С. Д. Эрьзя лемсэ музеень выставкань нупальсэ ютась лия ёнов а молиця вастовома. Тей тердезель скульптортнэнь Филатовтнень династиясь.
Сынст марто теевсть содавиксэкс Н. П. Огарёв лемсэ МГУ-нь Национальной культурань институтонь студенттнэ ды лия инжетне.
Николай Михайлович Филатов чачсь 1952 иестэ Дубёнка ёнксонь Поводелесэ. 1977 иестэ прядызе К. А. Савицкий лемсэ Пензань художественной училищанть. 1984 иестэ – И. Е. Репин лемсэ Ленинградонь живописень, скульптурань ды архитектурань институтонть.
Сон – РФ-нь заслуженной художник, МР-нь народной артыця. МР-нь Государственной премиянь кавксть лауреат. СССР-нь Художникень союзонь член (1985). А.С. Пушкиннэнь кеврунгонть кисэ Россиянь Художествань академиясь казизе «Сырнень медальсэ».
Н. М. Филатов ламо важоди станковой ды монументальной скульптурань коряс. Минек ошсо сонзэ кедьсэ теезь зярыя покш памятникть. Неть – Степан Эрьзянень кеврунгось, сон ашти изобразительной искусствань музеенть икеле, Советской площадьстэ парков валгома таркасонть стявтозь А.С. Пушкиннэнь кеврунгось, тейсь памятникть Никон патриархонтень, Ф. Ф. Ушаков адмиралонтень, иневанькстнэнень Кириллнэнь ды Мефодийнень, Семиянтень, философонтень ды литературоведэнтень М. М. Бахтиннэнь, ниле скульптурат Национальной театрав совамо таркасонть (Эрзява, Мокшава, Атя, Од цёра) ды лият. Кой-конатнень сон теинзе ялаксонзо Григорий Михайлович скульпторонть марто (сон тусь эрямосто 2012 иестэ). Филатовонь важодеманзо ванстовить С. Д. Эрьзя лемсэ изобразительной искусствань музейсэ ды Россиянь ламо ошонь музейтнесэ.
Кода ёвтнесь Николай Михайлович, вечкевикс скульптуратнестэ вейкесь – Пушкиннэнь кеврунгось. Сон важодсь лангсонзо ськамонзо ды кувать. Кочксесь зярыя варианттнэстэ, бажась теемс мазый, седейс токиця, невтемс вечкевикс поэтэнть виевчинзэ, ёрокчинзэ. Мейле ошсонок кувать арсесть-вешнесть тарка, козо стявтомс кеврунгонть.
Галина Алексеевна нинзэ марто Филатов теевсь содавиксэкс Пензань художественной училищасо тонавтнемстэ. Низэяк творческой ломань. Важодеманзо невтевсть Московсо раськеютконь выставкатнесэ. Сон алтызе эрямонзо педагогонь тевентень. Важодсь эйкакшонь художественной школасо, Национальной культурань институтсо. Тонавтсь зярыя од артыцят. Николай Михайловичень туртов – васенце критик, превс путыця, чарькодиця.
Сынст кавто цёрасткак тусть артыцянь кияванть. Васенце цёраст, Сергей Николаевич, эри Московсо, яви мель скульптурантень.
Омбоцесь – Александр Николаевич – од скульптор, сонзэ лемдить арсиця скульпторокс. Важодеманзо ламоксть невтневсть эрьва кодат выставкатнесэ. Тейни портретт. Сон истя жо важодсь М. М. Бахтиннэнь ды тейтерне марто полицейскойнень («Защитникам правопорядка») кеврунготнень лангсо. Теизе Сыре Шайговасо Славань аллеянть.
Филатовтне – художественной интеллигенция, тонавтыцят, сынст произведениятнесэ редяви покш вечкема тиринь масторонтень.
Минь кевкстинек Николай Михайловичень, мезе лангсо важоди ней. Валонзо коряс, таго теи Степан Эрьзянень кеврунго. Сон – вечкевикс скульпторозо, виень максыцязо, конань эйстэ весемесь ушодовськак.
Татьяна МАТОРКИНА
Николай Михайлович Филатов чачсь 1952 иестэ Дубёнка ёнксонь Поводелесэ. 1977 иестэ прядызе К. А. Савицкий лемсэ Пензань художественной училищанть. 1984 иестэ – И. Е. Репин лемсэ Ленинградонь живописень, скульптурань ды архитектурань институтонть.
Сон – РФ-нь заслуженной художник, МР-нь народной артыця. МР-нь Государственной премиянь кавксть лауреат. СССР-нь Художникень союзонь член (1985). А.С. Пушкиннэнь кеврунгонть кисэ Россиянь Художествань академиясь казизе «Сырнень медальсэ».
Н. М. Филатов ламо важоди станковой ды монументальной скульптурань коряс. Минек ошсо сонзэ кедьсэ теезь зярыя покш памятникть. Неть – Степан Эрьзянень кеврунгось, сон ашти изобразительной искусствань музеенть икеле, Советской площадьстэ парков валгома таркасонть стявтозь А.С. Пушкиннэнь кеврунгось, тейсь памятникть Никон патриархонтень, Ф. Ф. Ушаков адмиралонтень, иневанькстнэнень Кириллнэнь ды Мефодийнень, Семиянтень, философонтень ды литературоведэнтень М. М. Бахтиннэнь, ниле скульптурат Национальной театрав совамо таркасонть (Эрзява, Мокшава, Атя, Од цёра) ды лият. Кой-конатнень сон теинзе ялаксонзо Григорий Михайлович скульпторонть марто (сон тусь эрямосто 2012 иестэ). Филатовонь важодеманзо ванстовить С. Д. Эрьзя лемсэ изобразительной искусствань музейсэ ды Россиянь ламо ошонь музейтнесэ.
Кода ёвтнесь Николай Михайлович, вечкевикс скульптуратнестэ вейкесь – Пушкиннэнь кеврунгось. Сон важодсь лангсонзо ськамонзо ды кувать. Кочксесь зярыя варианттнэстэ, бажась теемс мазый, седейс токиця, невтемс вечкевикс поэтэнть виевчинзэ, ёрокчинзэ. Мейле ошсонок кувать арсесть-вешнесть тарка, козо стявтомс кеврунгонть.
Галина Алексеевна нинзэ марто Филатов теевсь содавиксэкс Пензань художественной училищасо тонавтнемстэ. Низэяк творческой ломань. Важодеманзо невтевсть Московсо раськеютконь выставкатнесэ. Сон алтызе эрямонзо педагогонь тевентень. Важодсь эйкакшонь художественной школасо, Национальной культурань институтсо. Тонавтсь зярыя од артыцят. Николай Михайловичень туртов – васенце критик, превс путыця, чарькодиця.
Сынст кавто цёрасткак тусть артыцянь кияванть. Васенце цёраст, Сергей Николаевич, эри Московсо, яви мель скульптурантень.
Омбоцесь – Александр Николаевич – од скульптор, сонзэ лемдить арсиця скульпторокс. Важодеманзо ламоксть невтневсть эрьва кодат выставкатнесэ. Тейни портретт. Сон истя жо важодсь М. М. Бахтиннэнь ды тейтерне марто полицейскойнень («Защитникам правопорядка») кеврунготнень лангсо. Теизе Сыре Шайговасо Славань аллеянть.
Филатовтне – художественной интеллигенция, тонавтыцят, сынст произведениятнесэ редяви покш вечкема тиринь масторонтень.
Минь кевкстинек Николай Михайловичень, мезе лангсо важоди ней. Валонзо коряс, таго теи Степан Эрьзянень кеврунго. Сон – вечкевикс скульпторозо, виень максыцязо, конань эйстэ весемесь ушодовськак.
Татьяна МАТОРКИНА
https://sun9-62.userapi.com/impg/8mHXg5uza7eDWyEuHlOSg5qB8xivfAlcE2T6hA/8TWKWrno1zQ.jpg?size=604x403&quality=95&sign=4630e8c594e9e95b155b67aea17168c4&type=album");">https://sun9-52.userapi.com/impg/MxklNIaKr-QZLwm-rK-e3RfLe4v8trjD_poWEQ/c12TcvTZvUk.jpg?size=604x453&quality=95&sign=2604d0579df00af15fe233b6c29e4884&type=album");">