Те таргось Россиянь важодицятнень туртов карми нурькинекс. Аштемковонь 12-це чистэнть саезь 14-це чис минь карматано оймсеме. Те сюлмавозь Россиянь чинть марто. Тень коряс, аштемковонь 11-це чистэ важодемась истя жо нурькалгавтови 1 часто.
Теде башка, икеле Россиянь Президентэсь Владимир Путин пачтясь, коронавирусонь пандемиянть кувалма Изнямонь Парадось карми аштемковонь 24-це чистэ – се чистэнть, зярдо 1945-це иестэ Якстере площадьсэнть ютась «Изницятнень исторической Парадось». Аштемковонь 24-це чись карми оймсема чикс, ансяк зарплатась ванстови, икельце 23-це чись жо юты кода свал, важодема шкась а нурькалгавтови.