнэсэ ютавтозельть Шумбрачинь чить, ветерантнэ васенцекс састь Экопарков ды «Саранск» стадиононтень. Тосо сынст туртов невтсть концерт Саранск ошонь округонь культурань учреждениянь артисттнэ. Васняяк сыре ломантне симсть пси чайде, мейле сыргасть сокссо кирякстнеме, телень виртнень мазычист ванкшномо.
Январень 8-це чистэ «Клад» Ассоциациянтень совицятне невтизь ёрокчист «Быстрее, крепче, здоровее!» пелькстамосонть, конась сыре ломантнень туртов анокстазель Саранск ошонь округонь Администрациянть лезксэнзэ вельде. Кодат ансяк налксемат ды шумбрачинь витемань упражненият арасельть те чистэнть, весе сынь ульнесть лезэвть рунгонть туртов. Текенень поладсынек, те чистэнть сыненст казне марто сакшнось сонсь Якшаматясь.
Эрьва сыре ломанесь шканзо ютавты эсь мелензэ коряс: кить чинь-чоп аштить телевизор икеле, кить книгат ловныть, секе-тев аштить кудо вакссо эзем лангсо… «Клад» Ассоциациянь президентэсь Елена Лезина весень терди эрямонь шумбра лувонть ветямо, ёрокчист эрьва кодамо пелькстамосо невтеме. Чарькодеви, неень шкань апаро орманть мельс саезь, малав весе пелькстамотне ютавтовить ушосо ды санитарной вешематнень топавтозь.
Валентина ЮДИНА