75 ИЕДЕ ИКЕЛЕ ГАЙГСТАСТЬ ИНЕ ОТЕЧЕСТВЕННОЙ ВОЙНАНЬ МЕЕЛЬЦЕ ЛЕДНЕМАТНЕ. ЯЛА СЕДЕ ПЕК КАДОВИТЬ ИСТОРИЯС НЕТЬ ЧИТНЕ, СЕДЕЯК АЛАМОЛГАДЫТЬ СЫНСТ НЕИЦЯТНЕ ДЫ СЕДЕЯК ПОКШ ПИТНЕЙЧИСТ СЕ ШКАДОНТЬ ЛЕДСТНЕМАТНЕНЬ.
ТЕЧИ, ИНЕ ИЗНЯМОСТОНТЬ САЕЗЬ 75 ИЕТНЕНЬ ЮТАЗЬ, А КОДА А ЛЕДСТЯМС ВОЙНАНЬ ШКАНЬ БОЕВОЙ ДЫ ТРУДОВОЙ ПОДВИГТНЕНЬ. СЫНСТ ЮТКСО – ВОЛЖСКО-СУРСКОЙ ОБОРОНИТЕЛЬНОЙ РУБЕЖЕНЬ СООРУЖЕНИЯТНЕНЬ ТЕЕМАСЬ, КОНА ВЕТЯВСЬ 1941-1942 ИЕТНЕНЬ ТЕЛЕСТЭНТЬ.
Те покш ды а стувтовикс тевентень Мордовиясо алтавсь «Сурский рубеж» проектэсь. Проектэсь кармась Президентэнь фондонь грантонь изницякс ды тевс нолдавсь эштё чадыковонь 1-це чистэ.
«Сурский рубеж» проектэсь – военно-патриотической моронь республикань фестиваль, кона алтави Ине Отечественной войнасо Изнямонь 75 иетненень. Фестивалень прявт тевесь – историянть ванстомась, Мордовиянь эрицятнень войнань ды трудонь подвигтест пачтямось. Фестивалень арсицякс-ютавтыцякс кармась Ветерантнэнь весероссиянь организациянь Мордовия Республикань общественной организациясь.
Таштамковонь 12-це чистэ Мордовиянь Рузонь драмань театрасо ютавтовсь «Сурский рубеж» военно-патриотической моронь республикань фестивалень гала-концертэсь. Мероприятиянть панжомсто МР-нь Ветеранонь советэнь председателесь И.С. Цыганок тешкстызе, фестивалесь алтави Изнямонь юбилейной датантень. Ды сон минек седе парсте теи содавиксэкс Ине подвигенть марто, конанть кис эсь эрямост максызь покштятне-бабатне.
– Сы иень ожоковсто топодить 80 иеть, кода ушодовкшнось Сурань оборонительной рубеженть теемазо, – тешкстызе Иван Семёнович. – Важодсть тосо малав 70 тёжат ломанть. Ды седе ламотне эйстэст – ават ды эйкакшт. Кедьёнкстнэстэ ульнесть ансяк койме ды кирка. Ушосонть цят якшамоль, малав 40 градуст, эсь норманть жо эрявсь топавтомс. Ды колмо ковонь перть икелест аравтозь задачась топавтозель. Пек паро, оборонительной рубежесь эзь эряво, ятось тей эзь пачкоде.
Ды течинь шкане прявт тевенек – ёвтнемс те подвигтенть од ломантненень, штобу содавольть ды авольть стувтне историянть.
Лембе поздоровт фестивалень участниктненень ды инжетненень истя жо ёвтась МР-нь Культурань, раськень политикань ды архивень тевень министрань васень полавтыцясь А.Е. Губанищев. Сон арсесь весенень паро ёжо ды ёвтась мель вастовомс эштё.
Эряви меремс, фестивалентень максозельть малав 250 яволявтомат республикань самодеятельной солисттнэнь, вокальной ды вокально-инструментальной ансамблятнень, творческой коллективтнень ды автортнэнь-исполнительтнень пельде. Покш мельсэ тешкстасынек, пелькстамонтень явсть мель ветерантнэ ды вишка эйкакштне. Истя, сехте сыре участникенть иензэ 83, сехте вишкинентень – 5 иеть.
Юлия ЕРЕМИНА
Те покш ды а стувтовикс тевентень Мордовиясо алтавсь «Сурский рубеж» проектэсь. Проектэсь кармась Президентэнь фондонь грантонь изницякс ды тевс нолдавсь эштё чадыковонь 1-це чистэ.
«Сурский рубеж» проектэсь – военно-патриотической моронь республикань фестиваль, кона алтави Ине Отечественной войнасо Изнямонь 75 иетненень. Фестивалень прявт тевесь – историянть ванстомась, Мордовиянь эрицятнень войнань ды трудонь подвигтест пачтямось. Фестивалень арсицякс-ютавтыцякс кармась Ветерантнэнь весероссиянь организациянь Мордовия Республикань общественной организациясь.
Таштамковонь 12-це чистэ Мордовиянь Рузонь драмань театрасо ютавтовсь «Сурский рубеж» военно-патриотической моронь республикань фестивалень гала-концертэсь. Мероприятиянть панжомсто МР-нь Ветеранонь советэнь председателесь И.С. Цыганок тешкстызе, фестивалесь алтави Изнямонь юбилейной датантень. Ды сон минек седе парсте теи содавиксэкс Ине подвигенть марто, конанть кис эсь эрямост максызь покштятне-бабатне.
– Сы иень ожоковсто топодить 80 иеть, кода ушодовкшнось Сурань оборонительной рубеженть теемазо, – тешкстызе Иван Семёнович. – Важодсть тосо малав 70 тёжат ломанть. Ды седе ламотне эйстэст – ават ды эйкакшт. Кедьёнкстнэстэ ульнесть ансяк койме ды кирка. Ушосонть цят якшамоль, малав 40 градуст, эсь норманть жо эрявсь топавтомс. Ды колмо ковонь перть икелест аравтозь задачась топавтозель. Пек паро, оборонительной рубежесь эзь эряво, ятось тей эзь пачкоде.
Ды течинь шкане прявт тевенек – ёвтнемс те подвигтенть од ломантненень, штобу содавольть ды авольть стувтне историянть.
Лембе поздоровт фестивалень участниктненень ды инжетненень истя жо ёвтась МР-нь Культурань, раськень политикань ды архивень тевень министрань васень полавтыцясь А.Е. Губанищев. Сон арсесь весенень паро ёжо ды ёвтась мель вастовомс эштё.
Эряви меремс, фестивалентень максозельть малав 250 яволявтомат республикань самодеятельной солисттнэнь, вокальной ды вокально-инструментальной ансамблятнень, творческой коллективтнень ды автортнэнь-исполнительтнень пельде. Покш мельсэ тешкстасынек, пелькстамонтень явсть мель ветерантнэ ды вишка эйкакштне. Истя, сехте сыре участникенть иензэ 83, сехте вишкинентень – 5 иеть.
Юлия ЕРЕМИНА