Мордовия Республикава «Защитники Отечества» Государственной фондонь филиалось Саранскоень Эень дворецсэ СВО-нь ветерантнэнь ды геройтнень семиятнень туртов арсесь-ютавтсь конькасо кирякстнема.

Эйкакштнень ды покштнень туртов те ульнесь алкуксонь кенярксчикс. Кие-бути уш кирякстнесь ероковсто, маштозь, кие-бути жо эенть лангсо пелезь ладсо тейсь васенце эскелькст, сехте вишкинетне кирякстнемстэ эзть нолда тетяст-аваст кедест.

СВО-нь ветеранось, «Герои среди СВОих» региональной программань финалистэсь Дмитрий Демидов сакшнось Эень дворецэв церанзо марто. Тетясь ды эйкакштне паро ежосольть те кенярксчиденть, музыкадонть ды истямо оймсемадонть. «Истят мероприятиятне пек эрявикст, – кортась Отечествань ванстыцясь. – Те эдь аволь ансяк оймсема, те эште минек туртов мельявома ды минденек ледстнема».
«Геройтнень ды малавиксэст туртов лезксэнь явомась – те аволь ансяк документэнь пурнамось-анокстамось ды сыненст социальной услугатнень явомась – те эште лия ломань марто кортнематне, паро мельежосо улемась ды кеме семиянь койтне-кирдатне. Минь кенярдтано, истят вастовоматне тонадовсть, теевсть коекс», – тешкстась Мордовия Республикава «Защитники Отечества» Государственной фондонь филиалонь руководителесь Алексей Герасименко.

Фототне «Защитники Отечества» Госфондонть.