Четверг, марта 28, 2024
Важное

 

Неть читнестэ Печатень кудосо ютавтовсь «Торама» фольклоронь ансамблянь пресс-конференция, артисттнэ ёвтнесь шкинемадост.

«Торама» ансамблянть 1990 иестэ пурнызе содавикс этнографось Владимир Ромашкин. Ансамблянь прявтонть Андрей Николаевень валонзо коряс, 2021 иенть артисттнэ алтасызь Владимир Ивановичнень, сонензэ бу топодевельть 70 иеть. Якшамковонь 28-це чистэ арсеви ютавтомс юбилеень покш концерт, косо морамо-седямо кармить аволь ансяк сынсь артисттнэ, истя жо учовить инжеть Россиянь прявт ошсто, сынст ютксо «Поле чудес» программань ветицясь ды художественной руководителесь Леонид Якубович. Ансамблясь якась «Поле чудес» шоунтень те иень сёксня, сынь кармасть ваныцятнень симпатиянь башка казнень саицякс. Леонид Аркадьевич кучсь сюкпрянь валт Мордовиянь Прявтонь тевтнень топавтыцянтень Артём Здуновнень ды артисттнэнень раськень культурань виевгавтоманть ды ансамблянть пек вадрясто морамонть-седямонть кис. Фолк-группась аволь весть невтекшнызе республиканть «Васенце каналсо», Московонь ды лия ошонь покш площадкатнесэ.Теде башка, «Торамась» топавты вейсэнь проектт Россиянь ды омбо масторонь содавикс морыцятнень марто. Истя, сынсь тейсть аранжировка Дмитрий Маликовонь моронтень, конась сонензэ пек вечкевсь. Артисттнэ топавтыть покш важодема од ломантнень патриотической лувсо кастомга. Пандемиянть ушодовомадо икеле ютавтсть ламо вастовомат республикань школатнесэ, ней сынь ветявить онлайн лувсо. Ине Отечественной войнасо Изнямонь 75 иетнень тешкстамонь иестэнть морасть войнадо ламо морот. «Торама» фольклоронь ансамблясь свалшкане эскели икелев, топавты од проектт, бажи вейсэндямс музыкань эрьва кодат ёнкстнэнь. «Минь бажатано полавтомс фольклоронь коряс ладявозь арсематнень, невтемс, кодамо сон сюпав. Фольклорось сюпалгады-виевгады ды сонзэ од гайгемась вечкеви кунсолыцятненень. Те невти – эрзятнень-мокшотнень историясь апак стувто!» – тешкстызь артисттнэ.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».