Пятница, марта 29, 2024
Важное

Кода уш пачтинек, эйзюрковонь 17-це чистэ ульнесь Регионъютконь эрзянь-мокшонь раськень вейсэндявксонь исполкомонь промкс, ков пурнавкшность весе, кить совить те вейсэндявксонь прявт курос. Ламотне эйстэст Россиянь регионтнэстэ: Татарстансто, Башкортостансто, Чувашиясто, Самарань, Ульяновскоень, Пензань, Нижнеень ды лия ёнкстнэстэ.


Промкссонть седе покш мель явозель сы шкань ловоматненень, конат кармить молеме минек масторсо тедедень таштамковсто (сентябрясто). Промксов весе пуромозтне састь вейкине мельс: ловоматненень анокстамонть эряви ушодомс нейке. Ды вана, карминек содамо, ламо таркатнева неть анокстамотне уш ушодовсть.

Саемс Самаранть. Тосонь национально-культурной автономиясь, конань прявтсо Л.А. Колесникова, кундась тевс. Васняяк, вешнить-снимсить фотот эрзянь-мокшонь оршамосо ламо ломань марто. Неть фототнень лангс сёрмалить эрзякс тердемат, невтемга: «Минек эйстэ пек ламо – карматано эрямо!». Сынст вельде арсить тердемс ломантнень видестэ ёвтамс, кодамо раськестэ сон лиссь, кодамо келенть лови тиринь келекс. Арсян, те ушодксонть паро саемс лия таркатнесэяк. Паряк, истямо ладсо сы шкань ловоматне а пек тандавтсамизь минек раськенть кирямонзо кувалма.

Самара ёнкссо ютазь ловоматнень коряс эрить 65447 эрзят ды мокшот. Зяро эйстэст кадовсть ней, невтьсызь сы шкань ловоматне.

Раиса Щанкина
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».